Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 204

धनसार्थवाहकथानकम्
१८१ अण्णया सो कुटुंबस्स जागरियं जाव जग्गइ । रत्तीए पच्छिमे जामे ताव चित्तम्मि से ठियं ॥३ 'निग्गंतु जो न पेच्छेइ महीवीढमिमं नरो । अच्छेरगसयाइन्नं सो नरो कूयदडुरो ॥ ४ न विलासा, न पंडिच्चं, न य वायावियड्डया । न देसभासाविण्णाणं, न अण्णं किं पि सोहणं ॥ ५ जाव धुत्तसमाइन्ना नाणावुत्तंतसंकुला । बहुहा नो परिपूता पुरिसेण वसुंधरा ॥ ६ ता गच्छामि महीवीढदसणट्ठा तहेव य । सबाहोवत्तवित्तेण कित्तिं वत्तेमि सत्तमं' ॥ ७ सामग्गियं विहेऊण, घोसावित्ता सुघोसणं । जहा 'बच्चइ सत्थाहो वसंतपुरमुत्तमं ॥ ८ संपयं जो समं तेण वच्चई समणाइओ । तस्स सव्वेसु कज्जेसु धणो कुणइ निव्वुइं' ॥ ९ एवमुग्घोसणं सोउं पयट्टा बहुपाणिणो । सूरी वि गंतुमिच्छंति धम्मघोसा सगच्छया ॥ १० साहुसंघाडगो एगो सत्थवाहस्स अंतिए । सरूवजाणणठ्ठाए धम्मघोसेहिं पेसिओ ॥ ११ सत्यवाहो य तं दटुं पुच्छई भत्तिनिब्भरो । आगमणकारणं तेण सिटुं सव्वं सवित्थरं ॥ १२ सत्थवाहाऽऽह 'जइ एवं गंतुं सत्थनिवेसणे । संठाह मं पडिक्खंता' तओ एत्थंतरम्मि य ॥ १३ अंबयापुण्णपिडएण को वि तत्थ समागओ । सत्थाहढोयणढाए, जईणेसो वि दावए ॥ १४ तओ साहूहिँ सो वुत्तो 'कंदमूल-फलाइयं । जईणं कप्पए नेय महाभाग ! सचेयणं' ॥ १५ धणेण ते वि तो पुट्ठा कप्पा-ऽकप्पं समासओ । संखेवेणावि साहित्ता सूरिपासम्मि ते गया ॥ १६ साहिए सम्बवुत्तंते, पंचसयसमण्णिओ । मुणीणं तत्थ ठाणम्मि गओ सूरी गुंणायरो ॥ १७ पसत्थे सत्थवाहो वि दिणे तत्थ समागओ । समत्थपुरलोगेण सव्वओ परिवारिओ ॥ १८ संवूढे सव्वसत्थम्मि पत्थिओ अग्गओ तओ। चलिए यऽसेसलोयम्मि वच्चए स सुहेण तो ॥ १९ कुव्वंतो सव्वमक्खूणं सत्थस्स कमसो तओ। पत्तो भीमाडविं एक छिण्णावायं महालियं ॥ २०
जा य भारहकह व्व अज्जुण-भीम-नउलालंकिया, सुजणजणमुत्ति व्व सुचित्तया, कुनडपेच्छ ब्व सकुरंगया, जिणिंदभवणभूमि व्व संचरंतबहुसावया, सुसाहुतणु व्व ससंवरा, सिद्धि व्व सवरहिया, मयमत्तविलासिणि व्व समयणा, हरमुत्ति व्व सगंगया, अलयाउरि व्व बहुविहवा, सुयणजणपवित्ति व्व बहुनया, कुंजणचिट्ठ व्व बहुआवया, कुचंधरबुंदि व्य सदाढिया, जिींणदावलि व्य बहुसत्तय त्ति । तीए वि पत्तो बहुमज्झदेसभागं । इत्थंतरम्मि य संगामारूढविजइनरिंदो व्व गुरुतरवारिधारानिवाओवसामियपरपक्खो वाहिणीपूररेहिरो कयगजियरवो अब्भुण्णइपहाणो सचावो समागओ पाउसकालो । अवि य
फुग्माणविजुलाऽऽडोवभीसणो चलिरइंदगोविल्लो । दुस्संचारचिलिच्चिलकद्दमभरभरियमग्गालो ॥ २१ अइविरसदहुराऽऽरडियसद[परि] पुण्णदसदिसिविहाओ । पसरतगिरिनईनीरपूरपरिखलियपहगमणो॥२२ इय एवंविह जलयाऽऽगमम्मि संभग्गमग्गगइपसरो । उप्पंसुलयपएसे छाएऊणं ठिओ सत्थो ॥ २३ वच्चंतेहिं दिणेहिं समत्थसत्थम्मि निट्ठियं धण्णं । सञ्चित्तकंद-फल-मूलभोयणा तो जणा जाया ॥ २४ मुणिणो वि गिरिगुहावसहिसंठिया चित्तकयसमाहाणा । नाणाविहतवनिरया झाण-ऽज्झयणेण चिट्ठति ॥२५ बहुवोलीणे वासे चिंतइ रयणीय पच्छिमे जामे। सत्थाहो 'मह सत्थे के सुहिया? दुक्खिया के वा?' ॥२६ इय चिंतंतस्स तओ झड त्ति चित्ते चमक्किया मुणिणो। 'अहह अहो हा ! कटुं, होहिंति महामुणी दुहिया॥२७ जम्हा जिणिंदमुणिणो कंदं मूलं फलं च सच्चित्तं । न छिवंति करयलेण वि तम्हा ते दुक्खिया एक्के ॥२८ धी धी! मज्झ पमाओ, तत्तिमकाउं जओ तबस्सीण । इह-परलोगावाए खित्तो अप्पा अपुण्णेण ॥ २९
1A B न कि अण्णं पिसो। 2 A B परित्ता। 30D वि। 400°चस्सयस्सम। 50 D गणाय । 60 D°च्छग ध्व। 7A B°णमुसि व्व। 80 D कुजाण । 90 D कुच्चंधरणबुंदि। 10A B यसहदसदि। 110D भोइणो तो। 12 C D दुत्थिया। 13 C D लेहि वि। 14 C D घिद्धी मज्झ ।