________________
તે તે આરાધકોને રૂબરૂ મળીને યા પત્ર દ્વારા ઉપબૃહણા કરીને વધુ પ્રોત્સાહિત કરી શકે તથા તેમના સંપર્કથી સ્વયં પણ તેવા સદ્ગુણો પ્રાપ્ત કરી શકે તે માટે શક્યતા મુજબ તે તે આરાધકોના નામ-ઠામ અત્રે રજુ કરવામાં આવ્યા છે. સુજ્ઞ વાચકવૃંદને નમ્ર વિનંતિ કે બની શકે તો તે તે આરાધકોને એકાદ પોસ્ટકાર્ડ લખીને તેમની ઉપબૃહણા-અનુમોદના કરવી જેથી તેમને આરાધનામાં હજી પણ આગળ વધવા માટે બળ મળી રહે તેમજ આપણા જીવનમાં પણ તેવી વિશિષ્ટ આરાધના કરવાની શક્તિ પ્રગટે.
પ્રાયઃ દરેક બાબતોમાં સાપેક્ષ રીતે લાભ-ગેરલાભ બંને ઓછેવત્તે અંશે સમાયેલા હોય છે અથવા તો સિક્કાની બે બાજુ હોય છે તેમ એક એવું પણ હિતસૂચન આવેલ કેનામ-ઠામવિના કેવળ આરાધકોનાં દૃષ્ટાંત જ પ્રકાશિત કરવા(નામ-ઠામ કોઈ પૂછે તો જ જણાવવા) કારણકે વર્તમાનની એ વિષમતા છે કે આરાધનાનું કેટલુંક પાસું સુંદર હોય તેવા કેટલાકનું બીજું પાસું એટલું સુંદર નથી હોતું તેવી વ્યક્તિઓનાં નામ-ઠામ સાથે પ્રસંગો છપાય, તો આખી | વ્યક્તિ ભદ્રિક જીવો માટે અનુમોદનીય બની જાય. ઇત્યાદિ
આ વાત સાપેક્ષ દૃષ્ટિએ બરાબર હોવા છતાં ઉપરોક્ત હેતુસર અત્રે આરાધકોના નામ-ઠામ રજુ કરવાનું સાહસ કર્યું છે. વાચકવૃંદ ઉપરોકત હિતસૂચનને નજર સમક્ષ રાખીને હંસની માફક ક્ષીર-નીર ન્યાયે આરાધકોના જીવનમાંથી સદ્ગણોને ગ્રહણ કરશે અને છબસ્થદશાસુલભ ત્રુટિઓ પ્રત્યે માધ્યચ્યભાવ ધારણ કરશે એવી આશા. જ્યાં સુધી છદ્મસ્થદશા છે ત્યાં સુધી દરેક જીવોમાં ગુણ-દોષ બંને ઓછેવત્તે અંશે હોવાના જ છે. તેથી અત્રે રજુ થયેલ આરાધકોના જીવનમાં, પણ કોઈક બાબતમાં ત્રુટિઓ હોય તો તેમાં આશ્ચર્ય નથી પરંતુ સ્વાભાવિક છે. કારણકે અનાદિકાલથી મિથ્યાત્વથી મૂઢ બનેલા, કર્મોથી ઘેરાયેલા, સ્વસ્વરૂપથી અજ્ઞાત એવા આ જીવમાં અનંત દોષો હોય તો પણ તેમાં કશું આશ્ચર્ય નથી પરંતુ આવા પણ જીવમાં એકાદ નાનકડો પણ સગુણ પ્રગટેલો દેખાય તો તેને મહા આશ્ચર્યરૂપ માની તેની હાર્દિક અનુમોદના અને અવસરોચિત વાણીથી ઉપબૃહણા કરવાનો મહાપુરૂષોનો ઉપદેશ છે.
અત્રે રજુ થયેલ દૃષ્ટાંતોના પાત્ર સ્વરૂપ આરાધક આત્માઓને પણ વિનમ્રભાવે હિતસૂચન કરું તો તે અસ્થાને નહિ ગણાય કે પ્રસ્તુત પુસ્તકમાં તમારું દૃષ્ટાંત તમારા સ્વયં વાંચવામાં આવે ત્યારે યા તો તે વાંચીને કોઈક
11
