________________
અનાજની અછત હકીકતમાં ક્યા કારણે થઈ શકે તે વિચારવું રહ્યું. ચક્કર આવતાં હોય તો હજી વાંચો. એક કિલો ઘઉં ઉગાડવામાં
અંદાજે ૨૧૦ લિટર પાણીની જરૂર પડે છે. જ્યારે એક કિલો માંસ માટે ૨૦ હજારથી વધુ લિટર પાણીની જરૂર પડે છે. (એક કિલો માંસ પેદા કરવા પશુને ૮ થી ૧૬ કિલો વચ્ચે અનાજ આપવું પડે અને એટલું અનાજ ઉગાડવામાં જે પાણી જરૂરી બને છે, તદુપરાંત પશુને પૂરતું પાણી પીવડાવવામાં આવે અને તેની કતલ વખતે માંસ મેળવવામાં જે પાણી વપરાયતે બધું અહી ગણતરીમાં લીધું છે.
માંસાહાર કેટલી શોષક આહારશૈલી છે અને આરોગ્ય, પર્યાવરણ વગેરે માટે કેટલા ખતરારૂપ છે તે જાણ્યા પછી ધબકતાં હૃદયવાળો કોઈ માંસાહાર કરી જ ન શકે.
કોઈ શિક્ષિત અને ખુલ્લા મનથી વિચારી શકે તેવા સરળ માંસાહારીને જોન રોબિન્સનું લખેલું 'A Diet For New America' વાંચવા ભલામણ કરી શકાય. અમેરિકામાં લેખકના પુસ્તકથી માંસાહાર વિરુદ્ધ રીતસરનો પવન ફૂંકાયો હતો.
બાકી, સંવેદનશૂન્ય બન્યા સિવાય કોઈ માંસાહાર કરી જ ન શકે. શાક સમારતાં આંગળી પર ચીરો પડે ત્યારે સિસકારા નાંખનારો માણસ ધારદાર છરા નીચે જીવતાં પશુની શું દશા થતી હશે તે સમજી શકે તો
ક્યારે ય માંસાહારનો કોળિયો લઈ ન શકે. દેખીતું સત્ય એ છે કે પશુ નિષ્ણાણ બને પછી તેના માંસનો આહાર કોઈ કરે છે. નહીં દેખાતું સત્ય એ છે કે વ્યક્તિ પોતે નિપ્રાણ જેવો બને છે અને પછી માંસાહાર કરે છે.
જાણીતા સાહિત્યકાર શ્રી ગુણવંત શાહે એક સ્થળે લખ્યું છે. કતલખાનાની દિવાલો પારદર્શક કાચની હોત તો ભાગ્યે જ કોઈ માંસાહાર કરી શકત.
- વિચારોની દીવાદાંડી -
