________________
સામાયિકમાં ગૂંથાયેલી જીવનશૈલીનો ઝીણવટભર્યો અભ્યાસ કોઇ વિદેશી વિદ્વાન પણ કરશે તો ઇકોફ્રેન્ડલી લાઇફસ્ટાઇલની બાંગો પોકારવાનું તે ભૂલી જશે.
સાધુના જીવનમાં પરોપકાર વણાયેલો હોય છે. સાધુની વાણીમાં પરોપકાર વણાયેલો હોય છે. સાધુના આશયમાં પરોપકાર વણાયેલો હોય છે.
ગૃહસ્થ જીવનમાં પોતાની જવાબદારી, મજબૂરી વગેરે ઘણી અડચણો અહીં વચ્ચે આવીને ઉભી રહે છે. બેશક, કેટલાક વિરલાઓએ સેવાક્ષેત્રે સ્વર્ણાક્ષરીય યોગદાન આપ્યું છે. છતાં તેમના કરતાં સાધુના સ્વકલ્યાણ અને પરોપકારનું ફિલ્ડ પણ ઘણું વિરાટ અને વ્યાપક છે.
આ તો સાધકો દ્વારા અનાયાસે થયેલો વિશ્વોપકાર છે. શ્રમણ ભગવંતોના પ્રભાવશાળી જીવનની પ્રેરણા પામીને પણ ઘણા જીવો તેમના જીવનથી જ નવજીવન પામે છે.
શ્રમણ-શ્રમણી ભગવંતોના પ્રભાવશાળી પ્રવચનોએ હજારોના જીવનના નકશા બદલી દીધા છે. તેઓ હોસ્પિટલમાં જઈને bed to bed સર્વિસ નથી આપતા. પરંતુ આહાર સંયમ અને વ્યસનરહિત સંયમિત જીવનના ઉપદેશથી લોકોને એવી સ્થિતિમાં લાવી મૂકે છે કે હોસ્પિટલમાં જવાના કારણો જ ઉભા ન થાય.
મૈત્રીભાવ અને ક્ષમાપનાના અસરકારી ઉપદેશો થકી કેટલાયના જીવનમાં રહેલા સંઘર્ષો વિદાય લે છે. ભારતની દરેક કોર્ટમાં હજારો, લાખો cases પેન્ડિંગ પડ્યા હોય ત્યારે તે કેસ લડનારા વકીલ કરતા નવા કેસ ઊભા થતા અટકાવી દેનારાનો ઉપકાર ઘણો ઊંચો ગણાય.
૭૮
(વિચારોની દીવાદાંડી
