Book Title: Paiavinnankaha Part 02
Author(s): Kastursuri, Somchandrasuri
Publisher: Rander Road Jain Sangh
View full book text
________________ 54 पाइअविनाणकहा-२ वियारित्ता रण्णा लहरायपुत्तो पढणटुं सत्थाइकलागहणटुं च विउसवरस्स समप्पिओ / सो विणएण विज्जाओ गिण्हंतो धम्मसत्थाइं च भणंतो विउसवरसंसग्गेण धम्मपिओ सइ धम्माराहणपरो सयायारवंतो य संजाओ / जिट्ठभाया उ महाराओ हं भविस्सं ति गव्वेण तह दुज्जणमित्तसमागमेण 'गुणा दोसा य संसग्गेण हवंति इअ वक्कं सञ्चविंतो विव' सो मज्जपाणघरम्मि वारंगणागेहम्मि य विलसंतो दिणाइं जावेइ / एवं एगवीसइमवरिसम्मि समागयाए जम्मट्ठमीए सव्वं नयरं महामहूसवपसंगे आणंदमग्गं संजायं / ___ एयम्मि महूसवम्मि पवट्टमाणम्मि नरवई सहसा रुग्गो संजाओ, तेण संझाए पहुणो आरत्तियविहाणम्मि अपक्कलो जाओ / जिट्ठकुमारस्स गवेसणम्मि कए सो न लद्धो / सो य तइया विदेसाओ समागयनट्टणीए नञ्चदंसणम्मि पसत्तो आसी, तओ लहुरायकुमारो आरत्तियकरणे आहविओ / सो अईव सिणेहभत्तिपुव्वयं पहुणो आरत्तियं विहेइ / एयम्मि जम्ममहम्मि पहुणो गुणगाणेण सव्वं रत्तिं नेसी / एगंतकामभोगविलासाइपसत्तेण खीणपुण्णो पहायम्मि रायगेहम्मि समागच्छंतो पायखलणेण पडिओ जिट्टकुमारो पहुजम्ममहम्मि उच्छालियसुवण्णमुद्दाणं दुण्णि लहीअ / ____ तम्मि चिय कालम्मि लहुरायकुमारो पहुजम्ममहूसवं संपुण्णं किच्चा रायपासायम्मि आगमणाय वच्चंतो खलंतपाओ सो तत्थ पडिओ / तइआ तहिं मालागारेण पुप्फकरंडगो पुव्वं ठविओ होत्था / तत्थ पुप्फाणं गुच्छमज्झम्मि एगा सूई तस्स कुमारस्स पायम्मि पविट्ठा, तओ सो पायपीलाबाहिओ कटेणं सूई निक्कासिऊण सत्थो जाओ / पञ्चूससमयम्मि सत्थत्तणं पत्तो नरवई दोण्णि कुमारे विग्घरहिए पासित्ता तं जोइसिअं आहविऊण जम्मकुंडलीए फलं विसमत्तणकारणं पुच्छित्था / रायनेमित्तिओ कहेइ-जम्मकुंडलीए निद्देसो फुडो अत्थि / परंतु एसो मणुअजम्मो कम्मभूमी अत्थी / पुव्वभवकयसुहासुहेण कम्मेण इह भवम्मि फलं भुंजिज्जइ, किंतु इह सत्तवसणाइपावपउत्तीए सुहं कम्मं झिज्जइ, सद्धम्मकम्मुणा उदयं समागच्छंतं असुहकम्मं पि खयं पावेइ / जेण ___पुव्वभवासुहं कम्मं, झिज्जइ सुहकम्मणा / एवं हि सुकयं कम्म, झिज्जइ पावकम्मुणा / / 2 / / अओ लहुकुमारस्स सूलीबद्धं असुहं कम्मं सद्धम्मकज्जेण अप्पाए सूइदुक्खवेयणाए ववगयं / जिट्ठबंधुणो चक्कवट्टिपयलाहरूवं सुहं कम्मं दुरायारपउत्तीए खीणं संजायं / जओ तेण अवसेससुकम्मेण दुण्णि सुवण्णदीणारा लद्धा / / एवं दुण्हं रायकुमाराणं सुहासुहकम्मफलाणं निष्फलभावम्मि दिटुंतं सोच्चा सया असुहकम्मनिवारणसमत्थम्मि धम्मम्मि तह य पवित्तायारम्मि पयट्टियव्वं ति / उवएसो दुण्हं रायकुमाराणं, कम्मं नया सुहासुहं / कल्लाणकारणे धम्मे, जत्तं कुणेह सव्वया / / 3 / / सुहासुहकम्मम्मि दुण्हं रायपुत्ताणं सत्तरियमी कहा समत्ता / / 70 / / -गुज्जरभासाकहाए
Page Navigation
1 ... 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254