________________
[૨૨૨ ]
પ્રભાવિક પુરુષ : વિષમ અને અળખામણું લાગે છે તે જ્ઞાનીની નજરે રહસ્યપૂર્ણ હોય છે. જ્યારે એના પરના પડળ ખસેડાય છે ત્યારે જ તળે છુપાયેલી સાચી ખૂબી દષ્ટિગોચર થાય છે. મનકના પ્રસંગમાં પણ તેવું જ બન્યું છે. ગુરુદેવ શયંભવ સ્વામી હાલ ચંપાનગરીમાં બિરાજે છે અને તેઓશ્રીએ સારેએ વ્યતિકર યથાસ્વરૂપમાં મનકની માતુશ્રીને વિદિત કરવા અર્થે પોતાના મુખ્ય શિષ્ય અને ભાવી પટ્ટધરને અહીં મોકલ્યા છે. કેવળ તેમને એકલાને જ નહીં પણ મનકની માતા આદિ બીજા પણ સંબંધીઓને હાજર રાખી એ નિવેદન કરવાનું છે. તેથી જ અમને મનકનું ઘર જલદી બતાવવાની જરૂર છે.”
પૂજ્ય મુનિરાજ ! આ તે મસાલ જમણ ને મા પીરસનાર જેવું થયું. મનક મારો મિત્ર થાય. એના ચાલી ગયા પછી એની માતાને મારી માતા ગણે અવારનવાર તેમની પાસે હું જઉં છું. મારા પર તેમનું વહાલ પણ પુત્ર તુલ્ય છે. આજ કેટલાય દિવસથી મારા મિત્ર સંબંધે વારંવાર પૂછયા કરે છે. મેં તપાસ કરવામાં કચાશ નથી રાખી પણ વિદ્યાથી જીવનમાં મારાથી વધુ શું બને? અહીંની વસતિને મોટો ભાગ મૂળથી જ ભટજીના કાર્યની સામે છે એટલે આ વાતમાં જરા પણ રસ લેતો નથી. એ તો મનકની માતાને નિંદવાના અને મનક સંબંધી મનગમતી ગુલબાંગોના વિસ્તારમાં જ મશગૂલ રહે છે, જેનધમી શ્રમણના અવર્ણવાદ ફેલાવે છે અને કરશોરથી પોકારે છે કે જોયું ને એ લોકો કેવા ગભરુ બાળકોને સાધુ બનાવી દે છે. નાના છોકરાને નસાડી–ભગાડી સંસારના સુખેથી બળજબરીવડે દૂર રાખે છે! વર્ણવ્યવસ્થાને ઈરાદાપૂર્વક ભંગ કરે છે !”