________________
દુનિયાના લગભગ ઘણા ખરા દેશો આ ઝુંબેશમાં સામેલ થયા છે. વાર્ષિક નુકસાનને પહોંચી વળવા માટે આ પ્રયાસ કેન્સરના દર્દમાં ક્રોસિન લેવા જેવો વામન પ્રયાસ છે. છતાં પર્યાવરણના પક્ષકાર બન્યાની પ્રતીતિ થતી હોવાથી આ પ્રયાસ બધે પ્રશંસા પામ્યો છે.
જૈન શ્રમણના જીવનની વાત પર જતાં પહેલા જૈન શ્રાવકો દ્વારા થતી સામાયિકનું નવા જ દૃષ્ટિકોણથી મૂલ્યાંકન કરવાની તક મળે છે. સામાયિક એટલે શું ? બીજું કાંઇ ન સમજે એવો વિદેશી બુદ્ધિવાદી પણ સમજી શકે એવી બૌદ્ધિક વ્યાખ્યા કરવી હોય તો કહી શકાય કે ‘વાહન અને વીજળી બાબતે અંદાજે એક કલાકનો સંપૂર્ણ, સજ્જડ વિરામ એટલે સામાયિક'. Earth Hour નું વધુ કડકાઇ અને ચોકસાઇભર્યુ નવું Version આને તે માની શકે છે.
Earth Hour માં વાહનો અને જરૂરી વીજળી પર કોઇ રોક નથી. માત્ર વર્ષે એક કલાક માટે Unnecessary Lights off! રોજની બે સામાયિક ક૨ના૨ો શ્રાવક મહિને પૂરા અઢી દિવસ અને વર્ષે પૂરો એક મહિનો વાહન અને વીજળીથી સંપૂર્ણવિરામ લે છે.
વર્ષે એક. કલાક મામૂલી વીજળી છોડીને બહુ મોટી સમાજસેવા કે વિશ્વહિતના રસ્તા પકડ્યાની પ્રતીતિ જેમને થતી હોય તેવા નકરા બુદ્ધિમાનો પણ સામાયિક ધર્મને સાષ્ટાંગ દંડવત્ પ્રણામ કર્યા વગર રહી ન શકે.
એક વાત ખાસ, સામાયિક એ આત્મસ્થિરતા મેળવવાનો પાપવિરામનીપ્રતિજ્ઞા સાથેનો એક મહાન ધર્મક્રિયા યોગ છે.તેનાથી થતો આધ્યાત્મિક લાભ મૂલવી શકાય તેમ નથી. કોઇ બાળકે પ્રશ્ન પૂછ્યો કે ‘સૂર્ય ન ઊગે તો શું થાય ?’ પિતાએ કહ્યું : ‘લાઇટનું બિલ વધારે આવે.’ આંશિક સત્ય હોવા છતાં પણ આ જવાબ સૂર્યનું ખરું
વિચારોની દીવાદાંડી
૭૬
