Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 233

२१०
सटीके मूलशुद्धिप्रकरणे चतुर्थ स्थानकम्
दप्पिट्ठारिकरिंदाणं कुंभनिन्भेयपच्चलो । मयंदो सेणिओ राया तं पुरं परिपालए ॥ ३ तस्सऽत्थि चेल्ला नाम देवी सोहग्गगव्विया । वण्णलावण्णसंपण्णा कलाको संलसालिणी ॥४ तो य सालिगामम्मि धण्णा उच्छण्णवंसया । बालयं संगमं नाम पुत्तं घेत्तुं समाया ॥ ५ पट्टणाओ, तओ बालो वच्छरूयाई रक्खए । अण्णया ऊसवे कम्हि सव्वगेहे पेच्छ ॥ ६ भुज्जतं पायसं बालो, तत्तो मायं विमग्गइ । 'पायसं देहि मे अंब !' तीए 'नत्थि'त्ति जंपियं ॥७ वारं वारं विमग्गंतं 'रोविरं तं नियच्छिउं । सरिता पुब्वयं रिद्धिं मण्णुणा सा विरोवई ॥ ८ पाडिवेसियनारीओ सोउं पुच्छंति कारणं । तीए सव्वम्मि अक्खाए वुत्तंते करुणापरा ॥ ९ ताओ वीराईयं दिति रंधिउं सा वि पायसं । थालं भरितु पुत्तस्स घय खंडसमणियं ॥ १० कज्जेण गेहमज्झमि पविट्ठा जणणी तओ । साहू एत्यंतरे तत्थ पविट्ठो मासपारणे ॥ ११ भिक्खट्टा तत्थ गेहम्मि, दिट्ठो संगमएण तो । समुब्भिज्जंतरोमंचकंचुओ चितए इमं ॥ १२ 'सुलद्धं माणुस मज्झ, जीवियं जम्ममेव य । जेण सव्वा वि संपण्णा, सामग्गी दुल्लहा इमा ॥ १३ पत्तं चित्तं च वित्तं च तिण्णि वी पुण्णजोगओ । पुण्णाई मज्झ पुण्णाई अज्ज' एवं विचितिउं ॥ १४ पप्फुल्ललोयणो बालो उप्पाडित्ता समुट्ठिओ । तं खीरीपुण्णयं थालं, तओ गंतुं तयंति ॥ १५ 'करेहाऽणुग्गहं नाह !' जंपई भत्तिनिभरो । 'सुज्झइ' त्ति बियाणेउं साहुणा मुडियं ॥ १६ सव्वं वड़्ढंतभावेण तं खित्तं तेण पत्तगे । पुण्णंतराय भी एणं साहुणा न निवारियं ॥१७ भत्तीए वंदिउं साहुं नियट्ठाणे निसण्णओ । विणिग्गयम्मि साहुम्मि, धण्णा गेहाओ निग्गया ॥ १८ 'भुत' त्ति मण्णमाणीए पुणो तं तीए पूरियं । रंकत्तणेण तेणावि भुत्तं कंठप्पमाणओ ॥ १९ अजीरंतेण रत्तीए मओ साहुं सरंतओ । पुण्णेणं तस्स दाणस्स पुरे रायगिहे तओ ॥२० गोभद्दइन्भभज्जाए भद्दागमे समागओ । सालीछित्तं सुनिप्पण्णं सुमिणे सा नियच्छिउं ॥ २१ विबुद्धा नियदइयस्स सुमुही सा पसाहए । तेणावि पुत्तजम्मेणं वरेणं साऽहिनंदिया ॥२२ सोउं हट्ठा सा तओ एवं पर्यंपई । 'देवाईणं पसाएणं होउ एवमिमं पहू !' ॥२३ एवं च साऽहिनंदित्ता सुहेणं गभमुव्वहे । पुण्णेसु दोसु मासेसु उप्पण्णो तीए दोहलो ॥ २४ जहा दाणाइसद्धम्मकम्माई जइ करेमहं । पूरिए सेट्ठणा तम्मि सुहं गब्भो पवढिओ ॥२५ पत्ते पसूकालम्मि पसूया सा सुहे दिणे । पुत्तं सुरकुमारं व लोयणाणंददायगं ॥ २६ तओ वज्राविओ सेट्ठी चेडियाहिं दुयं दुयं । दाऊण ताण सो दाणं सहत्थेणं च मत्थयं ॥२७ धा (धो ?) विऊणं पुणो तुट्ठो पवत्तेइ महसवं । वज्जिराउज्जसंसद्दभरिज्जतनहंगणं ॥ २८ तुट्टंततारहारोहमुत्ताहलकयच्चणं । सिंगारफारनारीहिं समादत्तं सुनञ्चणं ॥ २९ दिज्जं तदाणसंघायं छत्तकोलाहलाउलं । अच्छेरयसयाइण्णं विम्हावियमहायणं ॥ ३०
माइबहुरिद्धी व तम्मि महूसवे | संपत्ते बारसाहम्मि सम्माणित्ता नियल्लए ॥ ३१ सुमिणस्साऽणुसारेण सेट्ठी बंधुसमणिओ । ठवेइ सालिभद्दो त्ति गुण्णं पुत्तस्स नामयं ॥ ३२ एवं पवड्ढमाणो सो धाईपंचगलालिओ । किंचूणअट्ठवरिसो, कला सव्वा उ गाहिओ ॥ ३३
1AB संपुन्ना । 2 cD सल्लसा । 3 C D रुवाणि । 4 cD रोइरं । 5 CD मुट्ठिरं । 6 cD तमोडियं । 7 पुण्यान्तरायकर्मभीतेन इत्यर्थः ।