Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 199

१७६
सटीके मूलशुद्धिप्रकरणे चतुर्थ स्थानकम् तं सोऊण चिंतियं कुमारेण "जइ एवं तो किमेइणा पणइएण ?, तं चेव जक्खं साहेमि, परं पेच्छामि तीव-कहं राया साहेइ ?' | तओ गओ जक्खालए, रुक्खंतरिओ य ठिओ पच्छण्णो जाव अइक्कते रयणीपढमजामे समागओ करवालबीओ राया, पूइऊण विण्णत्तो अणेण जक्खो, अवि य–
'भो भो जक्ख महायस ! अचिंतमाहप्पसत्तिसंजुत्त ! । कयसत्तुत्तमभत्तयसंमत्तसत्तोहँ परिताए(?ण) ॥ ५६ पच्चक्खो होज ममं' झड त्ति जालावलीकरालम्मि । पक्खिवइ अग्गिकुंडे अप्पाणं सक्कनरनाहो ॥ ५७ ।।
तओ जक्खेण उक्खित्तो सत्तीए, सित्तो य कुंडियानीरेण जाओ पुणण्णवो, भणिओ य 'भो महासत्त ! वरं वरेहि' । तेण भणियं 'जइ एवं तो तुहप्पभावेण जो जं चिंतइ तस्स तं चउग्गुणं देज्जामि' । ‘एवं होउ'त्ति जक्नेण पडिभणिए पणमिऊण गओ राया नियट्ठाणं ।
बीयदिणे तेणेव कमेण विण्णविऊण जक्खं दिण्णा जलणकुंडे झंपा देवदिण्णेणं । तहेव जाओ वरओ जक्खो । देवदिण्णेण वि 'तुह चेव पासे चिट्ठउ'त्ति भणिऊण दिण्णा बीया झंपा । पुणो वि दिण्णो जक्वेण बीओ वरो । एवं तइयवाराएं वि दिण्णो । पुणो वि चउत्थवाराए जाव देइ झंपं ताव गहिओ बाहाए जक्खेण, भणिओ य 'भद्द ! एसा सिरत्तयाऽऽलिंगिया पहाणसत्ती दिण्णा मम इंदेण, एईए पभावेण देमि तिण्णि वरे, न उण अहिए, ता मग्गसु जं वो रोयइ' । देवदिण्णेण भणियं 'जइ एवं तो एक्कवरेण जा रण्णो सिद्धी तं एकसिं साहिओ जावजीवं पि मम पयच्छ, बीएण मए “जीवंतए न अण्णस्स दायव्वा, तइयं पुणो वि पणइस्सं । 'एवं'ति जक्खेण पडिवण्णे ठिओ पच्छण्णो।
इत्थंतरम्मि समागओ राया। निवारिओ जक्खेण । राइणा भणियं किं कारणं निवारेसि ?' । जक्खेण भणियं 'दिण्णा तिणि वि वरा एगस्स महासत्तस्स' । तओ [गओ ] विमणदुम्मणो राया नियगेहे, निवण्णो य सयणीए । तत्थ य तत्तवालुयाखित्तमीणस्स व दंडाहयभुयंगस्स व वागुरापडियहरिणस्स व तल्लुम्वल्लिं कुंणमाणस्स वोलीणा रयणी राइणो । पभाए य गओ रायदंसणत्थं कुमारो। दिटुं च सोगाभिभूयं सव्वं पि रायमंदिरं । पुच्छिओ य कोइ जहा 'किमज सोगाभिभूयं सव्वं पि रायमंदिरं दीसइ ?' । तेण सिटुं 'भद्द ! जओ अज अम्ह सामी केणावि कारणेण जलणं पविसिस्सइ, तेण सोगाभिभूयं सव्वं पि रायमंदिरं । कुमारेण जंपियं 'जइ एवं तो धीरा भवह, जेण सव्वं पि सुत्थं करेमि' । त्ति समासासिऊण गओ रायसमीवे । भणियं च 'देव ! किमेयमियरजणचिट्ठियं तुब्भेहिं समाढत्तं ? । राइणा मणियं 'भद्द ! किमेयाए तुज्झ चिंताए ? । तेण जंपियं 'देव ! कारणवसेण पुच्छामि, ता महोवरोहेण साहेउ देवो' । अइनिब्बंध नाऊण कहियं नरिंदेण "भद्द ! दाणवसणं महंतमत्थि, तं च जक्खप्पसाएण पूरियमित्तियं कालं, अज पुण तप्पसायविरहियस्स न संपज्जइ, किंच 'तविरहियस्स किं जीविएणं ?' ति चिंताए एयमाढत्तं" । तेण भणियं 'जइ एवं तो अज्ज प्पभिई मह सिद्धीए आजम्मं पि चिरंतणट्ठिईए देसु दाणं, मा य जक्खं साहिजसु' । तओ अणिच्छमाणेण वि महया निब्बंधेण पडिवण्णं नरिंदेण । इयरो वि पुणो वि गओ वणसंडे । तहिं च जाव एगम्मि सरोवरे मन्जिऊण उत्तरइ ताव भणिओ एकाए मज्झिमवयाए नारीए 'महाभाग ! कुओ किं निमित्तं वा इहाऽऽगओ सि ?' । तेण भणियं 'जलहिपाराओ समागओ सुहिएण लवणाहिवइणा तुटेण पेसिओ मणोरहजक्खसगासं' ।
100 तं च सों। 20 D ता कह। 3A B रियउवट्रिओ। 4A Bइओ विण्ण। 5A B समत्तसत्तेसु परि। 60D हमुपरित्त । 70 D ममं, ति झत्ति। 80D °प्पसाएण। 9 A B °ए दि । 10 A B °भणियं भद्द। 11 A B वो। 12 A B °ण य भ। 13 A B जा च रणो। 1400 जीयंत । 15 C D प्रत्योः पाठपतनम् । 160 D कुणंतस्स। 17A B °व्वं पदीसइ। 180 D ता। 190 D संलत्तं । 200D कओ।