________________
વિનયદ્વાત્રિંશિકા|શ્લોક-૭-૮
૧૯
થાય છે. આ પ્રકારે અનાશાતનાદિ ચાર પ્રકારે વિનય કરવાથી કર્મનું વિનયન થાય છે.
વળી, ભગવાનના શાસનમાં સંયમ લેનાર સાધુઓનાં નાગેન્દ્ર આદિ કુળો હતાં. તેઓ અનેક ગુણોથી યુક્ત હતા. તેમનું સ્મરણ કરીને તેમના પ્રત્યે ભક્તિની વૃદ્ધિ થાય તે પ્રકારે ઉચિત પ્રવૃત્તિ કરવામાં આવે તો અનાશતનાદિ ચાર પ્રકારે વિનય ક૨વાથી કર્મનું વિનયન થાય છે.
વળી, આચાર્ય મહાસત્ત્વથી રત્નત્રયીની વૃદ્ધિના કારણભૂત પાંચ પ્રકારના આચારને પાળનારા હોય છે, અને તે આચારોની સુવિશુદ્ધ પ્રરૂપણા કરીને યોગ્ય જીવોને તે આચારોની પ્રાપ્તિ કરાવે છે. તે રીતે આચાર્યની ઉપસ્થિતિ કરીને અનાશાતનાદિ ચાર પ્રકારે વિનય કરવાથી કર્મનું વિનયન થાય છે.
વળી, ઉપાધ્યાય ભગવાન શાસનનાં સૂત્રો આદિનું અધ્યયન કરાવીને યોગ્ય જીવોને સંયમવૃદ્ધિમાં પ્રબળ કારણ બને છે. તે રીતે તેમના ગુણોની ઉપસ્થિતિ કરીને અનાશાતનાદિ ચાર પ્રકારે વિનય કરવાથી કર્મનું વિનયન થાય છે.
વળી, યોગમાર્ગમાં પ્રવૃત્ત એવા સાધુઓ પણ કર્મના દોષથી સિદાતા હોય ત્યારે સ્થવિરો તેઓને યોગમાર્ગમાં સ્થિર કરવાનું કારણ બને છે. એવા સ્થવિરોના ગુણોની ઉપસ્થિતિ કરીને અનાશાતનાદિ ચાર પ્રકારે વિનય કરવાથી કર્મનું વિનંયન થાય છે.
વળી, એક ગણિની નિશ્રામાં રહેલો સાધુઓનો સમુદાય તે ગણ કહેવાય, અને ભગવાનના શાસનમાં કૌટિક આદિ ગણ પ્રસિદ્ધ છે. તે ગણના ગુણો આદિનું સ્મરણ કરીને અનાશાતનાદિ ચાર પ્રકારે વિનય કરવા ર્મનું વિનયન થાય છે.
ભગવાનના શાસનમાં સાધુ-સાધ્વી-શ્રાવક-શ્રાવિકાના સમુદાયરૂપ શ્રીસંઘ છે, અને ભગવાનના વચનને પરતંત્ર થઈને સ્વભૂમિકા અનુસાર શ્રીસંઘમાં જેઓ મોક્ષમાર્ગની આરાધના કરી રહ્યા છે અને સર્વ ઉદ્યમથી વીતરાગ થવા માટેની શક્તિનો સંચય કરી રહ્યા છે, તેઓ ચતુર્વિધ શ્રીસંઘમાં સ્થાન પામે છે, અને તેવા ગુણોથી કલિત એવા ચતુર્વિધ શ્રીસંઘની ઉપસ્થિતિ કરીને અનાશાતનાદિ દ્વારા ચાર પ્રકારે વિનય કરવામાં આવે તો કર્મનું વિનયન થાય છે.
Jain Education International
For Private & Personal Use Only
www.jainelibrary.org
