________________
વિનયદ્વાત્રિંશિકા|સંકલના તે બતાવવા અર્થે ગ્રંથકારે શ્લોક-૨૧માં વિનયસમાધિ, શ્રુતસમાધિ, તપસમાધિ અને આચારસમાધિ બતાવેલ છે. ત્યાં સમાધિનો અર્થ એ છે કે મોહથી અનાકુળ થયેલું એવું જે સ્વસ્થ ચિત્ત એ સમાધિ છે; અને તે સંપૂર્ણ યોગમાર્ગમાં કઈ રીતે ઉપયોગી છે, તે સ્પષ્ટ કરવા અર્થે વિનય આદિ ચાર સમાધિના એક એકના ચાર ચાર ભેદો શ્લોક-૨૨, ૨૩, ૨૪માં બતાવેલ છે. તેનો યથાર્થ બોધ કરીને સ્વભૂમિકા અનુસાર તે તે સમાધિમાં ઉદ્યમ કરવામાં આવે તો શ્રુતજ્ઞાન પ્રથમ બોધરૂપે પરિણમન પામે છે, ત્યારપછી આચરણારૂપે પરિણમન પામે છે અને અંતે સ્પર્શ નામની જ્ઞાનની પરિણતિ પ્રગટે છે, જે પરિણતિ શીઘ્ર મોક્ષનું કારણ છે, તેમ ગ્રંથકારે શ્લોક-૨૫, ૨૬માં બતાવેલ છે, અને અંતે સ્પષ્ટતા કરી કે દરેક ઉચિત સ્થાને જે જીવ વિનયને યોજન કરે છે, તે જીવને સ્વયંવરાની જેમ મોક્ષની પ્રાપ્તિ થાય છે.
છદ્મસ્થતાને કારણે આ ગ્રંથના વિવેચનમાં વીતરાગ ૫રમાત્માની આજ્ઞાવિરુદ્ધ કે ગ્રંથકારશ્રીના આશયવિરુદ્ધ અજાણતાં કંઈ પણ લખાયું હોય તો ત્રિવિધે ત્રિવિધે ‘મિચ્છા મિ દુક્કડં' માંગું છું.
વિ. સં. ૨૦૬૪, આસો સુદ-૧૦
તા. ૯-૧૦-૨૦૦૮, ગુરુવાર વિમલવિહાર,
૩૦૨,
સરસ્વતી સોસાયટી, પાલડી, અમદાવાદ-૭.
Jain Education International
$
i)
– પ્રવીણચંદ્ર ખીમજી મોતા
For Private & Personal Use Only
www.jainelibrary.org
