________________
કરતાં હોય તો ભક્તિથી થતાં મંદિર નિર્માણના ખર્ચને સમજવામાં તકલીફ પડવી ન જોઇએ.
પાલિતાણાની પ્રથમ તળેટી વલ્લભીપુરમાં પ્લોટના દેરાસરમાં ઊના ગામથી પધારેલા શ્રી આદીશ્વરજીનો પ્રવેશ પ્રસંગ હતો. મુહુર્ત અગાઉ માત્ર બે-ત્રણ દિવસ પૂરતા પ્રભુજી ત્યાંના જાણીતા દાનવીર હર્ષદભાઇના બંગલા મધુવિલામાં બિરાજવાના હતા. માત્ર તેટલા માટે હર્ષદભાઇએ આરસની કલાત્મક બેઠક બનાવી હતી. કોઈએ તેમને કહ્યું હતું કે ‘‘આ માટે કપડાનો મંડપ પણ ચાલે ને! માત્ર ૪૮ કલાકનો સવાલ હતો'' ત્યારે હર્ષદ ભાઈએ મજાનો જવાબ આપ્યો હતો. ‘કેટલા સમય માટે બેઠક બનાવવાની છે’ તે તમે વિચારીને કહો છો જ્યારે ‘કોના માટે’ બનાવવાની છે તે વિચારીને મે આમ કર્યું છે.
વાતમાં દમ પણ છે. કોઈ મોટા કાર્યક્રમમાં માત્ર ગણતરીની ચાર-પાંચ મિનિટ પૂરતા પણ કોઈ મોટા મહેમાન પધારવાના હોય તો આખા સ્ટેજનો ગેટ-અપ, બેઠક વ્યવસ્થા બધું તે વ્યક્તિને ધ્યાનમાં રાખીને થતું હોય છે અને તે વ્યાજબી પણ ગણાય છે.
ભગવાને રાજપાટ, વૈભવ છોડી દીધા છે છતાં જે દેરાસર બને છે તે કલાત્મક અને વૈભવી એટલા માટે હોય છે કે ચાહક ભગવાનને સર્વોત્તમ રીતે જ ૨જુ ક૨વા ચાહે. ગાંધીજીના ચશ્માની ફ્રેમ ભલે સાવ સાદી હશે પણ તે જ ગાંધીજી ના ફોટા લાખો જગ્યાએ ગોલ્ડન ફ્રેમમાં મઢાવીને લોકોએ રાખ્યા છે. ગાંધીજી બ્રાન્ડેડ આઉટફિટમાં ન શોભે તે વાત સાચી પણ ગાંધીજીની પ્રેઝન્ટેશન ક્વોલિટી બ્રાન્ડેડ જ હોય. ક્યારેય સાવ સાદી ન હોય.
વિચારોની દીવાદાંડી
૦૭
