Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 158

रौहिणेयककथानकम्
१३५ लहिऊणं छिद्दाई हरइ धणं पाणिणो विणासेउं । चोरिक्कयाएँ चेव य अणवरयं कप्पए वित्तिं ।। ९ तस्स य रोहिणिणामेण भारिया तीऍ कुच्छिसंभूओ । पिउणो गुणेहिँ तुल्लो अत्थि सुओ णाम रोहिणिओ॥१०
अह अण्णया कयाई संपत्ते मरणकालसमयम्मि । लोहखुरेणं भणिओ णियपुत्तो एरिसं वयणं ॥ ११ 'जइ कुणसि मज्झ वयणं उवएसं किंपि तो पयच्छामि' । पुत्तेण वि पडिभणिओ 'भण ताय ! जमभिमयं तुज्झ ॥१२
जम्हा हु जम्मदाई गुरू य देवो ममं तुमं ताय ! । तुम्हाएसमकाउं कस्सऽण्णस्सा करेस्सामि ?' ॥ १३ तव्वयणं सोऊणं रंजियचित्तो पयंपई जणगो । 'जइ एवं ती वयणं ण हु सोयव्यं जिणिंदस्स ।। १४ ।। जो गुणसिलए सुर-नरपहुपणयपओ पयासई धम्मं । तियसकयसमवसरणम्मि संठिओ वीरणामो त्ति ॥ १५ सेसं जं तुह रोयइ कुणसु तयं वच्छ ! निव्वियप्पेण' । इय उवएसं दाउं पंचत्तं पाविओ एसो ॥ १६ इयरो वि मयगकिञ्चं काउं जणयस्स चोरियं कुणइ । निबंधसपरिणामो कुव्वंतो पिउसमाएसं ॥ १७
इत्थंतरम्मि य नर-विजाहरा-ऽसुरा-ऽमरविसरपहुंपणमिज्जमाणपायपउमजुगलो कणयमयपउमपंतिगभदुल्ललियपयप्पयारो चोदससमणसहस्ससंपरिवुडो तित्थयररिद्धीए दिप्पंतो गामा-ऽऽगर-णगराइसु विहरमाणो समागओ भगवं महावीरो। 'विहियं तियसेहिं समवसरणं । कहिउं च पवत्तो सजल जलहरगंभीराए जोयणणीहारिणीए भारईए धम्मदेसणं ।
इत्थंतरम्मि य सो तकरो नियगेहाओ निग्गओ रायगिहं पइ पढिओ। अंतराले य समवसरणपच्चासण्णे समागएण चितियं 'हंत ! जइ एएण मग्गेण वच्चामि तओ भगवओ वयणसवणेण जणयआणाए भंगो भवइ, न य अण्णो मग्गो अत्थि, ता कहमेस बग्घ-दुत्तडीणाओ णित्थरेयव्यो?' । त्ति परिभावमाणस्स बुद्धी जाया जहा 'उभयकण्णे करसाहाहिं ठइऊण दुयमवक्कमामि' त्ति । तओ तहेव काऊण गओ रायगिहं । तत्थ य ईसरगेहेहुँ खत्तखणणाइणा दव्वं गेण्हेऊण वच्चइ णियट्ठाणं ।
___ एवं दिणे दिणे कुणमाणस्स अण्णम्मि दिणे समवसरणऽब्भासमागयस्स भग्गो चरणतले कंटगो, सिग्धगइत्तणेण खुत्तो गाढं, न चएइ अणवणीएण गंतुं । तओ 'न अण्णा गइ' त्ति एगसवणाओ अंगुलीमवणेऊण जाव कंटयं उद्धरेइ ताव देवसरूवं वैक्खाणंतस्स समणस्स भगवओ पविटुं तस्स कण्णे 'अणमिसणयणा अमिलाणमल्लदामा नीरयसरीरा भूमिअसंफासिणो देव' त्ति बयणं । तओ 'हा! पभूयं निसुयं' ति अँड त्ति कंटयं उद्धरेऊण तहेव" कण्णं मुदिऊण सिग्घमवक्रतो । तओ पइदिणं मुसिज्जमाणं णगरमवलोइऊण गया णगरमहंतया राइणो समीवे । ढोइऊण उवायणं कयसम्माणा य विण्णविउमाढत्ता, अवि य'तुह देव ! भुयापंजरगयाण अम्हाण किंचि णत्थि भयं । किंतु मुसिज्जइ णगरं चोरेहिं सामिवियलं व ॥ १८ ता देव ! तहा किज्जउ जह रक्खा होइ सयलणगरस्स । किं बहुणा भणिएणं ?, संपइ देवो पमाणं ति' ॥ १९
तं च सोऊण दट्ठोट्ठभिउडिभासुरेण भणिओ दंडवासिओ राइणा जैहा रे रे ! किमेवं णगरं मुसज्जइ ?' । तेण भणियं जहा 'देव ! किमहं करोमि जओ दिट्ठो वि सो चोरो ण घेत्तुं पारियइ, विजुक्खित्तकरणेण गेहाओ गेहं गंतूण पागाराओ णिग्गच्छइ, वयं तु मग्गेण जाव तयणुमग्गेण लग्गामो ताव सो न नजइ 'कत्थइगओ ?' त्ति, सुव्वइ य सवणपरंपराए जहा अत्थि महाचोरो "रोहिणीओ णाम, न य अम्हेहिं दिह्रो
10 D तुम्ह। 2 C D वो तुम ममं ता। 3 C D तो। 4 C D °रिउं कु। 5 Bहुणमेज। 60 Dभइदुल्ल। 7 C D विरइयं । 80D लयगं। 90 Dम्मस्स दे। 10 C D °मि तो भ°। 11 0 D‘ण य ग । 12 A B °सु खण°। 13 C D त्तणओ ण खु। 14 0A B वक्खाणतस्स भग°, CD वक्खाणं समण। 15 C D °लायम। 16 C D झडि त्ति। 17 0 D°व यक। 18 CD °ण नत्थि किंचि भ। 190 D हा अरे रे। 20 A B करेमो। 21 0 °णियगो नाम ।