Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 367

5
10
15
20
25
३३०
जयन्ती प्रकरणवृत्तिः । गाथा ७
उवयारिणं एयारिसाण अम्हेहिं वच्छलेहिं पि । पच्चुवयारो किज्जइ कयन्नूएहिं पि कह ? ही ही ||२६|| संविग्गा विसयसुहं विसं व मन्नन्ति विरसपरिणामं । सिद्धिपुरन्धीए संगमसुहलालसा हुंति ॥२७॥ तं करहं बहुभारक्कन्तं मोयाविऊण दव्वेण । सच्छन्दं वियरन्तं अरन्नमज्झम्मि मुञ्चन्ति ॥ २८॥ सुगुरूण सन्निहाणे सयं पव्वज्जन्ति सव्वविरइसिरिं । विणयगुणमायरन्ता थेरन्ते सुयमहिज्जन्ति ||२९|| अहिगयसुत्तत्थाणं गीयत्थत्तं हवेइ अह ताणं । तत्तो धम्मज्झाणं झायन्ताणं समुल्लसियं ||३०|| विरियं सुहलेसाणं अपव्वकरणम्मि तयणु पविसित्ता । पत्ता खवगस्सेणि खविंति चउघायकम्ममलं ||३१|| ते सुक्कज्झाणतइयं भेयमपत्ता लहन्ति दिढसत्ता । सासयमप्पडिवायं तयणु लहुं केवलं नाणं ||३२|| चिरकालं भवियाणं कमलाणं बोहणिक्कदिणमणिणो । अप्पsिहयपहावा केवलिणो ते महामुणिणो ||३३|| सुहुमकिरियानियट्टिं झाणं झायन्ति सुक्कमह तइयं । आरोहन्ति चउत्थं सुक्कं तो छिन्नकिरियं ति ||३४|| तो बन्धन्ति न कम्मं नवं पुराणं खवन्ति निस्सेसं । तो कम्मबन्धुमुक्का सिद्धिं गच्छन्ति समएणं ॥ ३५॥ एवं जयंति ! जीवा अणाइपरिणामभव्वभावेणं । नाणारयणला चयन्ति संसारदालिद्दं ||३६|| जे पुण अभव्वभावं निसग्गसिद्धं जयंति ? ते जीवा । अंगारमद्दउ इव भवगत्तासुरा हुन्ति ||३७||
भव्वा भव्ववियारे सम्मं कहियम्मि जिणवरिन्देण । पुच्छइ पुणो जयन्ती भयवं सिवगामिणो भव्वा ||३८||