Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 239

सटीके मूलशुद्धिकरणे चतुर्थ स्थानकम्
नूणत्थि पुण्णलेसो मज्झ जेणेस दंसणं पत्तो । ता वंदिऊण एयं करेमि सुपतिमत्ताणं' ॥१० इय चिंतिऊण पणओ मुणिवरचलणेसु एव निच्चं पि । वंदंतस्स मुणिवरं संपत्तो ऊसको कोवि ॥११ गामनिलयाण पासाओ मग्गिउं खीरमाइ जणणीए । निययसुयस्सऽट्ठाए अह रो पायो तत्तो ॥ १२ उवत्रिट्ठयस्स भुत्तुं सुयस्स गेहंगणम्मि वरथालं । घयगुलजुत्तस्स उ पायसस्स काऊण पडिपुण्णं ॥१३ कज्जतैरम्मि जणणी जाव पविट्ठा गिहम्मि ताव तओ । संपत्तो सो साहू जो पुंवं वंदिओ तेण ॥ १४ तयं इंतं भत्तिवसुंण्णमियबहलरोमंचो । सो चितिउं पवत्तो आणंदजलाविलच्छीओ ॥१५
२१६
अंवि य
किंच
'एक्कु घरंगणि साहू समागय, नाओवज्जिय अनु घरि संपय ।
भावु वि अज्जु मज्झु संपण्णउ, मण्णे हउं जि एक्कु कयउण्णउ ॥ १६
कहिं अम्हे ? कहिं मुणिवर इंती ? कहिं अम्हे ? कहिं संपयसंती ? । कहिं अम्हे ? कहिं भत्ति तुरंती ? कहिं अम्हे कहिं तिण्णि मिलती' ॥१७ एवं च चिंतिऊण 'थाले रेहाओ दोन्नि दाऊण । दाहामि त्तितिभागं' भाविंतो उडिओ बालो ॥ १८ गंतुं साहुसमीवे जंपइ 'जइ सुज्झइ त्ति तो लेह' । नाऊण सुद्धि भावे मुणिणा विहु उड्डियं पत्तं ॥ १९ पक्खिविउं तत्थ तओ तिभागमित्तं पुणो वि चितेइ । 'अइथोवमिमं ' तत्तो पक्खिवइ 'बिइज्जयं भागं ॥ २० पुण चिंतइ 'जइ कह विहु निवडइ अंबाइयं तओ एसा । नूण विणस्सइ खीरी' तइयं भागं पि तो देइ ॥२१ दत्ता व विट्ठी पुणो वि तत्थेव चेव ठाणम्मि । साहुम्मि गए संते जणणी वि विणिग्गया बाहिं ॥ २२ तं दटुं तयवत्थं 'नूणं भुत्तं अणेण तं सव्वं' । इय चिंतिऊण तीए पुणो वि परिपूरियं थालं ॥२३ रंकत्तणेण भुत्तं तेण तयं तो अजीरमाणम्मि । रयणीए मरिऊणं सुभभावो रायगिहनयरे ॥ २४ धणपालइन्भगेहे भद्दा भारियाए कुच्छिसि । उववण्णो तो लोगो पयंपई 'एस कयपुण्णो ॥ २५ जो एवंविहगे घण घणसमिद्धिबंधुरे धणियं । उप्पज्जिही महप्पा गन्भे' अह कालसमयम्मि ||२६ पसवइ भद्दा सव्वंगसुंदरं दारयं सुकंतिल्लं । वद्भाविओ य इभो सुयजम्ममहूसवं कुणइ ॥ २७ लोगेण कयण्णो भणिओ गन्भट्ठिओ इमो जम्हा । कयउण्णउत्ति तेणं नामं जणएहिं से विहियं ॥ २८
तो य कमेणं जाओ बाहत्तरीकलाकुसलो । कामिणिजणमोहणयं आरूढो जोव्वणं जाव ॥२९ ताइभबालियाए समाणकुल- रूय- जोव्वण- गुणाए । जणएहिं पसत्यदिणे विहिणा गिण्हाविओ पाणि ॥ तहविहु विससु मणं कलासु रसिओ न देइ सो जाव । ता भद्दाए भणिओ घणपालो एरिसं वयणं ॥
'नाह ! इमो अकयत्थो सव्वो धणवित्थरो जओ एसो । निप्पिहचित्तो दीसह अहियं कामेसु कउन्नो | ता तह करेसु सामिय ! विसए सेवेइ जह इमो कुमरो । किं बहुणा वि धणेणं इमेण जइ विलसइ न एसो ?' ॥ तो जंप धणपालो 'मा जंपसु पिययमे ! इमं जम्हा । होंति असिक्खत्रियाणि वि एयाणि जणे जओ भणियं ॥ आहार-भय-परिग्गह-मेहुणसन्नाओ अणुवइट्ठाओ । गिण्हंति सव्वसत्ता, अब्बो ! किं तदुवएसेण ? ॥ ३५ किं च सहावेणं चिय कामग्गी दिप्पए जियाण पिए ! । को हु सयन्नो दित्ते जलणे पक्खिवइ तणभारं ' ॥ भद्दाए तओ भणियं 'जइ वि इमं तह वि मज्झ संतोसो । एवं चिय होइ जओ ता अवियारं इमं कुणसु' ॥
1 C D °तरेण । 2 cD सुल्लसियां । 3 'अवि य' इति न विद्यते A B पुस्तकयोः । 4 A B बियज्जयं । 5 C D भणिओ ।