________________
દરેક દાનની પાછળ દાતાનો કોઈ ચોક્કસ આશય હોય છે. દાતાના આશય વિરુદ્ધ પૈસાનો વપરાશ કરવો તે કાયદેસર ગુન્હો છે. (આને betrayalof the donor કહે છે.)
જો દાતાને ગરીબો માટે કંઈક કરવું હોય તો તે વિકલ્પ તેના માટે પહેલેથી જ ખુલ્લો હતો. તેણે અગાઉથી તે રકમ ત્યાં કેમ ન ખર્ચી ? તેને ભગવાન પ્રત્યે વિશેષ ભક્તિ હતી તેથી જ તેણે તે ક્ષેત્રમાં રકમ વાપરી હોય, પછી તે રકમને તે રીતે જ વાપરવી રહી.
એક વાત, ગરીબોનું ભલું કરવાના નામે કેટલાક શિક્ષિત સજ્જનો પણ આવી વાતો કરે છે. થોડા સમય અગાઉ વોટ્સએપ પર પોતાના પાયા વગરના વિચારો કેટલાકે વહેતા કરેલા, તેનું કાંઈ ઉપજ્યું નહીં. કારણ, લોકો પાસે અક્કલ અને શ્રદ્ધા બંને હોય છે.
જેને ગરીબો માટે વિશેષ કરવું હોય તે ધર્મ સ્થાનના વહીવટમાં સૂઝાવ દેવાને બદલે પોતાના ઘરથી શરું કરી શકે છે. વળી, આવા લોકોને દેરાસરના છત્ર નીચે સંઘ કે સંસ્થા લેવલ પર ચાલતા અત્યંત નોંધપાત્ર રાહતકાર્યોની કોઈ જાણકારી હોતી નથી.
એક અંદાજ મુજબ માત્ર મુંબઈમાં જ નબળા પુણ્યવાળા પરિવારો પાછળ જૈન સંઘો દર વર્ષે કરોડો રૂપિયા વાપરે છે. ઠેર ઠેર રહેલા ફાઉન્ડેશન્સની ક્યારેક મુલાકાત કોઈ લઈ જુવે.
મુંબઈ કે અમદાવાદ જેવા કોઈ એક શહેરમાં વર્ષભરમાં તમામ દેરાસરમાં જેટલી ઉપજ થાય તેથી ય વધુ રકમ તો કોઈ એકાદ વ્યક્તિ જ નબળા પાંચેક હજાર પરિવાર પાછળ ગણતરીના મહિનામાંજવાપરી જાણે છે.
આવા ઉદાહરણથી પ્રેરાઈને આવા સત્કાર્યો કરનારા બીજા અનેક શ્રીમંતો પણ પોતાના કરોડો રૂપિયાનો સદ્વ્યય સાધર્મિક
વિચારોની દીવાદાંડી
૪૫
