Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 238

कृतपुण्यकाख्यानकम्
२१५ वंदिउं भावसारं तु पलावे कुणई तओ । 'हा पुत्त ! तं सि बत्तीसतूलीणं उवरिं तया ॥१६० सुत्तो सि, संपयं एत्थ कक्कसम्मि सिलायले । हा पुत्त ! गीयसदेहिं विबुझंतो तया तुमं ॥१६१ सिवासद्देहिं भीमेहिं संपयं तु विबुज्झसि । हा पुत्त ! चाडगुत्तेणं परियणेणं समण्णिओ ॥१६२ चिट्ठतो इण्हिमेगागी सुण्णारण्णम्मि चिट्ठसि । हा पुत्त ! तं सि रमणीए ललंतो नियमंदिरे ॥१६३ तैया इहि तु भीमम्मि कहं अच्छसि पव्वए ? । हा पुत्त ! दिवभोगेहिं लालिओ तं सि सव्वया ।। इहि तु निप्पडीकम्मसरीरो कह जंपसि ? । हा पुत्त ! नियगेहे वि आगओ वि न जाणिओ ।। अम्हेहिं मंदभग्गेहिं किसत्ताओ तवेण उ । एवं विलावसंजुत्तं सेणिओ तं पयंपई ॥१६६ 'किमेयं विलबसे अम्मो ! महासत्तं नरुत्तमं । देवाणं दाणवाणं च वंदणिज्जं महायसं ॥१६७ गुणवंताण मज्झम्मि रेहा एयस्स दिजई । जो मोत्तुंतारिसं रिद्धिं वयं चरइ एरिसं ॥१६८ सुलद्धं जीवियं जम्मं कुलं सीलमिमस्स उ । जो सीसो सामिणो जाओ दुक्करं करई तवं ॥ पुत्तवंतीण मज्झम्मि तुम एक्का गणिञ्जसि । जीसे पुत्तो इमो जाओ सालिभद्दमहामुणी ॥१७० तुमं अम्हे वि एएण तारियाइं न संसओ । ता किं पमोयठाणे वि अम्मो ! सोयं पकुव्वसि ? ॥ उट्ठ वंद महाभागे ! मुणी एए जगुत्तमे । गेहं पइ पयट्टामो, उस्सूरं जेण वट्टई' ॥१७२ एवं वुत्ता नरिंदेण वंदित्ता ते मुणीसरे । गया गेहम्मि देहेणं सरंती एगचित्तया ॥१७३ साहू वि दो वि ते कालं काऊणाऽऽउक्खए तओ। समाहिणा समुप्पण्णा सव्वट्ठम्मि विमाणए ॥ सिद्धिसोक्खाणुगं तत्थ तेत्तीसं सागरोवमे । भोत्तुं चइत्तु मैच्चम्मि सिज्झिस्संति अकम्मया ॥ इय परमपवित्तं सालिभद्दस्स एंय, चरियमइविसिटुं जे पढंती मणुस्सा ॥ तह य अणुगुणंती जे य वक्खाणयंती, नैर-सुरवरसोक्खं भुंजिउ जंति मोक्खं ॥१७६
सङ्गमकाख्यानक समाप्तम् ।३३.
साम्प्रतं कृतपुण्यकाख्यानकं कथ्यते--
[३४. कृतपुण्यकाख्यानकम् ] अत्थि वरविजयकलिओ संकिण्णो वाहिणीसहस्सेहिं । सुहरिसमेओ सुपओ जंबुद्दीवो नरिंदो व्व ॥१ तत्थ वि य भरहखंडं छक्खंडं खंडचंदसंठाणं । तत्थऽत्थि मगहदेसो जणवयगुणसंजुओ रम्मो ॥२ तत्थ वि रायगिहपुर चूडामणिसच्छहं धरित्तीए । तं पालइ यसत्तू नामेणं सेणिओ राया ॥३ सुकुलुग्गयाहिं रइरूवियाहिं इट्ठाहिं दोहिं देवीहिं । नंदा-चेल्लणनामाहिं संजुओ भुंजए भोगे ॥४ निक्खित्तरज्जभारो अभयकुमारम्मि निययपुत्तम्मि । मंइबुद्धिसंजुयम्मि असेसमंतिप्पहाणम्मि ॥५ एत्तो य जणवए तम्मि चे एगम्मि अस्थि गामम्मि । तन्नगपाली एक्का दारिदेणं समभिभूया ॥६ तीए य सुओ बालो तन्नगपरिरक्खणं कॅरेमाणो । एगत्थ अडविमज्झे जइजणजोग्गे पएसम्मि ॥७ अह पिच्छइ वरसाई काउस्सग्गेण संठियं एक्कं । तवसोसियतणुयंगं तं दद्वं चिंतए बालो॥८ 'एयस्स जम्म-जीविय-माणुस्सत्ताई नूण सहलाई । जो एवं णिड्डज्जणरण्णे विविहं तवं कुणइ ॥९
1 A B तइया । 2 c D याणि । 3 A B ती तेअचित्तया । + A Bत्ती। 5 A B महम्मि । 6c D एवं । 7 A B नरवरसुरसोक्खं । 8 cD°ण्यकथानकं । 9A B मयबु । 10 cD कुणेमाणो ।