Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 211

૨૮
सटीके मूलशुद्धिप्रकरणे चतुर्थ स्थानकम् परबलमहण-चिरावत्थाण-विज्झावणाणि सुहेण कीरंति, किंच मा तुच्छयविसयसुहमोहिओ अवगणियमोक्खसोक्खो कोल्हुँगो व्व अप्पाणं विणासेहि' । इयरेण भणियं 'को एस जंबुगो ?' । सयंबुद्धण भणियं जहा “एगम्मि अरण्णे गिरिवरतलविभागसंठियगिरिसरियाइपरिब्भमणसीलमहामत्तकरिवरदंसणुप्पण्णवहपरिणामवाहपुरिससंवणंताऽऽपूरियसरप्पहारवेयणापरिगयनिवडमाणकरिमुत्ताहलदसणगहणपरिणामविमुक्कसजीवधणुधावियकरिसरीरपडणद्धचंपियमहाकायविसहरखइयमयपुलिंद-भुयग-गयसरीराणि दिद्वाणि कहिंचि परिभममाणेणं एगेण सियालेण । 'सज्जी( जी )वा ण वि(व)?" त्ति पुणो पुणो ओसक्कणाऽवसक्कणपुवकयनिज्जीवनिच्छओ हरिसभरनिब्भरो चिंतिउं पवत्तो 'अहो ! एयाणि मम आजम्मभक्खं भविस्संति, ता ताव एवं सज्जीवधणुपडंचाकोडिविलग्गं नहारुं भक्खेमि, पुणो पच्छा निराउलो एयाणि भक्खिस्सामि' । त्ति चिंतिऊण तं नहारं भक्खिउमाढत्तो । तओ विमुक्कसंधिबंधणधणुतिक्खग्गकोडिविद्धगलप्पएसो विणट्ठो, ता तुमं पि मा तहा विणस्साहि" । एत्थंतरम्मि भणियं राइणा 'सयंबुद्ध ! किं अत्थि कोइ परलोओ ?' । तेण भणियं “सामि ! जया बालकाले तुब्भे मए सह नंदणवणं गया तया अम्ह समीवे समागओ एगो कंतरूवधरो देवो । तेण य जंपियं 'भद्द ! महाबल! अहं तुह जणर्यंजणओ सयबलो चिन्नजिणभणियवओ लंतगाहिवई जाओ, ता भद्द ! अस्थि परलोगो, सुकड-दुक्कडकम्मफलविवागो य, किं बहुणा ? जिणधम्मपरायणेण भवियव्वं' । ति भणिऊण अदंसणं गओ । ता सामि ! जइ तं सुमरह तो सदहह परलोयं"। राइणा भणियं 'भद ! सुमरामि पियामहवयणं'। तओ लद्वावगासेण भणियं सयंबुद्धेण “जइ एवं तो देव ! तुम्ह वंसे पुव्वं कुरुचंदो नाम राया अहेसि । तस्स कुरुमइदेवी हरियंदी य कुमारो । सो य राया नाहियवायधम्मभावियमणो महारंभाइपसत्तो समागए मरणकाले नरगे वि" असमायमाणं तप्पडिरूवियं वेयणं वेइउमाढत्तो, अवि य
सुइसुहयरमहुरं "पि य गीयं अक्कोसणं ति मन्नेइ । जीहारसालुयाई दव्वाइं मुणइ विट्ठ त्ति ॥२१ कोट्ठपुडाई गंधे लक्खइ मयकुहियमडयगंधे व्व । चक्खुल्लोयणलेसे रूवे परिकलइ सोऽणिद्वे ॥२२ कोमलतूलीसेज्जं कंटयसिज्जं व वेयई पावो । विवरीयं पडियारं कुणइ तओ तस्स हरियंदो ॥२३
एवं सो मरिऊणं नरएसु अणुत्तरेसु उववन्नो । तं पिउमरणं दटुं धम्मम्मि मणं कुणइ कुमरो ॥२४ गंधसमिद्धं च इमं पालइ पिइकमसमागयं विहिणा । अन्नम्मि दिणे भणिओ तेणिको खत्तियकुमारो॥२५ जह 'मम धम्मियवयणं बुहयणपासाओ सुणिय कहियव्वं । भद्द ! तए निच्चं पि हु एस च्चिय तुझ मह सेवा' ॥
तओ सो सुबुद्धी तस्साऽणुदिणं धम्ममाइक्खइ । राया वि संवेगाओ तैस्स वयणं पडिवज्जइ । अन्नया य नयरबहिसंठियमुणिसमुप्पण्णकेवलनाणमहिमानिमित्तसमागयसुरसमूहावलोयणुप्पन्नहरिसो गओ सबद्धी राइणो समीवे । साहिए य वुत्तंते कोऊहलपूरिज्जमाणमाणसो मणपवणजइणगमणतुरंगमारूढो गओ राया भयवओ समीवे । तओ पणामाणंतरं निविट्ठो सुद्धभूमीए । सुणमाणो य केवलिमुहारविंद
A B किंतु मा तुज्झ य विसय । 2 cD हविमोहिं । 3 AB कोल्हगो । 4 c D हाकरि। 5 A B°सवणोययापूरिय। 6c D दय-अँ। 7 A B °ण सिया। 8 A B ण' त्ति पुणो। 9-10
नहार। 11 cD हि" ति । ए" । 12 C D यअइबलपियासयबलो । 13 A B वि य असम्माय । 14 c D पि हु गी । 15 c D तहेव पडि ।