Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 176

मूलदेवकथानकम्
१५३ पणइयणकप्परुक्खो निम्मलजसपसरधवलियदियंतो । रिद्धीऍ धणयसरिसो सत्थाहो अयलणामो त्ति ॥ १५
सो य मूलदेवाओ पुव्वमेव तीए अणुरत्तो निरंतरदव्यपयाणाइणा भोगे भुंजइ, वहइ य मूलदेवस्सोवरि मणागं पओसं, मग्गइ य मूलदेवस्स छिद्दाणि, न गच्छइ तस्संकाए य मूलदेवो तीए घरं । अवसरमंतरेण भणिया य देवदत्ता जण गीए 'पुत्ति ! परिच्चयसु मूलदेवं, ण किंचि णिद्धणचंगेण पओयणमेएण, सो महाणुभावों अयलो दाया पेसइ पुणो पुणो पभूयं दध्वं, ता तं चेवंगीकरखें सव्वप्पणयाए, न एगम्मि पडियारे दोन्नि करवालाई माइंति, ती मुंच जूयारियमिमं' ति । तीए भणियं 'अंब! नाहं एगंतेण धणाणुरागिणी, अवि य गुणेसु चेव पडिबद्धा' । जणणीए भणियं 'केरिसा तस्स जूयारस्स गुणा ?' । तीए भणियं 'केवलगुणमओ खु सो, जओ
सयलकलापत्तट्ठो सरणागयवच्छलो पियाभासी । धीरो उदारचित्तो गुणाणुरागी विसेसण्णू ॥ १६
अओ न परिच्चयामि एयं' । तओ सा अगेगेहिं दिटुंतेहिं आढत्ता पडिबोहेडं-आलत्तए मग्गिए नीरसं पणामेइ, उच्छुखंडे पत्थिए छोइअं पणामेइ, कुसुमेहिं जाइएहिं कुसुमाणि चुंटेऊण बिंट[त्थमालं ढोएइ । चोइया पडिभणइ-जारिसमेयं तारिसो एस ते पिययमो, तहा वि' न तुमं परिच्चयसि, सत्यश्चाऽयं प्रवादः
___ अपात्रे रमते नारी, गिरौ वर्षति माधवः ।
नीचमाश्रयते लक्ष्मीः, प्राज्ञः प्रायेण निर्धनः ॥ २९१ ॥ देवदत्तार भणियं 'पत्तमपत्तं वा कहमपरिक्खियं जाणेजइ ?'। जणणीए भणियं 'ता कीरउ परिक्खा' । देवदत्तार य हठ्ठतुट्ठाए भणियं “जइ एवं ता गंतूण भणसु अयलं जहा 'देवदत्ताएँ उच्छुम्मि अहिलासो, ता पट्टवसु"। भणिओ बाइयाए । तेण वि अणुग्गहं मण्णमाणेण पेसियाणि उच्छुसगडाणि हरिसियाए जणणीए भणियं 'बच्छे ! पेच्छसु अयलसामिणो दाणसत्ति' । सविसायं च भणियं देवत्ताए 'किमहं करेणूकया जेणेवंविहं समूलडालं उच्छु पुंजीकैरेजइ ?, ता संपयं भणसु मूलदेवं'। भणिओ सो वि । तेण वि घेत्तूग दोण्णि पम्हलपुंडुच्छुजट्ठीओ निच्छोल्लेऊण कयाओ दुयंगुलपमाणाओ गंडियाओ, चाउज्जाएण य अवबुणियाओ कप्पूरेण य वासियाओ सूलाहि य मणागं भिण्णाओ, पञ्चग्गसरावसंपुडं भरेऊण पेसियाओ। दट्ठण य हरिसभरनिभराए भणिया जणणी 'पिच्छ अम्मो ! पुरिसाणमंतरं ति, ता अहं एएसिं गुणाणमणुरत्ता' ।
___ जणणीर चिंतियं 'अच्चंतमोहिया एसा न परिच्चयइ अत्तणा, तो करेमि किंपि उवाय जेण एसेव कामुओ गच्छइ विदेसं, तओ सुत्थं हवइ' । त्ति चितिऊण भणिओ तीए अयलो 'कहसु एईए पुरओ अलियगामंतरगमणं, पच्छा मूलदेवे पविढे मणुस्स सामग्गीए आगच्छेजसु विमाणेज्जसु य तं, जेण विमाणिओ संतो देसच्चायं करेइ, ता पउणो "चिट्ठिजसु, अहं ते वत्तं दाहामि' । पडियण्णं च तेण ।
____ अण्णम्मि दिणे 'अहमज गामंतरं गमिस्लामि'त्ति भगेऊण पभूयदविणं च दाऊण णिग्गओ अयलो। पविसिओ य तीए मूलदेवो। जाणावियं च जणणीए अयलस्स । समागओ य महासामग्गीए । दिट्ठो य पविसमाणो देवदत्ताए। भणिओ य मूलदेवो 'नाह ! ईइसो चेव" इत्थ अवसरो, पडिच्छियं च जणणीए एयपेसियं दव्यं, ता तुब्भे पल्लंकहेढओ मुहुत्तगं चे?ह जाब विसज्जेमि एवं ' । तओ तहेव ठिओ एसो। जाणाविओ
10 D °य मूल°। 2 C D °वो दाया अयलो पेसेइ पुणो पभू । 3A B रेह स। 4 C D तो। 50 De जूयकाररस। 6A B गुच्छमा । 7 C D वि तुमं न परि। 8 C D °ए हट्ठ। 9 Bए इच्छुम्मि ।
मूलडालउच्छुयपुजी । 110 D जीकिजइ। 12 CD ण देण्णि लट्ठीओ। 13 B लपुटुच्छु । 14A Bण वा। 150D चिट्रेस। 160D अज गा। 170व एस अव, D पुस्तके पाठपतनम् । 18 A B य । ता तहे।
.मू.शु०२०