Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 191

१६८
सटीके मूलशुद्धिप्रकरणे चतुर्थ स्थानकम् तओ पत्थावं नाऊण भणिया सव्वे वि नियसुया नरवइणा 'पुत्ता ! जइ तुम्हाण वि पडिहाइ तो अहिसिंचामि तुम्ह भगिणीपयिं रज्जे । तेहिं भणियं 'करेह, जं वो रोयइ अणुग्गहो एस अम्हाणं' । तओ संसिऊण मंति-महंतयाणं पहाणलग्गे अहिसित्तो दोसु वि रज्जेसु कुमारो । सयं च गहिऊण सामण्णं जाओ सकजसाहगो भामंडलराया ।
देवधरनरिंदस्स वि नरकेसरिसामंतेहिं सहोवायणेहिं दिण्णाणि अनाइजसयाणि कण्णयाणं, नियनरिंदेहि वि एवं चेव । एवं च जायाणि पंच सयाणि पंचुत्तराणि देवीणं, ठविया सव्वासिं अग्गमहिसी रजसिरी। भुंजए उदारभोए । जाओ महासासणो नरवई ।
अण्णाँ पुव्वावत्थं सुमरिऊण देवी-नरिंदेहिं पयट्टाविया जिणसासणस्सऽन्भुण्णई, तहा य-काराविजंति जिणमंदिराई, पईट्ठाविजंति तेसु बिंबाई, समायरिजंति ण्हवण-विलेवणपूइणाई, निव्वत्तिज्जति अट्ठाहियामहिमाओ, घोसिज्जति अभयप्पयाणाई, भामिति रहवरा, दिजंति दीणा-ऽणाहाण अणुकंपादाणाई, विहिज्जति साहम्मियपडिवत्तीओ, वियरिजंति साहु-साहुणीणं भत्तिपुव्वाइं महादाणाई, लिहाविजंति पुत्थयाइं पूइज्जंति विहीए, सुव्वंति जिणभासियाई, सेविज्जए सामाइयाइयमावस्सयं, धिप्पए पन्वदियहेसु पोसहं, किं बहुणा ?, जहा जहा जिणसासणस्स अब्भुण्णई भवइ तहा तहा कुणंताणं वच्चए कालो। __अण्णया समागओ चउनाणसंपण्णो भयवं जसभद्दसूरी । गओ राया तव्वंदणत्थं सह देवीए । वंदिओ भावसारं सूरी । निसण्णो सुद्धभूमीए, समाढत्ता य भयवया धम्मदेसणा, अवि यरिद्धी सहावचवला, रोग-जराभंगुरं हयसरीरं । सुविणयसमं च पेम्म, ता चरणे आयरं कुणह ॥ ६७ गिहिधम्म-साहुधम्माण अंतरं जेण जिणवरिंदेहि । कणयगिरि-सरसवेहिं निद्दिटुं समयसारम्मि ॥ ६८ विसयसुहनियत्ताणं जं सोक्खं होइ इत्थ साहूणं । परतत्तिविरहियाणं चक्कहरस्सावि तं कत्तो ? ॥ ६९ बहुजम्मंतरसंचियकिलिट्ठगुरुकम्मसेलनिद्दलणं । मुणिगणसेवियमेयं चारित्तं कुलिससारिच्छं ॥ ७० एगदिणदिक्खिओ वि हु वंदिज्जइ रायरायमाईहिं । चारित्तस्स पहावो एसो नरनाह ! पच्चक्खो ॥ ७१ एगदिवसम्मि जीवो पव्वज्जमुवागओ अणण्णमणो । जइ वि न पावइ मोक्खं अवस्स वेमाणिओ होइ ॥ ७२ कंचण-मणिसोवाणं थंभसहस्सृसियं सुवण्णतलं । जो कारेज जिणघरं तस्स वि तवसंजमो अहिओ ॥ ७३ ता उज्झिऊण नरवर ! गिहवासं सैव्वदुक्खआवासं । गिण्हसु मुणिकयवासं चरणं संसारणिण्णासं ॥ ७४
तं च सोऊण संजायचरणपरिणामेण विण्णत्तं राइणा "भयवं ! रायसिरिपुत्तं गुणहरं जाव रज्जे अहिसिंचामि ताव तुम्ह पासे गिहिस्सामि जमेयं तुन्भेहिं वणियं चरित्तं, परं ताव अवणेह एवं संसयं 'किमहं देवी य बालत्ते चेव सयणविरहियाइं जायाई ?, किं वा महादारिदाभिभूयाई संवुत्ताई?" । भयवया भणियं 'सुण महाराय !
इओ अईए" दुइए भवग्गहणे नंदिवद्धणे गामे आसि तुमं कुलवद्धणो नाम कुलपुत्तगो, महादेवी वि संतिमई नाम तुह भारिया। पयईए तणुकसायाणि दाणरुईणि य । अण्णया य पहपडिवण्णं विहरमाणं समागयं तुम्ह गेहे साहु वलयं, तं च दट्टण भणियं तुमए2 'पिए! पिच्छ एए अदिण्णदाणा कुटुंब-सुहि-सयणपरिपालणपराभग्गा भिक्खं भमंति, को वो एएसिं सयणविरहियाणं तवो'त्ति । संतिमईए भणियं 'नाह ! एवमेयं, नत्थि संदेहो, सुट्ट लक्खियं अजउत्तेणं' । तप्पञ्चयं च बद्धं सयणविओयजं निबिडकम्मं ।
1A B पुत्त!। 2 C D पई र। 30D महल्लयाणं । 4 G दिनाई। 5A B °व । जाव जायाणि । 60 D°या य पुन्वा । 70 D कारवि। 8A B°इवि। 9A B°सु वि बिं। 10 0 0 °पुब्वयाई । 1100°संपुण्णो। 1200 °देण। 13 A B तओ वि। 14 C D सयलदु। 15 A B 'रणाणुराएण। 16 C D तुम्हेहिं। 17 C D चारित्तं । 18 0 D°ए भव। 19 C D जुयल। 20 C D °ए 'पेच्छ । 21 C D कुटुंब। 22 A B चयं बद्ध ।