________________
વિનયત્રિશિકા/સંપાદિકાનું કથન
સંપાદિકાનું કથન
ઉપાધ્યાય યશોવિજયજી મહારાજનાં ગ્રંથો એટલે જિનશાસનના અમૂલ્ય રત્નો. ૫૫ વર્ષના દીર્ધ સંયમ જીવનમાં ગુજરાતના આ મહાન જ્યોર્તિધરે સંસ્કૃત, પ્રાકૃત અને ગુજરાતીમાં અનેક ગ્રંથોની રચના કરી છે.
દ્વત્રિશદ્ધાત્રિશિકા ગ્રંથની આ ૨૯મી વિનયબત્રીશીમાં જ્ઞાન, દર્શન, ચારિત્ર અને તપ માટે કરાતા ઉદ્યમને જ વિનય કહેલ છે. અને તેનાથી જ કર્મોનું શીધ્ર વિનયન થાય છે. વળી, ગુણવાન એવા અરિહંત આદિ તેર પુરુષોનો અનાશતના, ભક્તિ, બહુમાન, અને ગુણોની પ્રશંસા દ્વારા ચાર-ચાર પ્રકારે એમ કુલ બાવન ભેદથી વિનય કરવાનું કહેલ છે. અને અરિહંત આદિ સર્વ પુરુષો જ્ઞાનાદિ ગુણોથી પરસ્પર અનુવિધ છે તેથી કોઈ એકની હીલનામાં સર્વની હીલનાની આપત્તિ છે અને કોઈ એકની ભક્તિથી કેવલજ્ઞાનની પ્રાપ્તિ થઈ શકે છે તેનું સુંદર નિરૂપણ ગ્રંથકારશ્રીએ કરેલ છે. - પૂર્વના મહાપુરુષોના ગ્રંથોને ગ્રહણ કરીને તેની પંક્તિ બેસાડવી એ જુદી વાત છે અને તેના રહસ્યો સમજવા એ જુદી વાત છે. પ્રસ્તુત ગ્રંથમાં પૂ. પંડિતવર્ય શ્રી પ્રવિણભાઈ મોતાએ શાસ્ત્રીય પદાર્થોના રહસ્યોનું એકવાક્યતાથી સુંદર નિરૂપણ કરીને યોગ્ય જીવોને સંવેગ પેદા થાય તે માટે યત્ન કરેલ છે.
આ ગ્રંથમાં સતત માર્ગદર્શન અને પ્રેરણા આપવા બદલ પૂ. સાધ્વીજી શ્રી ચારૂનંદિતાશ્રીજી મહારાજ સાહેબનો ઉપકાર ભૂલી શકાય તેમ નથી. ગુજરાતી અને સંસ્કૃત ભાષા ઉપર આગવું પ્રભુત્વ હોવાને કારણે સંશોધન કાર્યમાં જરૂરી સૂચનો આપવા બદલ સુશ્રાવક શ્રી શાંતિલાલ શિવલાલ શાહનો સહયોગ મળ્યો તે બદલ ધન્યતા અનુભવું છું.
ગ્રંથકારશ્રીના આશયથી અને જિનેશ્વરદેવની આજ્ઞાથી વિરુદ્ધ કાંઈપણ લખાયું હોય તે બદલ “મિચ્છા મિ દુક્કડમ્”
આપણે સૌ આત્માના ગુણોના આર્વિભાવ માટે કર્મોનું શીધ્ર વિનયન કરી મોક્ષ પ્રાપ્ત કરીએ એજ અભ્યર્થના. વિ.સં. ૨૦૧૪, આસો સુદ-૧૦
- સ્મિતા ડી. કોઠારી ગુરુવાર, ૯-૧૦-૨૦૦૮. ૧૨, બેંક ઓફ ઈન્ડિયા સોસાયટી, ઉસ્માનપુરા, અમદાવાદ-૩૮૦ ૦૧૩.
Jain Education. International
For Private & Personal Use Only
www.jainelibrary.org
