Paiavinnankaha Part 02

Author(s): Kastursuri, Somchandrasuri
Publisher: Rander Road Jain Sangh

Page 170

चउरु सम्मइंसणपहावंमि सुलसासाविगाए कहा-१०४ 141 आगयमेत्तेणं लोगमुहाओ एयंमि पुरंमि बम्हाइदेवागमणवट्टा सुणिया, तहिं ताणं दंसणटुं तुमं किं गया न वा ?' तइया सा पाह-'हे धम्मण्णु ! जे सिरिजिणधम्माणुरत्ता ते पुरिसा सयलरागद्देसारिजेयारं निहिलभव्वजणुवयारपरं सव्वण्णुं सव्वाइसयसमन्नियं नियतेयविणिज्जियसहस्सकिरणं सिरिमहावीरसामिदेवाहिदेवं विहाय अन्ने रागद्देसमोहाभिभूए, अओ च्चिय निरंतरं इत्थीसेवानिरए सत्तुवहवंधणाइकिरियातल्लिच्छे अप्पधम्मावियाणगे खज्जोयसरिसे बम्हाइणो देवे दटुं कहं उसहेज्जा ? जह जेण पुरिसेण परमपमोयजणगं अमयपाणं कयं तस्स लवणोदयपाणिच्छा कहं होज्जा ? पुणो जेण बहुविहमणिरयणाइववसाओ विहिओ स पुरिसो कच्चखंडाइं वावारं काउं कहं इच्छेज्जा ?, अओ तुं जिणवरुत्तभावे वियाणंतो समाणो सिरिवीरजिणिंदुवइट्ठसद्धम्मरयं मं कहं पुच्छासि' त्ति / - अह अंबडो इत्थं धम्ममि अइदिढयमाए सुलसाए वयणाई सोच्चा तं अईव सिलाहिऊणं सकयबम्हाइरूवनिम्माणपवंचं तप्पुरओ निवेइत्ता मिच्छादुक्कडं दाऊणं जहरुइं अन्नहिं गच्छित्था / ___तस्स अंबडस्स सिरिवीरजिणिंदपासंमि गहियदुवालसव्वया सत्तसयाई सीसा होत्था / ते य एगया कंपिल्लपुराओ पुरिमयालपुरं गच्छंता पिवासाए वाउलीभूआ मग्गे गंगामहानइं पत्ता तहिं अन्नं कंपि जलपदायगजणं अपासंता सयं च परिग्गहीयादिण्णादाणविरमणव्वया समाणा अन्नेसिं इत्थं वयासी-भो देवाणुप्पिया ! अम्हाणं सत्तसईमज्झाणं एगो कोई सवयभंग विहेऊणं जइ जलपाणं करावेइ तइया अवसिट्ठाणं सव्वेसि पि वयरक्खणं सिय' त्ति / परं नियनियवयभंगभयाओ न केणवि तव्वयणं पडिवण्णं. तओ तीए नईए जलं अघेत्तणं सव्वेवि तहिं चिय अणसणं गिव्हिऊणं हिययंमि सिरिमहावीरं झायंता अंबडनाम सगुरुं च नमंता समाहिणा कालं किच्चा पंचमं सग्गं संपत्ता / . अंबडो परिव्वायगो थूलहिंसं परिच्चयंतो, नईपमुहेसुं केलिं अकुणंतो, नट्टविकहाइ-अणत्थदंडं असमायरंतो, अलाबुदारुमट्टियापत्तवज्जियपत्ताई अपरिगिण्हमाणो, गंगामट्टियं मोत्तूणं अन्नविलेवणं अकुणंतो, कंदमूलफलाई अभुंजतो, आहकम्माइ-दोसदोसियं आहारं असेवंतो, अंगुलीयमेत्तं अलंकारं धरंतो, गेरुगाइधाउरत्तवत्थाई परिधरंतो, केणवि गिहत्थेण दिण्णेण वत्येण य सम्मं गालियं जलं पिवंतो, आढयपमियं जलं सिणाणटुं गिण्हतो, सिरिमंतजिणिंदपणीयसुद्धधम्ममि च्चिय एगमइं धरंतो, सयलं पि निजजम्मं सहलीकाऊणं पज्जते आसण्णपरमपओ मासिई संलेहणं किञ्चा बम्हदेवलोगं पत्तो / तहिं दिव्वाइं देवसुहाई अणुभवित्ता कमेण माणवभवं पप्प संजमाराहणपुव्वं सिद्धिं पाविस्सइ / सुलसा साविगा य हिययपंकयंमि एगं वीरजिणीसरं चिय झायंती सव्वुत्तमथिरयाभूसणेण सम्मत्तं भूसित्ता तित्थयरनामकम्म उवज्जियवई इहच्चिय भरहखित्तंमि आगामिचउवीसीए चउत्तीसाइसयसंजुत्तो निम्ममो नाम पन्नरसमो तित्थयरो भविस्सइ / एवं जो मणूसो तित्थयरं थिरयाभावेण हिययंमि धरिस्सइ सो तिजगसेहरपयं पावेज्जा / उवएसो सम्मत्तभावभूसिय-सुलसाचरियं इमं वियाणित्ता / तह तुम्हे जिणवीरं, झाएह मणंसि भो भविया ! / / 2 / / सम्मत्तदंसणपहावंमि सुलसासविगाए चउरुत्तरसयइमी कहा समत्ता / / 104 / / - अप्पप्पबोहाओ (-आत्मप्रबोधात् )