________________
જૈન શ્રમણ જીવનનો પ્રભાવશાળી પરિચય એટલે કંચન કામિનીનો ત્યાગ, જૈન શ્રમણ જીવનનો વિસ્મયકારી પરિચય એટલે વાહન અને વીજળીનો ત્યાગ. આત્મસાધના માટે નીકળેલા શ્રમણ, શ્રમણી ભગવંતો દ્વારા અનાયાસે કેટલો મોટો વિશ્વોપકાર સતત થતો રહે છે તે છાનો રહી જાય છે. ચાલો, જાણવાનો પ્રયાસ કરીએ.
વર્તમાન સદી એટલે સમસ્યાઓની સદી ! વૈશ્વિક નેતાઓ જ્યારે પણ ભેગા થાય ત્યારે બે મુદ્દાની ચર્ચા કાયમ કરતાં રહે છે (i)આતંકવાદ (ii) ગ્લોબલ વોર્મિંગ.
વૈશ્વિક સ્તરે વધતા તાપમાન અને ક્લાઇમેટ ચેન્જનું મુખ્ય કારણ Carbon Emission છે. વાતાવરણમાં સતત વધતા જતાં કાર્બન દ્વારા આ નુકસાન વધે છે. વાહનો અને વીજળીનો વપરાશએ વાતાવરણમાં કાર્બન ઉમેરતા બે મહત્ત્વના પરિબળો છે.
થોડા વર્ષો પૂર્વે કોપનહેગનમાં ગ્લોબલ વોર્મિંગ અંગે વિચારણા કરવા એક વિશ્વસ્તરીય બેઠક મળી હતી. દુનિયાના પોણા બસો દેશના અંદાજે ચારેક હજાર બુદ્ધિમાનો ત્યાં હાજર હતા. સેંકડો પત્રકારો પણ ત્યાં પહોંચી ગયા હતા. વાહન અને વીજળીના બેફામ વપરાશ પર અંકુશ મૂકવાની બાબત પર ભાર મૂકાયો. વિકસિત ગણાતો એક પણ દેશ આ અંગે પહેલ કરવા તૈયાર ન થયો. છેવટે બઘાએ ખાધું, પીધું ને છુટા પડ્યા.
ઓસ્ટ્રેલિયાના સિડની ખાતેથી એક નાનકડી પા-પા પગલી જેવો પ્રયાસ આ દિશામાં ચાલે છે. ‘Earth Hour' ના નામે પ્રસિદ્ધ થયેલી આ ઝુંબેશમાં દર વર્ષના માર્ચ મહિનાના છેલ્લા શનિવારે સાંજે ૭ થી ૮ દરમ્યાન બિનજરૂરી લાઇટ્સ દરેકે off કરી દેવાની. કલાક માટે મોટામોટા ટાવરો પણ અંધારું પાળે.
વિચારોની દીવાદાંડી
૭૫
