Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 231

२०८
सटीके मूलशुद्धिप्रकरणे चतुर्थ स्थानकम् ___ एत्यंतरम्मि य संखउरनिवासिनिमंतियागयसयणजणेण सह समागया केसराए माउलदुहिया मइरा नाम कण्णया। सा य केसरादसणत्थं पविट्ठा माइहरण । निविट्ठा कामपालसमीवे, भणियं च णाए, अवि य
'मा कुणसु भगिणि ! खेयं, सकम्मवसया जिया जओ सव्वे । पुवकयकम्मदोसा दुहाई पावेंति संसारे ॥ जं जेण पावियव्वं सुहमसुहं वा इमम्मि संसारे । पुवकयकम्मवसओ तं सो पावेइ नियमेण ॥ सविवेयनिविवेयाण अंतरं एत्तिंय तु सविवेया । भाविति भवसरूवं इयरे असमंजसपलावी ॥४०
संखउरे चेव इमो वसंतदेवाणुरायवुत्तंतो । कारणगयाए कहिओ तुज्झ सहीए मह असेसो ॥ ता उज्झिऊण सोयं गुरुजणअणुवत्तणं कुणुसु भगिणि ! । विहिणा निडाललिहियं, जमेइ सम्मं तयं सहसु॥ मज्झ पुण दारुणतरो वुत्तंतो भगिणि ! तुह सयासाओ। गुरुजणदुक्खभएणं तह वि हु धारेमि हं पाणे ॥ जम्हा हु संखपालस्स भयवओ पुरजणेण जत्ताए । पारद्वाए अहं पि हु विणिग्गया' सहियणसमेया ॥ सहयारवी हिमज्झे उजाणे जाव विविहकीलाहिं । कीलामि ताव दिट्ठो कोइ जुबा नाऽइदूरम्मि ॥४५ मयणो व्व विग्गहधरो तं पइ जाओ दढोऽणुरागो मे । सो वि अणुरायवसओ पुणो पुणो मं पलोएइ ॥ निययसहीहत्थम्मि य तंबोलो तस्स तो मए पहिओ। तेण वि गहिओ, न हु ताण जाव वयणकमो होइ॥
ता उम्मिट्टीहओ मत्तकरी तेण अद्धगहिया हं । जा ताव तेण हत्थी पहओ लउडेण पट्टीए ॥४८
मं मोत्तुं तयभिमुहो चलिओ, तेणावि वंचिङ हस्थि । घेत्तूण अहं नोया करिभयपरिवज्जिए ठाणे ॥४९ मुक्का य तत्थ तेणं अमुंचमाणी वि हिययमज्झम्मि । मिलिओ य मज्झ सजणो, तेण वि अहिणंदिओ एसो॥
एत्थंतरम्मि मेहो भुयगेहिं वरिसिउं समाढत्तो । तस्स भएण पलाणो दिसोदिसं सव्वपुरलोगो ॥५१ तप्पंभिइं तु न नाओ, कहिं गओ सो महं हिययहारी ? । गाँवसाविओ य नयरे कइवि दिणे नेय उवलद्धो॥
ता भगिणि ! मह अहन्नाए दंसणं पि दूरीकयं विहिणा, जओ भणियंआसासिज्जइ चक्को जलगयपडिबिंबदसणसुहेण । तं पि हरंति तरंगा, पिच्छह णिउणत्तणं विहिणो ॥
तमायण्णिऊण उग्घाडियं वयणं कामपालेण । तं च दठूर्ण 'कहं सो चेव एसो ?' त्ति ससज्झसलज्जावसपरवसाए न किंचि जंपियमिमाए । तओ तेण भणियं 'पिए ! न एस कालो लज्जाए, ता मोत्तूण लज्जं निग्गमणोवायं किंचि चिंतेहि, जेण लहुं पणस्सामो, केसरा ऍण तुमं व इमिणा पओगेण मिलिया नियदइयस्स' । तओ तीए हरिसियाए जंपियं 'जइ एवं तो सरीरचिंताववएसेण असोगवणियादुवारेण निग्गच्छामो' । तओ 'साहु सुंदरि ! सोहणो उवाओ' त्ति भणिऊण उढिओ कामपालो । निग्गंतूण पलायाणि । मिलियाणि गयउरे पुत्वमेव केसरं गहाय तत्थ समागयस्स वसंतदेवस्स । चिदंति य सुहेण तत्थ।
इओ य राइणो कुरुचंदस्स पइदिणं समागच्छंति पंच पंच पहाणकोसल्लियाणि । न य सो तीणि सयमुव जइ, न य अण्णस्स कस्सइ देइ, भणइ य 'एयाणि मए इट्ठविसिट्ठस्स कस्सइ दायवाणि' । एत्यंतरम्मि य वद्धाविओ राया उजाणपालेण, अवि य--
'वद्धाविज्जसि नरपहु ! वरकेवलमुणियवत्थुपरमत्थो । इत्थेव तिजगपणओ समागओ संतिनाहजिणो॥ रइयं च समोसरणं आजोयणमित्तभूमिभागम्मि । अवहरियं तियसेहिं तण-कंटय-रेणुमाईयं ॥५५॥
IA B या परियण । 2 CD माणी य हिं। 3A B 'प्पमियं । 4 cD तो। 5A Bण सो चेव । 6 cD जंपियं । 7 cD पुण मं च । 8cD याणि य गय । १cD ताणि उवभं ।