Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 179

सटीके मूलशुद्धिप्रकरणे चतुर्थ स्थानकम् संपुष्णं महंत मंडयं' । तेण वि एवं होउ'त्ति भणियं । 'न याणंति एए सुमिणयस्स परमत्थं ति न कहियं मूलदेवेण । लद्धो य कप्पडिएण घरछायणियाए जहोवइट्ठो मंडगो, तुट्ठो य एसो । निवेईओ कप्पडियाण ।
मूलदेवो वि पहाए गओ एगमारामं । आवजिओ कुसुमतमुच्चयसाहेजेण मालागारो। दिण्णाई तेण पुप्फ-फलाइं । ताई घेत्तूण सुइभूओ गओ सुमिणसस्थपाढयस्स गेहं । कओ तस्स पणामो । पुच्छिया खेमा-ऽऽरोग्गवत्ता । तेण वि संभासिओ सबहुमाणं, पुच्छिओ पओयणं । तेण जोडेऊण करसंपुढं कहिओ सुमिणयवइयरो। उवज्झारण वि सहरिसेण भणियं 'कहेस्सामि सुहे मुहुत्ते सुमिणयफलं, अज्ज ताव अतिही होसु अम्हाणं' । पडिवण्णं च मूलदेवेण । तओ व्हाय-जिमियावसाणे भणिओ उवज्झाएण 'पुत्त ! पत्तवरा मे ऐसा धूया, ता परिणेसु एयं ममोवरोहेण' । मूलदेवेण भणियं 'ताय ! कहमनायंकुल-सीलं जामाउयं करेसि ?' । उवज्झाएण भणियं 'पुत्त ! आयारेण चे जाणेजइ अकहियं पि कुलं' । उक्तं च
आचारः कुलमाख्याति, देशमाख्याति भाषितम ।
सम्भ्रमः स्नेहमाख्याति, वपुराख्याति भोजनम् ॥ २९५ ॥ तहा
को कुवलयाण गंधं करेइ ?, महुरत्तणं च उच्छृणं ।
वरहत्थीण य लीलं ?, विणयं च कुलप्पस्याणं? ॥ २९६ ॥ अहवा
जइ होति गुणा ता किं कुलेण ?, गुणिणो कुलेण न हु कजं ।
कुलमकलंकं गुणवजियाण गरुयं चिय कलंक' ॥ २९७ ।। एवमाइभणिईए पडिवजाविऊण परिणाविओ। कहियं सुमिणयफलं 'सत्तदिणभंतरे राया होहिसि' । तं च सोऊण जाओ पहट्ठमणो। अच्छइ य तत्थ सुहेण । - पंचमे य दिवसे गओ नगरबाहिं । सुत्तो य चंपगतरुच्छायाए। इओ य तम्मि चेव दिवसे अपुत्तो राया कालगओ अहिवासियाणि आस-हत्थि-छत्त-चामर-भिंगारलक्खणाणि पंच दिव्याणि । आहिंडियाणि नयरीमज्झे, न य कोइ दिट्ठो रजारिहो । तओ णिग्गयाणि बाहिं परिभैमंताणि समागताणि तमुद्देसं । तओ दट्टण मूलदेवं हिंसियं तुरंगेण, गुलगुलियं गईदेण, अहिसित्तो भिंगारेण, विजिओ चामरेहिं, ठियमुवरि उदंडपुंडरीयं । तओ कओ लोहिं जयजयारवो, पणच्चियं पायमूलेहिं, पयट्टो अविहंबविलयाण मंगलसदो, पवज्जियाइं नंदितूराई, आरोविओ जयकुंजरेण णियखंधे । पवेसिओ महाविभूईए । अहिसित्तो मंति-सामंतेहिं । भणियं च गयणंगणगयाए देवयाए 'भो भो ! एस महाणुभावो असे सकलापारगो देवयाहिट्टियसरीरो विकमराओ णाम राया, ता एयस्स सासणे जो ण वट्टइ तस्स णाऽहं खमामि' त्ति । तओ सव्वो सामंत-ति-पुरोहियाइओ परियणो आणा. विहेओ जाओ । चिट्ठइ य उदारविसयसुहमणुवंतो। आढत्तो उज्जेणिसामिणा जियसत्तुराइणा सह संववहारो, जाव जायाँ परोप्परं निरंतरा पीई ।
10 D एअं हो। 2A B °छाइणि। 3 C D इयउ ओय ) क। 4 C D एसा कण्णया ता परिणेसु ममोवरोहेण एयं । मू। 5A B °यसीलं। 60 D°व नजइ अ। 70 D°लं, यत उक्तम्-आ०। 80p जल्पितम्। 90 D°व णयरे अपु। 100D रिब्भमं। 11 C D तुरंगमेण, गुलुगु। 12A B गयंदें। 13 A B °एहिं जया। 14 A B जाइकुं। 150D गयणयलगया। 16 C D °त्तो य उ°। 17 C D °णा
सह। 18 A B °या निरंतरा परोप्परं पीई।