________________
સદાચાર અને સજ્જનતાના ઉપદેશો દ્વારા કેંકના જીવનમાંથી ગુન્હા અને મનમાંથી ગુન્હાખોરી નિર્મળ કરવાનું કાર્ય, ગુન્હેગારોને પકડતાં પોલિસો કરતાં પણ ઊંચુ ન ગણાય?
સાતક્ષેત્રોમાં થતા ઉત્તમ સુકૃતો, જીવદયાના વિરાટ કાર્યો, અનુકંપાદાનની વહેતી સરિતાઓના મૂળમાં ઘણી જગ્યાએ કોઈને કોઈ સાધુભગવંતની પ્રેરણા રહી હોય છે.
કોઈ વૃદ્ધાશ્રમ ઊભું કરવા કરતાં વૃદ્ધો અને વડીલોની સેવા, ઔચિત્યનો ઉપદેશ આપીને સરવાળે પાંચ - દશ - વૃદ્ધાશ્રમો ખૂલવાની શક્યતા જ અટકાવી દે તે કેટલો ઊંચો પરોપકાર છે.
સૂર્ય માત્ર ઊગે છે અને વિશ્વોપકાર સહજ બને છે તેમ પોતાની નિર્મળ સાધનાનું લક્ષ્ય અખંડ રાખીને સાધુ માત્ર જીવન જીવે છે અને પરોપકાર થયા કરે છે.
(વિચારોની દીવાદાંડી)
૭૯
