Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 234

सङ्गमकाख्यानकम्
२११
संपत्तो जोवणं तत्तो रूवेणं जियवम्महो । लावण्णवण्णसंपण्णो कामिणीयणवल्लहो ॥३४ रमंतो सह मित्तेहिं लीलाए जाव अच्छइ । ताव तत्थेव वत्थव्वा बत्तीसं वरसेद्विणो ।।३५ रईसारिच्छरूयाओ घेत्तुं कण्णाओ आगया । बत्तीसं सव्वसाराओ इब्भगोभद्दमंदिरे ॥३६ भणंति 'जइ विनेयाओ जोग्गाओ तुह सुयस्स उ । मण्णऊ तो वि एयाओ काउं अम्हाणऽणुग्गह' । हट्ठतुट्ठो तओ सेट्ठी पसत्थे तिहिवासरे । महाविच्छड्डरिद्धीए पाणिग्गणं करावए ॥३८ उत्तमे भवणाभोए समारूढो तओ इमो । देवो दोगुंदुगो चेव भुंजए भोगवित्थरं ॥३९ पुण्णाणुभावओ तस्स माया-वित्ताणि सव्वहिं । पवत्तयंति अक्खूणं एवं काले गलतए ॥४० गोभद्दो गिण्हए दिक्खं सिरिवीरजिणंतिए । चिच्चा धणाइयं सव्वं तओ पालित्तु संजमं ॥४१ भत्तं पच्चैक्खिउं काले दिव्वकंतिधरो सुरो । उप्पण्णो देवलोगम्मि उवओगं पउंजई ॥४२ दळूणं ओहिनाणेण नियपुत्तसिणेहओ । तप्पुण्णावज्जिओ तत्थ सुरो सिग्धं समागओ॥४३ वत्था-ऽलंकार-मल्लाई सव्वं दिव्वं पणामई । सभारियस्स निच्चं पि दाणप्फलवसीकओ ॥४४ जं च माणुस्सयं कजं भद्दा तं से पसाहई । निचितो सव्वठाणेसु एवं भोगे पभुंजई ॥४५ अण्णया वणिया केई घेत्तुं रयणकंबले । उवट्ठिया नरिंदस्स सेणियस्स सहंगणे ॥४६ 'महग्याणि' त्ति काऊण राया जाव न गिण्हई । ताव तत्तो विणिग्गंतुं वणिणो भद्दागिहं गया ॥४७ सा वि ते कंबले सव्वे मोल्लं दाऊण गिण्हई । वणिणो वि नियावासे गया, एत्थंतरम्मि य ॥४८ विण्णत्तो सेणिओ राया चेल्लणाए जहा 'मम । अट्ठाए कंबलं एकं महामोल्लं पि घेप्पउ' ॥४९ वारंवारं भणंतीए सदिया वणिणो तओ । भणिया य 'कंबलं एक अम्हं मोल्लेण देह भो ! ॥५० वुत्तं तेहिं जहा देव ! दिण्णा सव्वे वि कंबला । भदाए इब्भमज्जाए' तओ रण्णा तदंतिए ॥५१ गोरबो पेसिओ एको भद्दो नियमहंतओ । जहा 'आणेहि मोल्लेण, भद्दापासाउ कंबलं' ॥५२ तेणावि जंपिया गंतुं 'भद्दे ! राया विमग्गई । जहाकिइयमोल्लेण एक्कं रयणकंबलं' ॥५३ भद्दा पयंपई ‘भद्द ! ते मे फालित्तु कंबले । सालिभद्दस्स भजाणं पायलूहणगा कया ॥५४ ता विष्णवेहि रायाणं जइ जुण्णेहिं सिज्झई । कज्जं तो लेह सेच्छाए, जओ अण्णं न विजई ॥ तं तेण राइणो सव्वं गंतुं जाब निवेड्यं । चेल्लणा ता पयंपेई 'देव ! पेच्छसु अंतरं ॥५६ अम्हाणं वणियाणं च' इई वुत्तो नराहिवो । कोऊहलेण अप्फुण्णो एवं मंतिं पभासई ॥५७ 'भणेहि भद्द ! तो भद्दे जहा-अभ्हाण कोउगं । ता पेसेहि इहं भद्दे ! सालिभदं खणंतरं' ॥५८ तेणावि जाव सा वुत्ता ताव भद्दा ससंभमा । उद्वित्ता राइणो पासे सयमेव समागया ॥५९ विण्णवेई जहा 'देव ! न मे पुत्तो कयाइ वि । पेच्छए चंद-सूरा ता चिट्ठउ बहिनिग्गमं ॥६० ता घरागमणेणऽम्ह पसाओ देव ! कीरउ' । कोऊहलेण रण्णा वि तं तहेवाऽणुमण्णियं ॥६१ 'पसाओ' त्ति भणंतीए पुणो भद्दाए जंपियं । 'खणमेक्कं विमालेहि जावाऽऽगच्छामऽहं पुणो' ॥६२ 'गेहं गंतूण कारेइ हट्टसोहं निरंतरं । सगेहदारदेसाओ सीहदारं निवस्स जा ॥६३ नाणापेच्छणयाइण्णं तं काऊणं तओ निवं । विण्णवेइ "गिहं गंतुं पसाओ देव ! कीरउ' ॥६४ तत्तो राया तहिं सिग्धं सव्वोरोहसमण्णिओ । पेच्छंतो पेच्छणे दिव्वे सालिभद्दगिहं गओ ॥६५ __ 1 A B °च्चक्खियं । 2 c Dल्लाइ । 3 c D ता । 4 c D गेहे । 5 A B गिहे । 6 A B तयं ।