________________
ખાનપાન એ અંગત જીવનનો એક ભાગ હોવાથી આમ તો એ દરેક માટે અંગત બાબત જ ગણાય છે. છતાં, ઘણી અંગત બાબતો જ્યારે પોતાના આરોગ્ય, પ્રકૃતિ કે પર્યાવરણને લઈને નુકસાનકારી સાબિત થતી હોય ત્યારે એ કંઈક અંશે નિયંત્રણને યોગ્ય પણ બને છે. તમાકુ, સિગારેટ વગેરે વ્યસનોનો વિરોધ એવો ધાર્મિક દૃષ્ટિકોણ ન ધરાવતાં લોકોમાંથી પણ આવે છે, તે આ જ કારણે.
માંસાહાર કરવો કે ન કરવો તેને કદાચ દરેકની વ્યક્તિગત બાબત ગણી લઈએ તો પણ કળ, કુનેહ, કાળજી અને કરૂણાથી કોઈને સમજાવી શકાય છે. તે જાતે તેને છોડવા તૈયાર થાય તે રીતે તેને સમજાવી શકાય છે. આજના ઘણા સેલિબ્રિટી લેવલના લોકો પણ આ વાતને પ્રમોટ કરે છે. કોઈ માણસ ભલે માંસાહારી હોય પણ સરળ પ્રકૃતિ અને ખુલ્લા મનથી બીજી બાજુના વિચારોને સ્વીકારી શકતો હોય તો તેને અન્નાહારની વાત આ રીતે સમજાવી શકાય.
માનવી અન્નાહારી બનવા જ સર્જાયેલો છે. માનવ માટે માંસાહાર એ કુદરત વિરુદ્ધનો આહાર છે. જીવનચર્યાનું કોઈપણ અંગ કુદરત વિરુદ્ધ તો ન જ ચાલવું જોઈએ. માંસાહારી અને બિનમાંસાહારી પ્રાણીઓની શરીર-રચનામાં ઘણા તફાવતો છે. માંસાહારી પ્રાણીઓની શરીર-રચના અનેક રીતે બિન-માંસાહારી પ્રાણીઓથી જુદી પડે છે. માનવીની શરીર રચના આ બિનમાંસાહારી પ્રાણીઓને બરાબર મળતી આવે છે. તે શું સૂચવે છે? કેટલીક સરખામણીથી સ્પષ્ટ ખ્યાલ આવશે કે માનવી બિનમાંસાહારી પ્રાણી છે. '
(વિચારોની દીવાદાંડી
