Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 196

देवदिन्नकथानकम्
१७३ 'एसो च्चिय सलहिज्जइ एक्को जो ललइ विविहरिद्धीए । वियरइ य महादाणं निरंतरं मत्तहत्थि व्व' ॥ २६ बीएण तओ भणियं 'किं भद्द! पसंसिओ तए एसो। जो पुव्वपुरिसअज्जियलच्छि जणणिं व मुंजेइ ॥ २७
जो नियभुयदंडज्जियलच्छीए कुणइ एरिसं चिटुं । तं चिय मण्णामि अहं सप्पुरिसं, कुपुरिसं इहरा' ॥ २८ ता पिए ! देसंतरं गंतूण नियभुयादंडेहिं जाव नोवज्जिया लच्छी न ताव मे चित्तस्स निव्वुई भवई" । तीए वि हरिसभरनिब्भरंगीए जंपियं “नाह ! सुंदरो तेऽभिप्पाओ, जओ
सो च्चिय सुहओ सो चेव पंडिओ सो विढत्तविण्णाणो । जो नियभुयदंडज्जियलच्छीएँ उवजए कित्तिं ॥ २९ ता नाह ! पुजंतु ते मणोरहा, करेहि जहासमीहियं" । तेण चिंतियं “पवसिउकामे भत्तारे न का वि नारी एवं जंपइ, जओ
पवसंते भत्तारे सोक्खं नारीण जाइ नणु सव्वं । साहीणपिययमाणं हवंति संसारसोक्खाई ॥ ३० एसा य अभिन्नमुहराया एवं जंपइ ता नूणं अन्नासत्ता भविस्सइ, सोहणं च एवं जओ एसा वि पडिबंधट्ठाणं न संजाया" । काऊण निच्छयं गओ जणयसयासे विण्णत्तो य, यथा
'तात ! मामनुजानीहि, धनोपार्जनकाम्यया । गच्छाम्यहं विदेशेषु, करोमि पुरुषक्रियाम् ॥ ३१ जनकेनोक्तम्'विद्यते विपुलं वत्स ! कुलक्रमसमागतम् । धनं ते दानसम्भोगविलासकरणक्षमम् ॥ ३२ तत् तदेव नियुञ्जानस्तिष्ठात्रैव निराकुलः । यतो वियोगं ते वत्स ! नैव सोढुमहं क्षमः' ॥ ३३ देवदिन्नेनोक्तम्'या पूर्वपुरुषैस्तात ! भूरिलक्ष्मीरुपार्जिता । तां भुञ्जानस्य सत्पुंसः कथं न त्रपते मनः ॥ ३४ ततः प्रयच्छ मेऽनुज्ञा प्रसादाण चेतसा । स्वभुजोपात्तवित्तेन येन कीर्तिं करोम्यहम् ॥ ३५
तओ निच्छ्यं नाऊण विसज्जिओ जणणि-जणएहिं । जाव काउमाढत्तो सव्वं सामग्गि तओ 'मा कयाइ एसा निवारइ !' त्ति मण्णभाणेहि भणिया सुण्हा से जणएहिं 'वच्छे ! देसंतरं गंतुकामो दीसइ ते भत्ता' । तीए भणियं "ताय ! तुब्भेहिं जायस्स सप्पुरिसपयमणुवत्तमाणस्स अजउत्तस्स जुत्तमेवेयं, यत उक्तम्स्थानत्यागं करिष्यन्ति सिंहाः सत्पुरुषा गजाः । स्थाने चैव मरिष्यन्ति काकाः कापुरुषा मृगाः' ॥ ३६
तमायण्णिऊण ताणि वि तह चेव चिंतिऊण ठियाणि तुण्हिक्काणि । संवूढे य कुमारे नियरासिसमप्पणेण कया चउरासी वणियपुत्ता कुमारस्स सहाया सेट्ठिणा । तओ समागए सोहणदिणे गइंदारूढो वियरंतो महादाणं निग्गंतूण ठिओ पत्थाणमंगले कुमारो । बालपंडिया वि पहाणकरेणुयारूढा कयउक्किट्ठसिंगारा पप्फुल्लवयणपंकया गया कुमारदसणत्यं । खणंतरेण विण्णत्तो 'सामि ! देह आएसं' । कुमारेण वि लोयाणुवित्तीए आवीलसमण्णियं दिण्णं करबीडयं । तीएं वि मुहे पक्खिविऊण 'सामि ! पुणरवि तुमे दिण्णो चेव पविसिही मम मुहे तंबोलो' त्ति भणंतीए बद्धा वेणिया, पहट्ठमाणसा चेव गया नियगेहे । लोगो वि तं तारिसं दळूण तह चेव चितंतो पविट्ठो नयरं ।
कुमारो वि 'अहो ! विचित्तं इत्थीण चेट्ठियं, तं न नजइ को वि परमत्थो' त्ति भावमाणो पयट्टो अग्गओहुत्तो । कमेण य पत्तो गंभीरयं नाम वेलाउलं, जाव गयवरु व्व पहाणपासाओ व्व सुरयणो ब्व मुणिवरो ब्व नरनाहो व्व मैयरहिओ, पेयवणं व संखदरिसणं व महासंखकुलाउलो, रहवर व्व सचक्को, देवकुलं व
1A B विहवरि । 20 D जमेसा वि। 3A B °रय त्ति। 4 A B °माणेण भ। 5A B गयंदा । 6A B°य रतओ म। 7 C D °ण य वि। 8 A B °ए मुहे। 9 A B°गो तं। 100 D इत्थीचे। 11 0D ताव। 12 A B महरहि।