Mulshuddhiprakarana

Author(s): Pradyumnasuri
Publisher: Prakrit Text Society Ahmedabad

Page 172

१४९
मूलदेवकथानकम्
[२४. मूलदेवकथानकम् ] अत्थि पाटलिपुत्तं णाम नगरं, जं च संकेयठाणं पिव रम्मयाए, कुलहरं पिव लच्छीए, मंदिरं पिव समत्थकुसलायाराणं, णिवासो व्य विविहविलासाणं, आगरो व्व सुयण जणरयणाणं, आलओ व्व धम्मस्स, उप्पत्तिभूमि व्व नीसेसविजाणं ति । तत्थाऽसेसकलाकुसलो महाविण्णाण-रूव-लावण्णवन्नतारुण्णसमण्णिओ दक्खो विणीओ सरलो चाई कयण्णू गुणाणुराई पंडिओ वियड्डो पडिवण्णसोहिओ सूहवो पियंवयो दीणंजणवच्छलो जूयवसगी चोरियापसत्तो महाधुत्तो साहसजुत्तो य अस्थि मूलदेवो णाम छइल्लो। भणियं च
मणहरकलाभिरामो संपुण्णससि व्व तत्थ परिवसइ । विउसेसु परमविउसो, धम्मरओ धम्मियणरेसु ॥ १ रूवीसु पंचबाणो, समणो समणेसु, माइसु वि माई । सरलेसु परमसरलो, कारुणिओ दीण-किविणेसु ॥ २ चोरेसु परमचोरो, नँययरेसुं च परमजूययरो । धुत्तेसु परमधुत्तो, साहसियनरेसु साहसिओ ॥ ३ इय जेण जेण समयं संबंधं जाइ तस्स तं भावं । परिणमइ मूलदेवो आयरिसो चेव दव्वेसु ॥ ४ विम्हावितो लोयं अणेगकोऊहलेहिं सो तत्थ । वियरइ पुरे जहेच्छं जूए य अइप्पसंगिल्लो ॥ ५ 'जूयवसणि'त्ति काउं जणगेणऽवमाणिओ पुरवराओ। णिग्गंतूणं पत्तो उज्जणिं णाम वरणयरिं ॥ ६ जीऍ कलंकं मयलंछणम्मि, अथिरत्तणं च रइकलहे । करगहणं वीवाहे, अकुलीणत्तं सुरगणेसु ॥ ७ सुमिणम्मि विप्पलंभो, कामिणिलोयम्मि विब्भमो जीए । विग्गह-णिवाय-उवसग्गदंसणं सद्दसत्थेसु ।। ८ राया वि जीऍ नियबलनिदारियदरियरिवुनरेंदोहो । पणइयणकप्परुक्खो जियसत्तू दसदिसिपयासो ॥ ९
तीए य नगरीए सो मूलदेवो रायउत्तो गुलियापओगेण कयवामणयरूवो विम्हावेइ विचित्तकहाहिं गंधव्वकलाहिं णाणापओगेहिं य णागरजणं, पत्तो य परं पसिद्धिं ।
इओ य अस्थि तत्थ रूव-लावण्ण-विण्णाणगव्विया देवदत्ता णाम पहाण गणिया । अवि यचउसट्ठिकलाकुसला चउसट्ठिविलासिणीगुणसमग्गा । बत्तीससु अचत्थं कुसला पुरिसोवयारेसु ॥ १० इगुणत्तीसविसेसे रममाणी पवरपोढिमाजुत्ता । इगवीसरइगुसंधरा अट्ठारसदेसैभासविऊ ॥ ११ इय सव्वेसु वि वेसियसत्थविसेसेसु सा सुनिम्माया । रंजिज्जए ण केण वि सामण्णणरेण सुवियड्डा ॥ १२
तओ कोउगेण तीए खोहणत्थं पञ्चूससमए आसण्णत्थेण आढत्तं सुमहुरं बहुभंगि घोलिरकंठं अण्णण्णवण्णसंवेहरमणेज गंधव्वं । सुयं च तं देवदत्ताए, चिंतियं च 'अहो! अउव्वा वाणी, तो देवो एस कोइ, ण मणुस्समेत्तो' । गवेसाविओ चेडीहिं । गवेसिऊण कहिओ ताहिं जहा 'सामिणि! एस महुमहाणुकारी असेसविण्णाणणिहाणं सव्वणयरीजणमणोहारी को वि बाहिं गायणच्छलेणं वसीकरेइ जणं' । तओ तीए पेसिया माहवाहिहाणा खुजचेडी । गंतूण य विणयपुवयं भणिओ तीए “भो महासत्त! अम्ह सामिणी देवदत्ता विण्णवेइ 'कुणह पसायं एह अम्ह घरं" । तेण वि वियड्डयाए भणियं 'न पओयणं मे गणिया संगणं, निवारिओ विसिट्ठाण गणियायणसंजोगो । भणियं च
या विचित्रविटकोटिनिघृष्टा, मद्य-मांसनिरताऽतिनिकृष्टा । कोमला वचसि चेतसि दुष्टा, तां भजन्ति गणिकां न विशिष्टाः ॥२७९ ॥ याऽपतापनकराऽग्निशिखेव, चित्तमोहनकरी मदिरेव ।
देहदारणकरी छुरिकेव, गर्हिता हि गणिकाऽसलिकेव ॥ २८०॥ 1A B भूमि व नी। 200 °वण्ण-तारुण्णयस। 30°ण-किविणवच्छलो तहा जूय। 4-50 D जूइय। 6A B सुमण। 70 D° ए नय। 8A B °म्हावेंतो विचि। 90 D°णाकोउगेहिं य। 10 0 D°°लाकलिया । 110 D°णवरा। 120 D देसिभा। 1300°ता दिव्वो एस। 14 0 D°मणहारी। 15ABह घरं। 16 A B यासम(संग)मेणनि। 17 C D क्षुरिकेव ।