Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 222

चन्दनार्याकथानकम् जोव्वणारंभभारियत्तणओ अंगाणं, अच्चायरेण चलणे सोयमाणीए छुट्टो कुंतलकलावो, कदमोवरिनिवडमाणो य धरिओ सेट्ठिणा लीलालट्ठीए । दिट्ठो य उवरिमतलट्ठियाए मूलाए। चिंतिउं च पवत्ता
'अहह ! कह पेच्छ एसो मूढो धूयं पवज्जिङ एयं। अइरागमोहियमणो करेइ एवंविहं चेटुं ? ॥१० अहवा एयाएसुं(ईसं) जोव्वण-लावण्ण रूव-सोहग्गं । दळूण मुणी वि दढं मयणेण परव्वसो होइ ॥ ता जइ कहिंचि एयं परिणइ एसो दढाणुरागवसो । सुविणे वि हु नाम पि वि न गिण्हए मज्झ निच्छयओ ता दूरविणटुं पि हु कजं एयं न जाव निव्वडइ । ताव करेमि पयत्तं, को नहछेइ(यं) उवेक्खेइ ? ॥१३
जावऽज्ज वि कोमलओ वाही ता कीरए नणु तिगिच्छा । गाढासज्जीभूओ पयत्तमवि निप्फलं होई ॥ नियचित्तदुट्ठिमाए अलियं पि हु इय विगप्पए बहुयं । अहवा वि दुजणजणो अप्पसमं मण्णए सव्वं ॥१५
भणियं च--- ववहरइ अण्णह च्चिय सुद्धसभावो जयम्मि साहुजणो। मण्णइ तमण्णह च्चिय दुट्ठसभावो खलयणो वि ॥
तओ जाव विणिग्गओ गेहाओ सेट्ठी ताव कासवयं सद्दाविऊण मुंडावियं से सीसं । दिण्णाणि पाएसु नियलाणि । छूढा य उवरगे। निबद्धाणि संकलार्थभएण सह नियलाणि । ढक्किय दुवारं भणिओ य परियणो 'जो सेद्विणो एयं साहिस्सइ तस्स वि एस चेव दंडो' त्ति । तओ भोयणवेला, पुच्छियं सेद्विणा 'किमज्ज न दीसइ चंदणा?' । मयरदाढमूलाभएण न केण वि किंचिवि साहियं । 'बहिं रमइ' त्ति मण्णमाणेण भुत्तं सेटिणा। बिइय-तइयदिवसेसु वि एवं चेव सारिया । नवरं चउत्थदियहे कओ सेद्रिणा निब्बंधो जहा 'जाव न चंदणा दिट्ठा न ताव भोत्तव्वं' । तओ 'किं मह मूला करिस्सइ त्ति मह जीविएण वि जीवउ सा गुणगणमई बालिय' त्ति मण्णंतीए सिट्ठो एक्काए वुड्ढदासीए सेट्ठिणो परमत्थो । तओ समाउलचित्तेण उग्घाडियं उवरगदुवारं । दिट्ठा य सिरावणीयचिहुरभारा तण्हा-छुहाकिलामियतणू अंसुजलाहलियकवोला । तं च दळूण बाहोल्ललोयणो गओ महाणसं जाव मूलाए सव्वं असणं अभंतरे छोढूण तालियं दुवारं । तओ निरूवंतेण अवण्णाए. असंगोविया सुप्पेक्ककोणसंठिया दिट्ठा कुम्मासा । तओ ते चेव घेत्तूण समप्पिया चंदणाए सेट्ठिणा, भणिया य 'पुत्त ! जाव लोहारं सदिऊण तुह नियलाणि भंजावेमि मणुण्णं च भोयणमुवक्खडावेमि ताव तुम एए चेव भुंजसु, मा अइच्छहाए सरीरस्स वावत्ती भविस्सइ' । त्ति भणिऊण गओ लोहारगेहं । तओ सुप्पपणामिए मच्छियापुंजसच्छहे पेच्छिऊण, अत्तणो पुव्वावत्थं सरिऊण सोएउं पवत्ता । कहं ?...'जइ देव्व ! सयलतियलोयतिलयभूओ कओ कुले जम्मो । ता कीस अयंडि पयंडमागयं दुसहदालिदं ? ॥ जइ जाया पिइ-माईण नियतणूओ वि वल्ल हा अहयं । ता ताण मरणदुक्खाण भायणं कीस निम्मविया ॥ जइ नाम विओगो बंधवाण निक्करुण ! तई कओ देव्व ! । ता किं अवरं एवं मझं पेसत्तणं विहियं ॥
इय निययावत्थं निंदिऊण सुकुलुग्गयं च सविसेसं। पुणरुत्तनितबाहंबुनिब्भरं रुवइ सा बाला ॥२०॥ एवं च निदिऊणं नियकम्म, सोइऊण य अवत्थं । भुक्खक्खामकवोलं वयणं ठविऊण करकमले ॥२१ ते पुलइय कुम्मासे सविसेसं मण्णुभरियगलविवरा। चिंतेइ 'लु(छु)हत्ताणं न किंचि तं जं न पडिहाइ ॥ किंतु नियजणयगेहे एक्कासणपारणम्मि वि जहेच्छं । चउविहसंघं पडिलाहिऊण पुण आसि पारिती ॥ 1cD अहवा एसुं जोव्व। 2 c D एवं म ।