Paiavinnankaha Part 02

Author(s): Kastursuri, Somchandrasuri
Publisher: Rander Road Jain Sangh

Page 189

160 पाइअविनाणकहा-२ कुणेइ / अओ जं मग्गेइ तं दाऊणं विसज्जिऊणं च आगच्छसु / इञ्चाइ वुत्तंतं सव्वं सामिणो निवेइयं, सामि ! तुम्हेच्चयपुण्णबलेणं एसा वुड्ढा जंगमं निहाणं पिव आगया / पढममेव तुम्हाणं गेहंमि आगया अत्थि / तीए पासंमि एरिसाणि पत्ताणि वत्थाणि आहूसणाणि य बहुयराणि संति / अओ तं आवज्जिता रक्खउ / एयं सोच्चा लोहविहलो सेट्ठी ताए सह जहिं सा वुड्ढा तहिं आगच्च पणामपुव्वयं तं वयासी-मायरे ! कत्तो देसाओ तुव आगमणं जायं ?, किं तुव कोवि परिचारगो नत्थि ? / एवं सोच्चा वुड्ढाए वुत्तं-'भायर ! पुव्वं तु मम एरिसं गेह-धण-सयणाइयं होत्था, तारिसं पाएणं कस्स वि रण्णो न होज्जा / अहुणा उ अहं एगागिणी अम्हि / ' कम्माणं गई संसारिजीवाणं एरिसी चिय, जओ वुत्तं अवस्सं चिय भोत्तव्वं, कयं कम्मं सुहासुहं / नाभुत्तं झिज्जए कम्मं, कप्पकोडिसएहि वि / / 2 / /