Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 178

मूलदेवकथानकम् भुत्तं टक्केण । ण दिण्णमेयस्स । जाव तइयदियहे विचिंतियं 'मूलदेवेण णित्थिण्णपाया अडवी ता अज्ज अवस्स ममं दाहिस्सइ एस' । जाव तत्थ वि न दिण्णं । णित्थिण्णा य तेहिं अडवी जाया । तओ दुण्ह वि अण्णोण्णवट्टाओ । तओ भट्टेण भणियं 'भो! तुज्झ एसा वट्टा, ममं पुण एसा, ता वच्च तुमं एयाए' । मूलदेवेण वि 'एयस्स पहावेण अडवी मए णित्थिण्ण' त्ति चिंतेऊण भणियं 'भट्ट ! मूलदेवो मज्झ णाम, णित्थिण्णा य तुह प्पहावेणं अडवी, जइ मए किं पि कयाइ पओयणं सिज्झई तओ आगच्छेज बेण्णायंडं, किं च तुज्झ णाम ?' । भट्टेण भणियं 'सद्धडो, जणकयावर्ड(ड)केण निग्घिणसम्मो णाम' । तओ पत्थिओ भट्टो सगामाभिमुहं, मूलदेवो वि बेण्णायडसम्मुहं ति ।।
अंतराले य दिटुं वसिमं । तत्थ पविट्ठो भिक्खाणिमित्तं । हिंडियमसेसं गामं । लद्धा कुम्मासा, न किं पि अन्नं । पत्थिओ जलासयाभिमुहं । इत्थंतरम्मि य तवसुसियदेहो महाणुभावो महातवस्सी दिट्ठो मासोववासपारणयणिमित्तं तत्थ पविसमाणो । तं च पेच्छिय हरिसवसोभिणबहलपुलएणं चितियं 'अहो ! धन्नो कयत्यो अहं, जस्स एयम्मि देसकाले एस महप्पा दंसणपहमागओ, ता अवस्स भवियव्वं मे कल्लाणपरंपराए, एयपडिलाहणेण य दिण्णो भवइ समत्थदुक्खाण जलंजली, महापत्तं च एसो, जओ
दंसण-णाणविसुद्धं पंचमहव्वयसमण्णियं धीरं । खंती-मद्दव-अजवजुत्तं मुत्तिप्पहाणं च ॥ १७ सज्झाय-ज्झाण-तवोवहाणनिरयं विसुद्धलेसागं । पंचसमियं तिगुत्तं अकिंचणं चत्तगिहसंगं ॥ १८
एरिसपत्तसुखेत्ते विसुद्धसद्धाजलेण संसित्तं । निहियं तु दव्वसस्सं इह-परलोगे अणंतफलं ॥ १९ ता इत्थ कालोचिया देमि एयस्स एए चेव कुम्मासा, जओ अदायगो एस गामो, एसो य महप्पा कइवयघरेसु दरिसावं दाऊण पडिणियत्तइ, अहं उण दोण्णि तिणि वारं हिंडामि ता पुणो वि लभेसीमि, आसण्णो य अवरो बीओ गामो ता पयच्छामि सब्वे "इमि'त्ति । पणमिऊण पणामिया भगवओ कुम्मासा । साहुणा वि तस्स परिणामपगरिसं णाऊण दवाइसुद्धिं च वियाणिऊण 'धम्मसील ! थोवे देजह' त्ति भणिऊण धरियं पत्तगं । तेण वि पवड्डमाणपरिणामाइसएण सव्वे वि दाऊण पढियं
'धण्णाणं खु नराणं कुम्मासा इंति साहुपारणए' । एत्थंतरम्मि गयणंगणगयाए महरिसिभत्ताए मूलदेवभत्तिरंजियाए भणियं देवयाए 'पुत्त मूलदेव ! सुंदरमणुचेट्ठियं तए, ता एयाए गाहाए “पच्छिमद्धेण मग्गसु जं वो रोयइ जेण संपाडेमि सव्वं' । मूलदेवेण भणियं 'जइ एवं तो
गणियं च देवदत्तं दंतिसहस्सं च रज्जं च' ॥ २० देवयाए भणिय 'पुत्त ! निचितो वियरसु अवस्सं महरिसिचरणाणुभावेण अइरेण चेव संपज्जिस्सइ एयं' । मूलदेवेण भणियं 'भगवइ ! एवमेयं ति । वंदिऊण रिसिं पडिणियत्तो । साहू वि गओ उज्जाणं । लद्धा अण्णा भिक्खा मूलदेवेण । भोत्तूर्णं पयट्टो बेण्णायडाभिमुहं । पत्तो कमेण तत्थ ।।
पसुत्तो रयणीए बाहिं पहियसालाए । दिट्ठो चरमजामम्मि सुमिणगो 'किर "पडिउण्णमंडलो निम्मलपहापयासियजीवलोगो मयंको वयणेणोयरम्मि पविट्ठो' । अण्णेण वि कप्पडिएण सो चेव सुमिणगो दिट्ठो, कहिओ य तेण चक्कयरकप्पडियाण । तत्थेगेण भणियं 'अहो ! सोहणो सुमिणगो, लहिहिसि तुमं घय-गुल
1 D°इ तो मा। 20 D°यडे किं । 3A B तुझं। 4 0 D°डक्केण । 5A B °त्तं पवि। 60D पणपुल। 70 D°व्वं मम क°। 8 0 D°समाहियं । 90 वारे हिं। 10 AB°स्सामो त्ति, भा। 11 A Bइम त्ति। 12 AB वस्स भत्ति। 13 60D तुमे ता। 140D पच्छदेण। 15A B मेवं ति। 1600°ण य°। 1700 चरिमजामे सु। 18 0 पडिपुण्ण ।
वस्स भत्ति। 1360 Dथ तुम ता 1 104 B सामो त्ति, आ'।