Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 227

२०४
सटोके मूलशुद्धिप्रकरणे चतुर्थ स्थानकम् साहावियनियमइमाहप्पविणिच्छियसुमिणभावत्थसमुप्पण्णरोमंचकंचुयविसट्टवयणसयवत्तेणं जंपियं जहा 'देवि ! तुह समत्थकुरुजणवयणरिंदतारामयंको पुत्तो भविस्सई' । सा वि ‘एवंहोउत्ति समाणंदिय दइयवयणाणंतरसंपज्जतसयलसमीहियमणोरहा नियसमये पसूया दारयं । तं च पसरंतनियतणुकंतिकैडप्पपयासियजम्मभवणाभोयं दद्रूण हरिसर्वसुप्पण्णसंभमखलंततुरिययरगइपयारुटुंतसासाबूरियहियययाए सुदंसणाभिहाणाए दासचेडीए वद्धाविओ राया । तओ तव्वयणायण्णणाणंदभरनिब्भरपरावसीकयमाणसस्स मउडवज्जंगलग्गाभरणाइतुविदाणपरितोसियदासचेडीसमणंतरसमाइट्ठपुत्तजम्मब्भुदयदसदेवसियवद्धावणयमहूसवरसपसरसुहमणुहवंतस्स नरवइणो समागओ नामकरणवासरो । कयं च से नामं सुमिणयाणुसारेण कुरुचंदो त्ति । पवड्ढमाणो य गहियकलाकलावो जाओ जोव्वणत्थो। कयकलत्तसंगहो य पव्वज्जागहणाभिमुहरायसमारोवियरज्जभारो जाओ पंयंडसासणो नरवई ।
इओ य मया सुधण-धणया समुप्पण्णा जहासंखं वसंतउर-कत्तियपुरेसु वसंतदेव-कामपालाहिहाणा पहाणसिट्ठिपुत्ता । कयकलागहणा य जाया जोव्वणत्था ।
एत्थंतरम्मि य मरिऊण धणवइ-धणीसरा जाया संखपुर-जयंतीनयरेसु मइरा-केसराहिहाणाओ निज्जियरइरूवलावण्णाओ इब्भकुलबालियाओ समारूढाओ जोव्वणं ।
अण्णया य करभ-वसभाइवाहणसणाहबहुसत्थसमण्णिओ गओ वसंतदेवो वणिज्जेणं जयंतिं । समाढत्तो ववहरिउं ।
एत्थंतरम्मि य लंकावासो व्व वियसंतपलासो, जिणमुणिमणाभिप्पाओ व वियंभमाणासोओ, कामिणीभालबट्टो व्व रेहंततिलओ, वयणवियलपुरिसो व्व 'वियसंतकुरवओ, पुरंदरो व्व वियसंतबहुअंबओ, सुण्णमंदिरोवरिमतलविभागो व्व पसरंतसंताणओ समागओ वसंतमासो । जो य नच्चइ व्व पवणवसुब्वेल्लमाणकोमललयाबाहुदंडेहिं, गायइ व्व नाणाविहविहंगमकलकलविरावेहि, तज्जइ व्व विलसमाणवरचूएक्ककलियातजणीहिं, हक्कारइ व्व रत्तासोयकिसलयदलललियतरलकरविलसिएहिं, पणमइ व्य मैलयमारुयंदोलियनमंतसिहरमहातरुवरेत्तमंगेहिं, हसइ व्व नववियसियकुसुमनियरऽट्टहासेहिं, स्यइ व्व तुडियबिटबंधगनिवडमाणसिंदुवारसुमणोणयणसलिलेहिं, पढइ व्व सुंयसारियाफुडक्खरल्लावजंपिएहिं ति ।
इय नच्चइ गायइ तज्जई य हक्कारई पणमई य । विहसइ रोयइ पढइ य गहगहिओ नं वसंतरिऊ ॥९ निग्गच्छंति य बहुविहविलासरसनिब्भराओ सव्वत्थ । तरुणाण चच्चरीओ पए पए नच्चमाणीओ।।१० सविसेसुज्जलनेवत्थरयणसिंगारियंगसोहाई । तरुण-तरुणीण जुयलाई जत्थ दोलासु कीलंति ॥११ कोलंति य तरुणनरा तरुणीयणसंजुया मउम्मत्ता । नाणाविहतरुवरसंकुलेसु रम्मेसु य वणेसु ॥१२ आवाणयबंधेहि य पियंति मज्जाइं पाणया लोया । गुरुमयभरेण निवडंति ते य धरणीए गयचेवा ॥ अइनिब्भरपाणेणं वमंति अण्णे पसारियप्पाया । अण्णे अड्डवियहुं भमंति कज्जं विणा वि तहिं ।।१४ अण्णे उ सगोत्तुक्कित्तणेण हिययम्मि नेय मायंति । दिति अणेगविहाई दाणाई तत्थ परितुद्वा ॥१५ अण्णे उ नियपियालिंगणाई कुवंति लोगपच्चक्खं । अण्णे वयंति गुज्झाइं तह य गायति विविहाई ॥
1 c D करपया । 2 c D°वससमुप्प । 3 c D °णाणंतरसमुप्पण्णाणंद' । 4 A B दाणा परि । 5 A B पइंड । 6c D°णाहे(हो) बहु। 7c D वियंभंतकु। 8 A B °दर व्व । 9 A B मालयमारुइंदो। 10 A B °रुत्तिमं । 11 c D रट्टहा। 12 A B सुइसा । 13 A B वइति ।