Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 210

श्रेयांसकथानकम्
१८७ अस्थि इहेव जंबुद्दीवे' दीवे गंधमायणनगवरासण्णगंधिलावइविजयमज्झट्टियवेयड्ढगिरिसेढीवत्तिंगधारजणवयालंकारभूयविज्जा-सिद्धिसमिद्धजणसमद्धासियगंधसमिद्धपुरप्पहुसयबलमहारायसुयअइबलरायपुत्तो महाबलो नाम राया । तस्स य पुज्वपुरिसपरंपरागओ खत्तियकुलुप्पण्णो बालमित्तो जिणवयंणपरिकप्पियमई अस्थि सयंबुद्धो नाम मंती । बीओ य महामिच्छत्तमोहियमणो संभिन्नसोओ नाम, सो ये तस्स राइणो बहसु कज्जेसु पुच्छणिज्जो । अण्णया य कलरिभियतंतीतलतालरवुम्मीसगंधव्वसणाहपेच्छणयरंगमज्झट्ठियसालंकारमणोहरनट्टियानट्टऽक्खित्तमाणसो जाव चिट्ठइ राया ताव भणिओ सयंबुद्धण----'देव !
सव्वं विलवियं गीयं, सव्वं न विडंबणा । सव्वे आभरणा भारा, सब्वे कामा दुहावहा' ॥१८ तओ जंपियं राइणा'कहं सवणामयं गीयं विलावो त्ति पभाससे ?। कहं वा लोयणब्भुदयं नटुं वयसि विडंबणा ? ॥१९ कहं वा देहऽलंकरणाऽलंकारा भारमिच्छसि ? । कहं वाऽसारसंसारसारा कामा दुहावहा ?' ॥२०
तओ भणियं सयंबुद्धण-"देव ! जहा काइ इत्थिया पवसियपइया पइणो समागमकंखिया तग्गुणगणं सुमरंती पच्चूससमए परियंदइ तहा पहुणो रंजणथं तप्पुरओ से गुणनियरं वनितो गायणो वि गायइ, ता तत्तओ गीयं विलावो चेव । तहा जहा जक्खाइट्ठो कोइ अणेगकर-चरणचेद्वाओ पयासेइ तहा नच्चमाणो वि विविहँवरकराइचेदाओ पयासेइ, ता परमत्थओ एवं पि विडंबणा । जहा य कोइ पहुणो समाएसेण मउडाइअलंकारं वहइ तब्भारेण य पीडिज्जइ एवं जइ कोइ जोग्गअंगोवंगनिवेसियमाभरणं हेइ ता किं न सो भारो भवइ ? । तहा कामा वि जहा हरिणाईहिं निसेविज्जमाणा बहुदुक्खया भवंति एवं नर-नारीणं पि ते इहलोए चेव किलेसाऽऽयासदहकरा परलोए नरगाइदायगा भवंति, ता कहं ते न दुहावहा ? । तम्हा परलोयसुत्थिणा ते परिहरियव्व" त्ति ।
संभिन्नसोएण मणियं---'देव ! सयंबुद्धो अदिट्ठसुहनिमित्तं पञ्चक्खोवलब्भमाणविसयसुहं परिहरंतो जंबुक इब मुहमीगयं मंसपेसिं परिहरिय मच्छमभिलसंतो पच्छायावभायणं भविस्सइ' । सयंबुद्धण भणियं 'संभिन्नसोय ! जो सरीरविभवाईणाऽणिच्चयमवगच्छिय इहलोयसुह पडिबद्धो निव्वाणाइसुहपसाहयतवसंजमाणुदाणपरायणो न भवइ सो संपत्तरयणायरकुसलजणपसंसियसयलगुणगणाहारसुतेयसुभागयसुरयणपरिचायगकायमणियाणुरत्तनिप्फलपयासदारिदपराभवाइदुहजलणजालावलीपुलोट्टनरो ब्व विबुहजणनिंदणिज्जो भवई' । संभिन्नसोएण भणियं “गगणपडणासंकियतद्धरणनिमित्तउड्ढपायटिटिभीसुयणं व इमं तुज्झाऽणागयपयत्तकरणं मम पडिहाइ, किंच किं जुत्तं 'मरणं भविस्सइ'त्ति अणागयमेव मसाणगमणं ? ता मा परिच्चय अणागयसुहनिमित्तं संपयसुहं, पत्ते य मरणकाले परलोगहियमायरिस्सामो” । सयंबुद्रेण भणियं 'मुद्ध ! न संपलग्गाओहण-ओरुद्धनयर-संपलित्तगेहेसुं तप्पडिवैक्खभूयकरितुरयदमण-भत्तपाणिंधणोवणयण-कूवखणणाइयाणि काउं तीरंति, जइ पुण दमण-भरण-खणणाईणि कयाणि हुंताणि ता
1cD वे गंध। 2c D°यणे परि। 3cD इ। 4 cD डंबियं । 5A B जंपिओ रा। 6c D करा'। 7A B जया इकों। 8cD वहइ। 9 A B लवियं। 10A Bहगयमंसपेसी पं । 11 A Bहणा ओरुद्ध । 12 A B क्खच्चयक। 13 cD णाईणि।