Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 235

२१२
सटीके मूलशुद्धिप्रकरणे चतुर्थ स्थानकम् तं च के सरिसं ?
सुरत्तहेमभित्तियं, विचित्तचित्तचित्तियं । माणिक्कबद्धभूतलं, विणिततेयमंडलं ॥६६ सुभंगसालभंजियं, विपंचिवंससिंजियं । सुवण्णथंभसंगयं, पणञ्चमाणरंगयं ॥६७ ललंतमुत्तमालयं, रणंततारतालयं । फुरंतवारतोरणं, मणुस्ससोक्खकारणं ॥६८ उत्तुंगसत्तभूमियं सम्मघद्वदूमियं । कीरंतवत्थसोहयं, बज्जतमद्दलोहयं ॥६९ एरिसं तं नियच्छंतो विहियाणेयमंगलो । पविट्ठो तत्थ सो राया विम्हउप्फुल्ललोयणो ॥७० कमसो जाव आरूढो चउत्थं भूमिगातलं । सव्वप्पहाणार तत्थ आसणम्मि निवेसिओ ॥७१ वत्था-ऽलंकारमाईयं दाउं भदा तयंतओ । सालिभद्दसयासम्मि सत्तमं भूमिगं गया ॥७२ जंपई 'पुत्त ! तं दलु सेणिओ पुहईसरो । चउत्थं भूमिगं पत्तो 'तो आगच्छ खणंतरं' ॥७३ जंपई सालिभद्दो वि 'अम्मो ! तं चेव जाणसि । अग्धं गिण्हाहि ता गंतुं किं करिस्सामहं तहिं ?' ॥ भद्दा पयंपई 'पुत्त ! न तं होइ कियाणयं । किंतु नीसेसलोयाण तुम्हऽम्हाण य सो पहू' ॥७५ तं सोउं तक्खणं चेव विरत्तो चिंतए इमं । “धी धी ! संसारवासस्स जत्थऽण्णो मज्झ वी पहू ॥ ता एवं दुक्खपउरेहिं भवभोगेहिं मे अलं । पव्वज्जामि जिणस्संते दिक्ख दुक्खविमोक्खणिं' ॥७७ एवं संवेगपत्तो वि मायाए उवरोहओ । चंदो व्व तारयाजुत्तो उत्तिण्णो सो सभारिओ ॥७८ सेणियस्संतियं पत्तो पणामं कुणई लहुं । नरिंदेणाऽवि नेहेण निययंके निवेसिओ ॥७९ अग्धाओ उत्तिमंगम्मि जाव तत्थ खणंतरं । चिट्ठई ताव अंसूणि मुयंतं नियपुत्तयं ॥८० दटुं भद्दा पयंपेइ 'देव ! एवं विसज्जह । जओ माणुस्समल्लाइगंधो एयस्स बाहइ ॥८१ दिवाणुलेवणं मल्लगंधाईयं पणामइ । निच्चं जणयदेवो से सभञ्जस्स मणोहरं ॥८२ तत्तो विसज्जिओ एसो गओ सत्तमभूमिगं । रण्णा वि जंपिया भदा 'गच्छामो नियमंदिरं ॥८३ विण्णत्तो निवई तीए 'पसाओ देव ! कीरउ । अज्ज [अ]म्ह गिहे चेव भोयणेणं' तओ निवो ॥८४ उवरोहगओ तीए पत्थणं पडिवज्जई । तओ भद्दाइ वक्केण दासचेडीओ तक्खणं ॥८५ मयणिज्ज-बिहणिज्जाइं दीवणिज्जाइं आणिउं । लक्खपागाइतेल्लाई पोत्तियं अप्पिउं तओ ॥८६ सुकुमालपाणिपाया दक्खा छेयंगमद्दया । अब्भंगयंति रायाणं परिवारसमण्णियं ॥८७ रयणसोवाणपंतीसु जाव वावीसु मज्जए । राया ता देवजोगेणं कराओ पडियं जले ॥८८ नाममुदं पलोएइ निवो संभंतलोयणो । तं दटुं भणई भदा दासचेडी 'हला ! इमं ॥८९ नीरमन्नत्थ बावीए संकामेहि खणंतरे । जंतप्पओगओ सव्वं' तीए झत्ति तहा कयं ॥९० नाणालंकारमज्झम्मि तमिंगालसरिच्छयं । पिच्छिउँ पुच्छई चेडी 'किमेयं ?' विम्हयाउलो ॥९१ तीए वि जंपियं 'देव ! निच्चं पक्खिप्पई इमं । निम्मल्लं सालिभद्दस्स सकलत्तस्स एत्थ उ' ॥ तं सोउं चिंतए राया 'पेच्छ पुण्णस्स अंतरं । अहं राया इमो भिन्चो भोगलच्छी पुणेरिसा ॥ ता धण्णो सव्वहा एसो कयपुण्णो नरुत्तमो । सुलद्धं जीवियं जम्म माणुसत्तमिमस्स उ' ॥९४ एवं च मज्जिउं भुत्तो णाणारससमण्णियं । विसिटुं भोयणं, पच्छा कयकिच्चो गिहं गओ ॥९५ सालिभदो वि संसारविरत्तो जाव चिट्ठइ । ताव कल्लाणमित्तेणं आगंतूणं निवेइयं ॥९६
1 c D तहिं । 2 c D ता । 3 c D तं । 4 c D धिद्धी सं। 5 c D तो। 6 c D आई, दप्पणिज्जाणि आ। 7 c Dज्जई। 8 c D भोगिइढी पुण एरिसा। 9A B तो।