Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 195

१७२
सटीके मूलशुद्धिप्रकरणे चतुर्थ स्थानकम् तओ दिण्णो अग्णम्मि दिणम्मि पहाणहारो तण्हाभिभूयस्स । तेण भणियं 'सामि ! किमेस हारो ?' । कुमारेण भणियं 'हारो हं, तुमं पुण पडिहारो, ता तुह समप्पिओ जहाजुत्तं करेज्जासि' । तेण वि वयणपरमत्थमयाणमाणेण तदुवरोहेण गहिओ। समप्पिओ बालपंडियाए । तीए पुच्छियं 'ताय ! किमेस हारो?' । तेण भणियं 'दिण्णो देवदिण्णेण' । तीए वि तहंसणाओ तह च्चेव समुप्पण्णरागाइरेगाए पुवमेव लक्खियकुमारभावाए परमत्थवियाणणत्थं पुच्छियं 'ताय ! किं पुण भणियं कुमारेण ?' । तेण जंपियं 'एयं' ति । तओ तीए विण्णायपरमत्थाए पढियं'कोहह हारु न घल्लियइ, जेण कुणइ धणनासु । सो हियडइ पर धारियइ, सयलसुहहँ आवासु' ॥ १९
अस्यायमभिप्राय:-'कोट्टात्' प्राकारात् 'हारः' कुमारः 'न प्रक्षिप्यते' न निष्कास्यते येन करोति धननाशम् , किन्तु हृदयस्थ एव धार्यते येन सुखावासः, इति हृदयम् ।
जणएण तमबुज्झमाणेण न किंचि जंपियं । तीए "वि 'वियड्डयाए एयं पओयणं सिम्झिस्सइ'त्ति भाविऊण पत्यावेण विण्णत्ता जणणी 'अंब ! देह मं देवदिण्णस्स' । जणणीए भणियं 'वच्छे ! पंडिया वि किमयाणा विव जंपसि ?, जओ तुह जणओ वि तस्स कम्मयरो ता कहं तुह तेण सह संबंधो भविस्सइ !, ता अण्णं किं पि समाणविहवं वरेसु' । तीए मणियं 'अंब ! करेहि ताव जत्तं, अण्णहा मंचयनिवडियाणं भूमी' । तहट्ठिया चेव । तओ तीए दढाणुरायं लक्खिऊण मुद्धाए विण्णत्तं जहट्ठियं चेव चंदप्पहाए । तीए वि साहियं भत्तुणो तेण भणियं “पिए ! सामण्णपुत्तो वि कम्मयरो अम्हाणं से जणओ, परं ममावि कहियं कुमारवयंसरहिं जहा 'कुमारो वि तीए दढमणुणुरत्तो' ता कुमारभावमुवलक्खिऊण जहाजुत्तं करिस्सामो” । पत्यावेण य जहा कुमारो निसुणेइ तहा पढियं सेट्टिणा___ 'न त्यजेत् पितृ-मित्राणि, पत्न्या अपि न विश्वसेत् । तद्धनं च न गृह्णीयात् , खदासी नैव कामयेत्' ॥ २०
___ लक्खियजणयभावेण य जंपियं कुमारेण 'ताय ! दुब्बलयभित्ती निवडमाणा अभितरनिवडिया उदाहु बहिनिवडिया सोहणा?' । सेट्ठिणा भणियं 'अभितरनिवडियाए न किंचि इट्टगाइयं विप्पणस्सइ, अओ ईइसा चेव सोहणा' । तेण भणियं 'जइ एवं तो किमयारिसं जंपियं तुब्भेहिं ?' । सेट्ठिणा वि तब्भावं लक्खिऊण कओ महाविभूईए वीवाहो। पइदिणपवड्डमाणाणुरायाइं सविसेससिंगारुब्भडाइं च जाव चिटुंति ताव केणइ पओयणेण य बहिनिग्गयं बालपंडियं दट्ठण नियसहीमुद्दिसिऊण जंपियं एगाए महिलाए, अवि य'सहि ! पुण्णभाइणीणं मझे एयाएँ दिजए रेहा । जा एवंविहगेहे पत्ता बहुरिद्धिवित्थारे' ॥ २१
इयरीए भणियं'सहि ! मा जंपसु एवं, गयविहवनरेण जइ समुव्बूढा । कुणइ महंत लच्छि तो हं मण्णामि पुण्णवई' ॥२२ तं सोऊणं वयणं चिंतइ अह बालपंडिया एवं । 'परिणइसुंदरमेयं वयणमहो! जंपियमिमीए ॥ २३ ता दव्वविढवणत्थं नियनाहं पेसिऊण अण्णत्थ । पुण्णोवजणनिरया सयं च चिट्ठामि, जेणं सो ॥ २४ विढवइ पभूयदव्वं' इय चिंतिय जा गिहम्मि संपत्ता । ता नियपइं नियच्छइ चिंताभरसायरे पडियं ॥ २५
तं च तारिसं दट्टण पुच्छियं तीए 'नाह ! किमुन्धिग्गो विय लक्खीयसि । तेण भणियं "पिए ! अस्थि महंतमुव्वेगकारणं, जओ अहमज्ज कयसविसेससिंगारो मित्तमंडलपरिवारिओ दिट्ठो दोहिं पुरिसेहिं, ताणिक्केण लवियं
1 A B अण्णाद। 2 A B°मं पाडि। 30 D गाए । 40 D कोट्टहिं । 500 परि। 6A B वि 'न विययाए[विणा] एय। 7A B दढाणुरत्तो। 80D उयाह। 90 D अओ सा चेव। 10A B केणय । 110 D विजए। 12 A B °ण जं समु।