Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 219

__सटीके मूलशुद्धिप्रकरणे चतुर्थ स्थानकम् 'सच्चं चिय भो विज्जा ! तुब्भे जं कुणह दव्वलोभेणं । किरियं, दीणाईए दूरदूरेण परिहरह' ॥ तो भणइ वेजपुत्तो 'मा एवं भणह दीण-किविणाणं । अहयं करेमि किरियं अवियप्पं धम्मबुद्धीए' ॥ अम्हेहिं तओ भणियं 'जइ एवं तो णु किं न एयस्स । साहुस्स कुणह किरियं किमिकुट्ठणं उवहयस्स ?' एसो वि आह 'आमं, करेमि पर किंतु मज्झ सामग्गी । नत्थि जओ इह कज्जं तिहिं दव्वेहिं महग्घेहिं । तत्थेकं महगेहे लक्खप्पागं समत्थि वरतेल्लं । कंबल-गोसीसाइं नथि दुवे लक्खमुल्लाई' ॥१०४ 'पूरेमु इमं अम्हे' इय वोत्तुं वुड्ढसेट्ठिगेहम्मि । संपत्ता घेत्तूणं जुयलं दीणारलक्खाणं ॥१०५ दह्णऽम्हे सेट्ठी अब्भुट्ठिय आसणाई दाऊणं । जंपइ जोडियहत्थो 'कुमार ! आइसह करणिज्ज' ॥ 'कंबल-गोसीसाइं अम्हाणं देह लक्खमोल्लाइं । दो लक्खे घेत्तूर्ण' भणिए पडिभणइ 'किं कज्ज ?' ॥ 'साहुकिरियानिमित्तं' वुत्ते अम्हेहिं चिंतए सेट्ठी । “एए चेव कयत्था बाल चिय जं रया धम्मे ॥१०८ अम्हे उ पुण अधन्ना जं वुड्ढत्ते वि आगए तह वि ।महमोहमोहियमणा न चेव धम्मे मई कुणिमो' । इय चिंतिऊण एसो दाउं दुन्नि वि विणा वि दवेणं । घेत्तूण सामन्नं, अंतगडो केवली जाओ ॥११० इयरे वि य तं साहुं गंतुं अब्भंगयंति तेल्लेण । तब्बीरिएण किमिया तयागया निग्गया सव्वे ॥१११ कंबलरयणेण तओ पावरिउ जाव ते तहिं लग्गा । मयगे कलेवरम्मी ताहे पप्फोडिया सव्वे ॥११२ गोसीसचंदणेणं लित्तो साहू वि सच्छओ जाओ । एवं चिय मंसगया विणिग्गया बीयवाराए ॥११३ तइयाए अद्विगया पच्छा संरोहणीए रोहेउं । नीसेसवणे खामित्तु ते गया निययठाणेसु ॥११४॥ उवरियसेसचंदण-कंबलमुप्पण्णअद्धमोल्लेण । धुव्वंतधयवडाडोवसंकुलं सिहरसयकलियं ॥११५॥ भव्वयणभावसंदोहकारयं जिणवरिंदवरभवणं । काराविऊण सव्वे धणियं संवेगरंगगया ॥११६॥ माया-पिइँमाईयं सव्वं सम्माणिऊण सयणजणं । भवभयभीया गिण्हंति भावओ सुगुरुपासम्मि ॥११७ चारित्तं सव्वुत्तममुणिवरनियरेहिं फरिसियमुयारं । सुपवित्तं सबुत्तमसोक्खमहामोक्खसंजणयं ॥११८ पालित्तु निक्कलंक अणसणविहिणा चइत्तु तो देहं । इंदसमाणा देवा अच्चुयकप्पे समुप्पण्णा ॥११९
__ तत्तो य आउयक्खए चविऊण इहेव जंबुद्दीवे दीवे महाविदेहे वासे पुंडरिगिणीए नयरीए वइरसेणस्स राइणो मंगलावईए देवीए धारिणीबीयनामाए कुच्छिसि सामी वेज्जजीवो पुत्तत्ताए समुप्पण्णो, चोदसमहासुमिणसूइओ य जाओ कालक्कमेण । पइट्ठावियं से नामं वइरनाभो त्ति । इयरे वि रायसुयादओ कणगनाभ-रुप्पनाभ-पीढ-महापीढनामाणो चत्तारि वि वइरनाभभायरो समुप्पण्णा । कणगनाभ-रुप्पनाभाणं बाहु-सुबाहु त्ति बीयनामाणि । अहं पि तत्थेव अभयघोसो नाम रायपुत्तो संजाओ । वढिया सव्वे देहोवचएण कलाकलावेण य ।
तओ अहं बालो चेव वइरनाभं समल्लीणो जाओ सारही। एत्थंतरम्मि य सुर-नरनमंसिज्जमाणपायपंकओ लोगंतियसुरविबोहिओ वइरनाभस्स रज्जं दाऊण निक्खतो तित्थयरदिक्खाए भयवं
1c D परि । 2 c D म्मी, तहेव ५। 3 c D पिय-मा। 4 A B सत्तुत्त । 5 A B गराई।