Paiavinnankaha Part 02

Author(s): Kastursuri, Somchandrasuri
Publisher: Rander Road Jain Sangh

Page 204

लच्छी-सरस्सईदेवीणं संवायंमि कहा-१०८ 175 अह जया एसो आगच्छिज्जा तया एयस्स वोत्तव्वं-'सिग्धं सिग्धं पाणीयं आकड्ढेहि, पुणो पिवासा लग्गा' इअ सोच्चा जया एसो जलकड्ढणटुं कूवतडंमि ठाहिइ, तइया पिट्ठओ समग्गा एगीहोऊणं हत्थेहिं धरिसिऊणं कूवंमि पाडिज्जइ, तया य 'सीयलेण पामा गच्छिहिइ' / एयं वयणं सुणित्ता सव्वेहिं अणुमयं / अह ते विरया ताव सो वि देहचिंतं किच्चा आगओ / तइया चारेहिं वुत्तं-'भायर ! जलं निक्काससु, पुणो सरसभोयणाओ पिवासा लग्गा / सुवण्णयारो वि तदुत्तं सोच्चा चिंतेइ-‘सविसमोयगा अहुणा चडिउं लग्गा' अओ परं जलं पिञ्चा सव्वेवि भूमीए पडिस्संति, दीहनिदं च पाविस्संति / तओ परं अहं चेव सव्वं गिहिस्सं ति अह रोद्दज्झाणपरो जाव जलकड्ढणटुं लग्गो ताव पुव्वसंकेइएहिं तेहिं कूवंमि पक्खित्तो / ते चोरा वि पुणो घडियामेत्तंतरेण विसपहावेण मच्चु पत्ता / ___एयं सव्वं सरस्सई पइ दंसिऊणं लच्छीए वुत्तं-भो सरस्सइ ! दिद्वं जगम्मि अच्छेरं ? एएहिं दसहिं एगारहपाणाणं लाहटुं दस पाणा दिण्णा परंतु एगारहो पाणो न केणवि लद्धो / अहं जणे सयसहस्सदुक्खेसुं पाडेमि, रोगेहिं पीलेमि, कसाघाएहिं तालेमि, भिक्खाडणं करावेमि, कारागारंमि खिवावेमि किं बहुणा कुद्धो वेरी जं न कुणेज्ज तं सव्वं दुक्खं अहं देमि / तहवि संसारिणो जीवा मम पिटुं न छड्डेइरे / ममटुं माया-पिया-पुत्त-कलत्त-मित्त-भाउ-भिच्च-गुरुपमुहे वंचेइरे धरिस्संति य, तेसिं वीसासघायं कुणेइरे / कुल-जाइ-देस-धम्म-लज्जं च मोत्तूणं मयत्थं चेव परिभमेइरे / लच्छीकामुगो जणो अकिच्चं कुणेइ, अवयणीयं च वएइ, अचिंतणिज्जं च चिंतेइ / एगसिरिजिणवयणवासियचित्तेहिं गहियपंचमहव्वएहिं मुणीहिं सद्धिं मम किंपि न चलेइ / ते हि विविहेहिं पयारेहिं मं विगोवेइरे, मज्झ महत्तणं विणासेइरे / मम संतइरूवा कामभोगा ते वि नक्कमल्लव्व दूरओ छड्डिऊणं विगोविऊणं च वणंमि गंतूणं असोगतरुमूलम्मि ठाइऊणं भारव्व सव्वं उवाहिं परिचइऊणं मइलवत्था सिणाणरहिया होऊण मईयसंगइचायपइण्णं च किच्चा पइदेसं परिभमेइरे / पुणो जत्थ कत्थ वि जणसमूहसंजोगो तहिं पइदिणं मं मम पुत्ते य कामभोगे निंदेइरे / ते हि सवयपारयणाए मम इंदियविसयाणं च पजंतविरसकड्डयणफलाइं वोत्तूणं सव्वेसिं चित्ताइं मम विसएसु विमुहीकुब्वेइरे / 'एसा सिरी चवला कुडिला सेच्छायारिणी' इच्चाईणि कलंकाई दाऊणं कियंताणं गेहाइं चाएइरे / अप्पसरिसे कुणेइरे / पुणो तवजवाइ-विविहुवाएहिं अवस्सं मं दासीरूवेण सेवाकरणटुं संपाडेइरे / जस्स गेहम्मि आहारमेत्तं गिण्हेइरे तस्स अंगणम्मि मए लक्ख-कोडीरूवेण संपडणं कायव्वं हवेइ / __पुणो मुणिणो सुक्कज्झाणेण मम इच्छाबीयाई संजालित्ता केवलनाणं च उप्पाएइरे / एयंमि अवसरे विविहाइं देववृंदाहइं एगीहोऊणं मम गेहं तेसिं चरणाणं हिट्ठम्मि धारेइरे, तस्स आसणं विहेइरे / पुणो तस्सोवरिं उवविसित्ता मम निम्मूलुच्छेयणटुं देसणं विहेइरे / बहवे भव्वजीवे अप्पसरिसे कुव्वंति / अण्णेसिं केसि पि देसविरई पयच्छंति / ते वि गेहम्मि ठिया वि ववहारसुद्धीए परिग्गहपरिमाणं काऊणं सञ्चसंतोसाइयपयारेण समहिगं मं समुप्पाइरे, नीइसत्थवुत्तपद्धईए ववहरंता निरीहभावं दाविंता कामभोगेसुं मं वयंता वि अइगाढयरवीरिय-उल्लासभावेणं समहिगं जिणचेइय-पडिमा-नाणाइसत्तखेत्तेसुं ववेइरे / 1. मदर्थम् / / 2. कमलरूपम् / / 3. कमलस्य / / 4. व्ययन्तः / / 5. व्ययन्ति / /