________________
આપવામાં આવેલ છે. માટે જેમજેમ આવા છૂપા આરાધક રત્નોની ભાળ મળતી જશે તેમ તેમ આ પુસ્તકની આગામી આવૃતિઓમાં પ્રકાશિત થઈ શકશે. સુજ્ઞ વાચકોને આવા દૃષ્ટાંતો શીધ્ર લખી મોકલાવવા નમ્ર વિનંતિ. - આ પુસ્તકના વિવિધ વિભાગોમાં પ્રકાશિત થઈ રહેલા આરાધક આત્માઓમાંથી શક્ય તેટલા વધુને વધુ આત્માઓને પ્રત્યક્ષ મળીને પ્રશ્નોત્તરી દ્વારા તેમની આરાધનાની જાણકારી મેળવવા પ્રયત્ન કર્યો છે. કેટલાક દૃષ્ટાંતો ધર્મચક્રપ્રભાવક પ.પૂ. પંન્યાસ પ્રવર શ્રી જગવલ્લભવિજયજી મ.સા., પૂ. ગણિવર્યશ્રી ગુણસુંદરવિજયજી મ.સા., પૂ.ગણિવર્યશ્રી ભુવનસુંદરવિજયજી મ.સા., મુનિરાજશ્રી અક્ષયબોધિવિજયજી, મુનિરાજશ્રી મહાબોધિવિજયજી વિગેરે મુનિવરાદિ પાસેથી તેમના અનુભવ સ્વરૂપે સાંભળીને લખ્યા છે, તો કેટલોક દૃષ્ટાંતો વિવિધ આત્માઓ પાસેથી પત્રવ્યવહાર દ્વારા પણ પ્રાપ્ત કર્યા છે. કેટલાક દૃષ્ટાંતો શાસનપ્રભાવકપ.પૂ.પંન્યાસપ્રવર શ્રી ચંદ્રશેખરવિજયજી મ.સા. દ્વારા લિખિત 'મુનિ જીવનની બાળપોથી' તથા' મારી તેર પ્રાર્થનાઓ તથા મુનિરાજ શ્રી ભદ્રેશ્વરવિજયજી દ્વારા સંકલિત જૈન આદર્શ પ્રસંગો'ના આધારે રજુ કર્યા છે. ત્રીજા વિભાગમાં રજુ થનાર પ્રાચીન મહાપુરૂષોના દષ્ટાંતો વૈરાગ્યદેશનાદક્ષ પપૂ.આ.ભ. શ્રી વિજય હેમચંદ્રસૂરીશ્વરજી મ.સા. દ્વારા સંપાદિત મુક્તિનું મંગલ દ્વાર' પુસ્તકમાંથી લીધેલ છે. આ સર્વે મહાત્માઓનો તેમજ અન્ય પણ નામી-અનામી અનેક આત્માઓએ પ્રસ્તુત પુસ્તકના સંકલન સંપાદનમાં વિવિધ સ્વરૂપે પ્રત્યક્ષ કે પરોક્ષ રૂપે સહયોગ આપ્યો છે.તે સર્વેને અત્રે કૃતજ્ઞભાવે યાદ કરી હાર્દિક આભારની લાગણી વ્યક્ત કર્યા સિવાય રહી શકાય તેમ નથી.
દીક્ષા લેવાની તીવ્ર તાલાવેલી હોવા છતાં પણ માત્ર બિમાર માતાની સેવા ખાતર વેવિશાળનું બંધન સ્વીકારી, સગાઈ પછી અને લગ્ન પહેલાં જ સજોડે માવજીવ બ્રહ્મચર્યવ્રતનો સ્વીકાર કરી, લગ્નબાદ પણ ૧૦ વર્ષ સુધી (દીક્ષા પર્યત) એ અસિધારાવ્રતનું નિર્મળપણે પાલન કરી, સજોડે દીક્ષિત થયેલા મુનિરાજશ્રી જયદર્શનવિજયજીએ ખૂબજ આત્મીયભાવે પ્રસ્તુત પુસ્તકના પ્રકાશનમાં દિલચશ્મી દાખવીને મનનીય પ્રસ્તાવના લખી આપીને પુસ્તકની ઉપયોગિતામાં અભિવૃધ્ધિ કરી છે તે બદલ તેમનો પણ હાર્દિક આભારી છું. તેમનું આશ્ચર્યપ્રદ દૃષ્ટાંત આ પુસ્તકના દ્વિતીય વિભાગમાં પ્રગટ થશે.
અત્રે રજુ થયેલ દૃષ્ટાંતો વધુ વિશ્વસનીય બને તેમજ જિજ્ઞાસુ આત્માઓ
10
