Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 221

१९८
सटीके मूलशुद्धिप्रकरणे चतुर्थ स्थानकम् सावयधम्मुज्जया धारिणी नाम देवी। सा य अण्णया कयाई सुहपसुत्ता रयणीए चरम नामे फुल्लफलसमद्धासियं अणेयजणोवयारिणिं नियच्छायाविणिज्जियसयलवणलयं कप्पलयं सुमिणे पासिऊणं पडिबुद्धा। साहियं जहाविहिं दइयस्स । तेण वि तेलोकब्भहियबहुजणोवयारिसमंत्तनारीयणप्पहाणधूयाजम्मेणाऽभिनंदिया । सा वि 'तह'त्ति पडिवज्जिऊण सुहं गब्भमुव्वहंती पत्ते पसूइसमए पसूया दारियं । कमेण य कयं से वसुमइ त्ति नामधेयं ।
___एत्तो य वच्छाजणवयालंकारभूयकोसंबिवरपुरीए सयाणिो नाम राया । मिगावई तस्स देवी । ताण वि दोण्ह वि राईणं परोप्परं वेरं वट्टइ । अण्णया गओ सयाणिओ दहिवाहणस्सोवरि विक्खेवेणं । पवत्ते य महासंगामे कहिंचि देव्वजोएण पंणासिओ दहिवाहणो । सयाणिएण लूडिजमाणीए नयरीए समुग्घुट्ठो नियबले जग्गहो 'जो जं लेइ तस्स तं सुगहियं चेव' । तओ एगेण उट्टिएण कुलगेहं पइ पलायमाणी गहिया वसुमइधूयासमण्णिया धारिणी नाम देवी । अंतराले य सो गच्छमाणो पुट्ठो एगेणं पुरिसेणं जहा 'किमयाहिं काहिसि ?। तेण भणियं जहा 'एसा मम पत्ती भविस्सइ, इमं च दारियं विक्केहामि' । तं च सोऊण चिंतिउमाढत्ता धारिणी, अवि य-~
'हद्धी ! निग्धिण नित्तिंस कम्मविहि ! काइं एरिसं विहियं । जं तिहुयणिकवीरो वि मह पई एव विदविओ॥ १
तत्तियमित्तेणं चिय किं न ठिओ ? जं पुणो इमस्साहं । अइकूरकम्मपुरिसस्स हंदि वसवत्तिणी विहिया ॥ हा निदयविहि ! संपइ न मुणसि किं निच्छयं महमणस्स? । जं सीलखंडणम्मि वि धणियं अब्भुज्जओ जाओ। ता किं च इमो पावो बला वि मह सीलखंडणं काही ?। बाला इमा वराई लहिही किं वा वि हु अणत्थं ?
कुलगेहअसंपत्ती पईविरह(हं) सीलभंगसवणं च । धूयाविकिणणं चिय चितंती सा मया झत्ति ॥५ तो तीइ अयंडे च्चिय तं मरणं पेच्छिऊण तेण तओ । अइकोमलवयणेहिं बहूहिं संठाविया बाला ॥६
एवं च कमेण पत्तो कोसंबीए । तिणाणि सीसे. दाऊण विक्किणणथं समोयारिया हट्टमग्गे । दिवा य धणावहाहिहाणेण सेट्ठिणा, चिंतियं च 'अहो ! कण्णयाए आगीई, ता भवियत्वं महाकुलुप्पण्णाए इमाए, ता गिण्हामि एयं जेण मह एईए जणएण सह संबंधो भवइ'त्ति । दाऊण मोल्लं गहिया । समप्पिया मूलाहिहाणाए. नियभारियाए धूयापडिवत्तीए सुहेण चिट्ठइ । अइसिसिरसीयलसहावत्तणओ य चंदणवाल त्ति से बीयं नामं संजायं । एत्थंतरम्मि य समारूढा एसा जोव्वणं, अवि यअइसरसकोमलाई जायाइं तीइ अंगमंगाई । कामुयजणमोहणकारया य अट्ठ(द्ध)ग्गया सिहिणो(णा)॥ पडिपुण्णचंदमंडलतुल्लं वयणं मणोहरं सहइ । लावण्ण-वण्ण-कंती सैंयाइं अणण्णसरिसाइं ॥८ मयरद्धयनरवइमंदिरम्मि नवजोवणे वि वट्टती। जोव्वणवियाररहिया सुहेण सा चिदए तत्थ ॥९
अण्णया कयाइ घम्माऽऽयवसंतत्तगत्तो अहियं परिस्संतो पस्सेयजलाविलनिस्सहसरीरो बाहिराओ समागओ सेट्री । दिदो" य चंदणाए । तओ तहाविहमन्नमपेच्छमाणी चलणसोयं घेत्तूण उवट्रिया । 'धूय'त्ति काऊण न निवारिया सेट्रिणा । तओ अहिजायत्तणओ सरीरस्स, विणीयविणयत्तण[ओ सहावस्स.
1 cD सुत्तार। 2 A B विहं द। 3A B मत्थना । 4 A B भूसिय । 5c D पलाणो
6 A B इदक्खं । 7 A B °विक्कणणं । 8 A B यं 'हा कण्ण । 9 c D से जायं बिइयनाम । पत्थं । 10 c D रूवाइ अं। 11 AB'व्वणम्मि वट्ट । 12 c D या य क । 13 c Dो । 14 cD अहियजा ।