________________
જણાવવામાં આવતી નથી. ઊલ્ટું, ધર્મસ્થાનો, મંદિરો પ્રત્યે સૂગ ઊભી કરવા એવું ઠસાવવામાં આવે છે કે દુનિયાભરમાં થતાં વિભાજનો અને સંઘર્ષો ધર્મના કારણે થાય છે.
આજના મેનેજમેન્ટ ગુરુઓ પણ ઈન્ટલિજન્સ અને ઈમોશ્નલ ક્વૉશન્ટ કરતા સ્પિરિચ્યુઅલ ક્વોશન્ટને વધું જરૂરી ગણતા થયા છે. ધર્મસ્થાનો તેના પૂરક છે. પણ વર્તમાન શિક્ષણ અને પ્રચાર માધ્યમો તેના પર ફોકસ નથી કરતા. આ શિક્ષણથી કેળવાયેલા મગજવાળા કેટલાક લેખકોને ધર્મને અને ધર્મસ્થાનોને ગાળો ભાંડવાની ભારે ટેક હોય છે અને સહિષ્ણુ ધર્મજનોને દુઃખ પહોંચાડીને તેમને આનંદ મળતો હોય છે. કેટલાક ધર્મના અસહિષ્ણુ અનુયાયીઓને ઉશ્કેરવાની હિંમત જો કે તેઓમાં નથી હોતી.
વારંવાર ધર્મને બિનવૈજ્ઞાનિક', ધર્મક્રિયાને ‘દંભ’, ધર્મગુરુને ‘ભગવાનના એજન્ટ' કહીને વખોડી દેવાના આવા લોકોએ સોગંદ ખાધા હોય છે. ધર્મ, ધર્મગુરૂ, ધર્મસ્થાનો સામે લખવા પંકાયેલા એક નામાંકિત કટાર લેખકે પોતાના એક લેખમાં ત્યાં સુધી લખવાની હિંમત કરી હતી કે ‘મારા આજના લખાણ થી જો કહેવાતા ધર્મીઓની ધાર્મિક લાગણીઓને થોડી પણ ઠેસ પહોંચે તો મારું લખાણ સફળ માનીશ.' અહીં લેખકની છીછરી માનસિકતા છતી થાય છે.
જોઇ ન શકનારાને નેત્રદાનથી દેખતો હજી કરી શકાય પણ જોવું જ ન હોય તેને દૃષ્ટિનું દાન કઇ રીતે થઇ શકે ? તેવા લોકો પ્રત્યે ઉદાસીન અને ઉપેક્ષા સિવાય ક્યો વિકલ્પ ?
સડો દરેક ક્ષેત્રમાં હોઇ શકે છે. તે સિવાયની સારી વિગતો પણ સેંકડો ગણી હોય છે જેને આવા લોકો જોવા માંગતા જ નથી. દાયકાઓ પૂર્વે જ્યારે ભાખરાનંગલ ડેમ બંધાયો હતો ત્યારે વિચારોની દીવાદાંડી
૨૧
