________________
મલાડ, કાંદીવલી, ગોરેગામ વગેરે ક્ષેત્રોમાં ગતવર્ષે અમારી ઉપસ્થિતિમાં થયેલ દીક્ષા પ્રસંગો દરમ્યાન દીક્ષાર્થીએ સ્વયં લગભગ ૩00 થી ૬00 જેટલા ગૃહ નોકરોને અંદાજે મહિનાની જીવનજરૂરી ચીજો અનુકંપાદાન રૂપે આપી હતી. 2 સૌરાષ્ટ્રમાં વિચરણ હતું ત્યારે ઝાલાવાડ વિસ્તારમાં ઘણા ગરીબ પરિવારો, મીઠાના ઢગલાઓ વચ્ચે કામ કરતા સેંકડો અગરિયા પરિવારો, વિકલાંગ લોકોની સાંભળી ન શકાય તેવી દશાનું વર્ણન સાંભળેલું. તેમની પાછળ જૈનો દ્વારા થતા સહાયક કાર્યોની વાતો જેમણે પણ વિગતવાર જાણી, નજીકથી જોઈ તે દરેકની આંખો ભીની ભીની બની ગઈ હતી. 3 ભાવનગર મુકામે દર મહિને સેંકડો અતિગરીબ પરિવારોને વિના મૂલ્ય જીવનજરૂરી ચીજો અપાય છે આ પ્રવૃત્તિ ત્યાંના જૈનો પોતાની સંસ્થા હેઠળ વર્ષોથી કરે છે. ઉપરાંત, ભાવનગરમાં માત્ર ૪ રૂપિયામાં જૈન ભોજન પીરસતી વડવા જૈન ભોજનશાળા છે જ્યાં સેંકડો મધ્યમવર્ગીય લોકો નિયમિત ભોજન લે છે. ભાગ્યે જ આવી વ્યવસ્થા ઊભી થતી હોય છે. || જૈનો દ્વારા થતી નબળી સ્થિતિવાળા સાધર્મિક બંધુઓની ગૌરવયુક્ત ભક્તિ અને અનુકંપાની પ્રવૃત્તિ જાણશે તેને દેવદ્રવ્યાદિને ગમે તેમ વાપરવાની સલાહ આપવાનું મન નહીંથાય.
આવા સુંદર કાર્યો ચાલતા હોવા છતાં બીજું બધું બંધ કરીને પણ માત્ર આ જ કાર્યો કરવાની કોઈ વાત કરે તો તે વિવેકશૂન્ય અતિવાદ છે.
(વિચારોની દીવાદાંડી)
૪૯
