Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 150

कालकाचार्यकथानकम्
१२७ असि-परसु-कुंत-कुंगीसंघटुटुंतसिहिफुलिंगोहो । भैडपुक्काररवड्डो रयछाइयसूरकरपसरो ॥ ३७ एवंविहसमर भरे वटुंते गदभिल्लणरवइणो । सेण्णं खणेण ण वायाहयमेहवंदं व ॥ ३८ तं भग्गं दलणं बलिऊणं पुरवरीऍ, णरणाहो । पविसित्तु तओ चिट्ठइ रोहगसज्जो णियबलेण ॥ ३९
इयरे वि निस्संचारवलयबंधेण णयरिं रोहेऊण ठिया । कुणंति य पइदिणं ढोयं । अन्नम्मि दिवसे जाव ढोएण उवट्ठिया ताव पेच्छंति सुण्णयं कोठें । तओ तेहिं पुच्छिया सूरिणो 'भगवं! किमज्ज सुण्णयं कोठें दीसइ । तओ सूरीहिं सुमरेऊण भणियं जहा 'अज्ज अट्ठमी, तत्थ य गद्दभिल्लो उववासं काऊण गद्दभिं महाविजं साहइ, ता निरूवह कत्थइ अट्टालोवट्ठियं गद्दर्भि' । निरूँवंतेहि य दिट्ठा, दंसिया य सूरीणं । सूरीहि भणियं जहा 'एसा गद्दभी जावसमत्तीए महइमहालयं सदं काहिइ, तं च परबलसंतियं जं दुपयं चउप्पयं वा सुणेस्सइ तं सव्वं मुहेण रुहिरं उग्गिरंतं निस्संदेहं भूमीए निवडेस्सइ, ता सव्वं सजीवं दुपयं चउप्पयं घेत्तूण दुगाउयमित्तं भूभागमोसरह, अट्ठोत्तरसयं च सद्दवेहीणं महाजोहाणं मम समीवे ठावेह' । तेहि वि' तं तहेव सव्वं कयं । ते य सद्दवेहिणो भणिया सूरीहिं 'जया ईमा रासही सद्दकरणत्थं मुहं णिवाएइ तया अकयसदाए चेव एयाए तुब्भे नाराएहिं मुहं भरेजह, कयसदाए उण तुब्भे वि न सकेस्सह पहरिउं, ता अप्पमत्ता आयण्णापूरियसरा चेह' । तेहि वि तह चेव सव्वं कयं ।
तओ य आयण्णायड्डियधणुविमुक्कसरपूरपुण्णवयणाए तीए तिरिक्खीए पीडियाए न य चइयमारसिउं 'पडिहयसत्ति' त्ति । तओ विज्जा तस्सेव साहगस्सुवरिं काउं मुत्तपुरीसं लत्तं दाऊण झत्ति गया । तओ सूरिणा भणिया ते जहा 'गेण्हह संपयं, इत्तियं चेव एयस्स बलं' ति । तओ ते पागारं भंजिऊण पविट्ठा उज्जेणीए । गहिओ सजीवगाहं गदभिल्लो । बंधेऊणं समप्पिओ सूरिपायाणं ।
सूरीहिँ तओ भणिओ रे रे पाविट्ठ ! दुट्ट ! निल्लज्ज ! । अइणज्जकजउज्जमसज्ज ! महारजपब्भट्ट! ॥ ४० जमणेच्छंतीए साहुणीइ विद्धसणं कयं तुमए । न य मण्णिओ य संघो, तेणऽम्हेहिं इमं विहियं ॥ ४१ महमोहमोहियमई जो सीलं साहुणीइ भंजेइ । जिणधम्मबोहिलाभस्स सो नरो देइ मूलग्गि ॥ ४२ निण्णट्टबोहिलाभो भमिहिसि नूणं तुम पि संसारे । रे ! णंतदुक्खपउरे किंच इहं चेव जं जम्मे ॥ ४३ पत्तो" बंधण-ताडण-अवमाणणजणियविविहदुक्खाई । संघावमाणणातरुवरस्स कुसुमोग्गमो एसो ॥ ४४ नरय-तिरिक्ख-कुमाणुस-कुदेवगइगमणसंकडावडिओ । जमणंतभवे भमिहिसि तं पुण विरसं फलं होही ॥४५ जो अवमण्णइ संघं पावो थेवं पि माणमयलित्तो । सो अप्पाणं बोलइ दुक्खमहासागरे भीमे ॥ ४६ सिरिसमणसंघासायणाइ पावेंति जं दुहं जीवा । तं साहिउं समत्थो जइ पर भगवं जिणो होइ ॥ ४७ जेण महंतं पावं कयं तर णेय मण्णिओ संघो । संभासस्साणरिहो अम्हाणं जइ वि रे ! तह वि ॥ ४८ बहुपावभरकंतं दुहजलणकराल जालमालाहिं । आलिंगियं तुमं पासिऊण करुणाइ पुण भणिमो ।। ४९ निंदण-गरिहणपुव्वं आलोएऊण कुणसु पच्छित्तं । दुक्करतवचरणरओ जेणऽज वि तरहि दुहजलहिं' ॥५० इय करुणाए सूरीहिँ जंपियं सुणिय गद्दभिल्लो सो । अइसंकिलिट्ठकम्मो गाढयरं दूमिओ चित्ते ॥ ५१ दूमियचित्तं णाउं कालयसूरीहिँ सो तओ भणिओ । 'मुक्को सि एगवारं संपइ रे ! जाहि णिव्विसओ' ।।५२ तं सूरिवयणमायण्णिऊण पुहईसरेहिँ सो तेहिं । देसाओं धाडिऊणं मुक्को दुहिओ परिब्भमइ ॥ ५३ भमिउं मओ समाणो चउगइसंसारसायरे भीमे । भमिही अणंतकालं तकम्मविवागदोसेणं ॥ ५४
1 C D भडवुक्काररवहो। 20 D °चारं व। 3 C D °स्थ वि अट्टालए उवियं । 4 C D रूविते । 5 A B काहिसइ। 60D°णं मम। 70D वि तहेव । 80D इयं रा। 90 D°ण य स । 10 A B चिकिं ई। 11 D°त्तो ताडण-बंधण-अ°।