Book Title: Paiavinnankaha Part 02
Author(s): Kastursuri, Somchandrasuri
Publisher: Rander Road Jain Sangh
View full book text
________________ पाइअविनाणकहा-२ अह मयम्मि भत्तारम्मि सइरिणी संजाया सा कम्हा वि पुरिसाओ जायं पुत्तं नियनाममुदंकियं काऊणं पुरस्स बाहिरं तं उज्झित्था / अह धम्मनामेण कुम्भयारेण सो बालो पुत्तत्तणेण वढिओ / अण्णया सायंतणम्मि मट्टियाखणिसमीवम्मि रूवरमणिज्जों एसो एगागी भमंतो हरिसेणनिवेण दिट्ठो / 'निद्धणिओ एसो मम पुत्तो होज्ज' त्ति घेत्तूणं रण्णा रण्णीए समप्पिओ / मयम्मि य रायम्मि सो रणसिंहो नाम राया जाओ / अन्नया सद्धदाणावसरे गंगं गंतूणं पिंडं दाउं उज्जए तम्मि तित्थपहावाओ चउरो करा जुगवं पिंडगहणाय गंगाजलाओ बाहिरं निस्सरिआ / एयं कोउगं विलोइऊण विम्हिएण तेण सवहपुव्वं पुट्ठा रण्णी जहाजायं कहित्था / / ___ अह मट्टिगाखाणीए वियाणियसव्वतस्सरूवेण राइणा मयपइगा सा कुंभयारपत्ती पुट्ठा जहजायं निवेइत्ता नामंकियं तं मुद्दिगं दासी / मुद्दिगक्खराओ अवगयवट्टामूलेण रण्णा भणियाए तीए माहणीए वि सञ्चे अभिहिए राया गंगं गंतूणं मम चउरो पियरा संति / तत्थ जो पिंडाहिगारी सो करं धरेउ ? इत्थं कहित्था / तइया हे कंचुग ! ताणं मझे कास करो पिंडट्ठ पगुणो होज्ज त्ति जोगिणा भणिए तं जंपिउं उस्सुगेण कंचुगब्भतरट्ठिएण वेयालेण रण्णो कहियं, जारस्स करो पिंडं पावेइ, जओ तस्स बीएण जणियत्तणाओ / ___ इत्थं अञ्चत्थं अघडतं भणियं सोच्चा जायरोसा वीसरियनियपइण्णा सा रायपुत्ती-रे पावकंचुग ! ‘मा मुसं वएजसु' इअ बाढसरेण अकहिंसु / चउत्थवारं रायपुत्ती जंपिया इअ जोगी ढक्काए पहारं दावित्था / हे जोगिंद ! कास करो पिंडं लहीअ ?, इअ कंचुगेण वुत्ते जोगी वयासी-हे वेयाल ! चोरविप्पस्स करो पिंडं पावेइ, जओ तम्मि चेव मयम्मि सा माहणी रंडा जाया, इइ चउत्थी कहा / अह पहाए जाए हे जोगिंद ! अहं तुम्ह किंकरी तुमं च मे सामी इअ वयंतीए वियाणियवुत्तंतो तीए रायकण्णाए पिआ तहिं आगंतूणं तं जोगिं पणमिऊण पुरओ संठिओ / विक्कमाइञ्चो नरिंदो वि ससरूवं पयडीकाउणं जहत्थियं च निवेइऊणं ते रायाइपुत्ते मोयावित्ता अविवाहियाए तीए जुओ नियं पुरिं समागओ / चउत्थी कहा समत्ता / अह रायम्मि भित्तीए अंतरम्मि ठिए रायसहाए चित्तं कुणंतं चित्तकलागव्विलृ एगं चित्तगरं अवरो चित्तगरो वएइ-हे मित्त ! किं चित्तकलाहंकारं कुणेसि ?, किं चित्तकलारंजिओ राया तुम्ह अज्ज आणीयं अवाइणि रायकन्नं दाहिइ ?, इअ समायण्णित्ता दाणवीरो विक्कमाइच्चो तस्स चित्तकारिणो तं रायकण्णं दाऊणं तं चित्तगरं देसाहिवइं कासी / एवं दाणिणो किंपि अदिज्जं न होज्जा / उवएसो - विक्कमाइञ्चभूवस्स, परदुक्खविणासिणो / कहं सोचा तहा तुम्हे, दाणे जएज सव्वया / / 1 / / एवं 'दाणिणो किं पि अदेयं न सिया' इह विक्कमाइञ्चभूवइस्स छहत्तरियमी कहा समत्ता / / 76 / / - विक्कमचरित्ताओ कहारयणायराओ य / 1. श्रद्धादानावसरे / /
Page Navigation
1 ... 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254