Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 243

२२०
सटीके मूलशुद्धिप्रकरणे चतुर्थ स्थानकम् _‘एवं विहं पि काउं कज्ज एत्थेव निवसए एसा । न य अम्हेहिं वि नाया, अहो ! सुनिउणत्तणं तीए ॥
ता अच्छसु निच्चितो संपइ जाणामि तुज्झ भज्जाओ' । इय वोतुं कारवियं देवउलं दोहिं वारेहि ॥ तत्थ वि य जक्खपडिमा कयउण्णयरूवधारिणी विहिया । घोसावियं च नयरे जहा 'सवच्छाओ नारीओ ॥
जक्खस्स पूयणत्थं पुव्वेण अइंतु नितु अवरेणं । अण्णहकयम्मि होही उक्सग्गो दारुणो ताण ॥ इय सोऊणं सव्वो थीवग्गो बालडिंभपरिकिण्णो । आयाओ ताओ वि हु पत्ताओ तहिं सडिंभाओ ॥ 'बप्पो बप्पो' त्ति तओ उच्छंगे तीइ जक्खपडिमाए । भणमाणा आरूढा ते डिंभा झ त्ति पहसंता ॥ एगंताओ तत्तो विणिग्गया झ त्ति अभय-कयउण्णा । ताओ वि य ते दटुंलज्जाए अहोमुहा जाया । अभएण वि सा वुड्ढा हक्कारित्ता सुनिठुरगिराहिं । तह तज्जिया जहा सा पडिया पाएसु दोण्हं पि ॥ इय सत्तहिं भज्जाहिं समयं माणितयस्स विसयसुहं । वोलीणो बहुकालो अणुभुजंतस्स रज्जसिरिं ॥ एत्थंतरम्मि भयवं चोदसवरसमणसहसपरिवारो । छत्तीससहसअज्जासमण्णिओ तियसनयचलणो॥ केवलनाणसमग्गो संपत्तो जिणवरो महावीरो । गुणसिलए तियसेहिं रइयम्मि महासमोसरणे ॥१४३ वद्धावयपुरिसेणं आगंतूणं तओ समक्खायं । कयउण्णयनरवइणो, दाउं सो तस्स वरदाणं ॥१४४ सविड्ढीए पत्तो जिणपयमूलम्मि नमिय उवविट्ठो । पारद्धा य जिणेणं भवहरणी देसणा एवं ॥१४५ 'भो भो भव्वा ! इत्थं चउगइसंसारसायरे भीमे । निवडंतयसत्ताणं धम्मो च्चिय तारणं कुणइ ॥१४६ धम्मो सव्वऽत्थाणं पसाहगो, सग्ग-मोक्खसोवाणं । धम्मो दोग्गइधरणीधरस्स निद्दलणवरकुलिसं ॥ धम्मेण पुव्वसुकएण उत्तमा हुंति एत्थ वरभोगा । ता सो च्चिय कायवो सिवसुहसंपत्तिकामेहिं ॥ इय सोउं सव्वा वि हु परिसा संवेगमागया धणियं । कयउण्णओ वि पुच्छइ सीसे ठविऊण करकमलं ॥ 'भयवं ! किं पुन्वभवे मए कयं जेण एरिसा रिद्धी । भोगा य अणण्णसमा सअंतराया य संजाया ?' ॥ तो नीसेसं चरियं भयवं साहेइ तस्स पुश्विल्लं । तं सोउं कयउण्णयराया संवेगमावण्णो ॥१५१ सुमरित्तु पुव्वजाइं पभणइ संवेगैरंगमावण्णो । 'एवमिणं जगबंधव ! जाइस्सरणाओ मे नायं ॥१५२ ता संपयं पि जयगुरु ! रायाई पुच्छिऊण घेच्छामि । नीसेससोक्खसंपत्तिकारयं सव्वविरई' ति ॥१५३ 'मा काहिसि पडिबंध' जिणेण भणियम्मि तो गिहे गंतुं । रायाई आपुच्छिय सव्वं सामग्गियं कुणइ । भवि य
कारवि जिणवरजत्त विहाणइं, देविणु दीणा-ऽणाहह दाणइं । घोसावेविणु अभयपयाणई, माणेप्पिणु वरसाहु वियाणइं ॥१५५ पूय करेविणु चउविहसंघह, दव्वु विभायवि बंधववग्गह ।
सिबियारूढउ सह नियपत्तिहिं, परिवारिउ सामंतसुपत्तिहिं ॥१५६ अणुगम्मतउ सेणियराई, वण्णिज्जंतउ जणि अणुराइं। वर्तइ वरतूरनिनायहिं, नच्चतइ पाउलसंधायहिं ।
कलकंठहिं गायणहिं रसंतहिं, भट्ट-चट्ट-बंदिणिहिं पढंतहिं ।
इय सामग्गिय निग्गउ नयरह, संपत्तउ चरणंतिए वीरह ॥१५८ सिबियाओ उत्तरिउं काऊण पयाहिणं च तिक्खुत्तो। नमिऊणं वीरजिणं कयंजली जंपए एवं ॥
1 A B काराविय । 2 c दारेहिं, D प्रतौ पाठभङ्गः । 3 A B अयंतु । 4 c D अम्मो ! एसो ताभो उच्छं । 5cD हस्सऽज्जा | 6cगरससमावण्णो, D प्रती पाठपतनम् । 7 A B रयं ति। 8c D जिणहरभत्ति । 9 c D जण। 10 c Dतहिं बहुतूर। 11 c Dतहिं पा ।