________________
ગુસ્તાવના અને સ્તવના
પ્રસ્તાવક ઃ ગચ્છાધિપતિ પૂ. આ. શ્રી વિજય જયઘોષ સૂરીશ્વરજી મ.સા.ના પ્રશિષ્ય મુનિશ્રી જયદર્શનવિજયજી મ.સા.
'પ્રમોદ ભાવમાં મોદ માણી, ગુણીના ગુણ જે ગાવે દોષ દફન અને ગુણ વપનના, બેવડા ફળ તે પાવે; તે તત્ત્વને જ ગુણશિરોમણિ, પરમાત્મા સમજાવે કે કરણ કરાવણ ને અનુમોદન સરખાં ફળ નીપજાવે.' દેવતાએ દિવ્યમાયાથી દુર્ગંધ વછૂટતો કૂતરો વિક્ર્મો કાયા બનાવી કાળી ડિબાગ પણ તે અપલક્ષણો વચ્ચે પણ લાક્ષણિક વાસુદેવને મરેલા તે શ્વાનની ઉજ્જવલ દંતપંક્તિ ખૂબ જ ગમી. ભ્રમરભોગી જેવા ભુક્તભોગી યોગી સ્થૂલભદ્રસૂરીશ્વરજીને વેશ્યા કોશાની કાયામાં પવિત્રતા દેખાણી જેને પ્રગટ કરી વાસના ઓકાવી કોશાને શ્રાવિકા બનાવી નાખી. પ્રભાવનાની લાલચમાં સપડાયેલ બાળમાનસમાં સ્વ. પ્રેમસૂરીશ્વરજી મ.સા.ને સદ્ભાવનાની સરિતા દેખાણી, તેથી જ તો મુન્ના જેવા બાળને મુનિ બનાવી તેની યોગ્યતા વિકસાવી આચાર્યપદવી સુધી પહોંચાડી શાસનની પ્રભાવના પણ કરાવી. બસ આ જ પ્રમાણે કોઇક બાલિશ બળવાખોરે ગાંધીજી ઉપર ગંદો પત્ર લખ્યો, જે વાંચી તે મહાપુરૂષે પોતાની ભૂલ દર્શાવનારને દિલથી નવાજ્યો ને કાગળ ફાડી નાખી તેમાં ભરાવેલ ટાંચણી ઉપયોગમાં લઇ લીધી. નેતાજી સુભાષચંદ્ર બોઝ ઉપર જોડો ફેંકાણો ત્યારે ભરસભામાં ભ ણ થંભાવી, જોડો ફેંકનાર પાસે બીજો જોડો પણ માંગ્યો જેથી જોડી પૂરી થાય ને ઉપયોગી થાય.
આવી અનેક અવનવી વાતો વિસ્મય કરાવે પણ સૂક્ષ્મ સંશોધક ચોક્કસ પામી શકે કે વિપત્તિને પણ સંપત્તિ તરીકે સ્વીકારી શકનાર વ્યક્તિમાં મૈત્રી ભાવથી પણ વધુ ઊંચો કોઇ ગુપ્તભાવ ગૂંથાયેલો છે. જેને જૈન - જૈનેત્તરો પ્રમોદભાવના કહે છે. મૈત્રી, પ્રમોદ, કારુણ્ય ને માધ્યસ્થ્ય ભાવના ભાવવાની ભવ્યકળા જેને લાધી જાય તે જીવાત્મા કદાચ સ્વર્ગના સુખોને પણ આંબી
જાય.
મૈત્રી ભાવના સર્વ જીવો માટે ભાવવાની છે તેથી તેમાં વ્યાપક ફેલાણ હોય છે, જ્યારે પ્રમોદ ભાવના ગુણાધિક પ્રતિ ભાવી આનંદવાનું હોય છે તેથી
13
