Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 130

सम्प्रतिनृपाख्यानकम्
१०७ तस्स य बिंदुसारनरवइस्स पुहइतिलयाए देवीए अणुरत्तपत्तनियरो छायासमण्णिओ सुमणोवसोहिओ समाणंदियबहुजणो असोगतरु व्व संजाओ असोगसिरी नाम पुत्तो । सो य जुन्बणत्यो 'सव्वकलाकुसलो'त्ति णिवेसिओ पिउणा जुवरजपए । उवरएँ पियरम्मि सो चेव मंति-सामंताईहिं अहिसित्तो रजे । रजधुरं उव्वहंतस्स य समुप्पण्णो कुणालाहिहाणो पुत्तो । बालत्तणे चेव ठाविऊण जुवरायपए 'उवरयजणणीओ'त्ति सावकमायाभएण पहाणमंति-परियणसमेओ दाऊण उजेणिं कुमारभुत्तीए पेसिओ ।।
तओ तत्थ अइसिणेहेण य पइदिणं पेसेइ सहत्थलिहियलेहे । अन्नया य कलागहणजोगं णाऊण कुमार महंतए उदिसिऊण लिहियं लेहम्मि राइणा 'अधीयतां कुमारः' इति । पडिवाइऊण लेहं 'अणुव्वाणऽक्खरं' ति असंवत्तेऊण तत्थ चेव ठाणे मोत्तण उढिओ राया सरीरचिंताए । रायपासोवविट्ठाए य कुमारसवकिजणणीए 'कस्स राया सव्वायरेण लेहं लिहइ ?'त्ति चिंतिऊण वाइओ । नियपुत्तरज्जत्थिणीए य दिन्नो अगारस्सोवरि बिंदू , मुक्को तम्मि चेव ठाणे । समागरण राइणा 'हत्थमुक्को लेहो पडिवाइओ वि पुणो वि पडिवाइयव्वो'त्ति वयणमसुमरतेण संवत्तिओ। मुद्दिऊण य दिण्णो लेहवाहयहत्थे । तेण वि गंतूण समप्पिओ कुणालस्स । तेण वि लेहयस्स । सो वायइत्ता ठिओ तुण्हिक्को । कुमारेण भणियं किं न वाएसि लेहं ?' । तहा वि न किंचि जंपइ । तओ सयमेव घेत्तूण वाइओ जाव पेच्छइ 'अंधीयतां कुमारः' इति । तओ भणइ 'अम्ह मोरियवंसे सव्वत्थ अप्पडिहया आणा, ता जइ अई पि तायस्साऽऽणं लंघेमि ता को अन्नो पालेस्सइ ?, किंच जइ एवं तायस्स पियं तो एवं चेव कीरइ' त्ति । तत्तसलायं गहेऊण अंजियाओ दो वि अच्छीओ । इमं च सोऊण महासोगाभिभूएण चिंतियं राइणा
अन्यथैव विचिन्त्यन्ते पुरुषेण मनोरथाः । दैवेनाऽऽहितसद्भावाः कार्याणां गतयोऽन्यथा ॥ १०४ अण्णह परिचिंतेजइ सहरिसकंडुज्जएण हियएण। परिणमइ अण्णह च्चिय कज्जारंभो विहिवसेण ॥ १०५
ता 'किमंधस्स रजेणं ति दिण्णो एगो गामो । सत्र(व)क्किपुत्तस्स य दिण्णा कुमारभुत्तीए उज्जेणी । कुणालो वि अईवगंधर्वंकलाकुसलो, गंधव्वे चेव पसत्तो चिट्ठइ ।
इत्थंतरम्मि सो कोसंबीदमगजीवो अजसुहत्थिसयासगहियअव्वत्तसामाइयप्पभावाओ समुप्पण्णो तस्स कुणालस्स भज्जाए सरयसिरीए गब्भम्मि पुत्तत्ताए। संजाओ य दोसु मासेसु वइक्कंतेसु जिण-साहुपूयणाइदोहलो । पूरिओ य जहासत्तीए कुणालेण । पसूया य कालक्कमेण सरयसिरी । वद्धाविओ य दासचेडीए कुणालो पुत्तजम्मेण । तओ 'चुल्लमायाए विहलीकरेमि मणोरहे, गिण्हामि णियरजति चिंतिऊण निग्गओ गामाओ कुणालो अण्णायचरियाए । गायतो पत्तो पाडलिपुत्तं । तत्थ वि मंति-सामंताईण गेहेसु गायमाणेण रंजियं सव्वं पि नगरं । भणिउं च पैयट्टो सबलोगो, अवि य
'पच्छण्णवेसधारी हाहा-हूहूण को वि अण्णयरो। एसो किं वा वि सयं समागओ तुंबुरू नूण ?॥ १०६ किं वा गंधव्वेसो ?, किं वा वि हु किन्नरो, नरो अहवा ?' । एवं जंपंताणं लोगाणं रायपासम्मि ॥ १०७ संजाओ उल्लावो कोऊहलपूरिएण तो रण्णा । हक्कारिओ कुणालो गायइ अह जवणियंतरिओ ॥१०८ जम्हा उ 'पुहइपाला नियंति वियलिंदियं नरं नेय' । तम्हा अदूरपासे ठविओ सो जवणियंतरिओ ॥१०९ गायंतेण य तेणं धणियं आवजिओ धरणिनाहो । भणइ 'वरं वरसु तुमं गंधव्विय! दिज्जए जेण' ॥११०
1 A B °याइ दे। 200°ए य पि० । 300 कयमा। 400°ओ। तत्थ। 5 अनुद्वाताक्षरम् = अशुष्काक्षरम्। 60 D°ओ सरीर चिंताए राया। 7 CD °ण य रा। 8 CD गेण्हिऊण। 90D °ण्णा भुत्ती । 10 0 D°व्वपसत्तो चेव चिट्ठइ। 110 D पूयाइ। 12 0 D पयत्तो। 13 C D °धव्वो सो। 14 A B °ओ णरवरिंदो।