Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 423

३८६
5
जयन्तीप्रकरणवृत्तिः । गाथा २५।२६ तो तीए फरिसणिन्दियसुहसायरमग्गमाणसो एसो । कुरुदेसपयाचिन्तं अत्थाणत्थो कुणइ नेव ॥८॥ सीमालनरवरेहिं देसो लूडिज्जए तओ निच्चं । नयरं चोरेहिं पुणो मुसिज्जए लद्धपसरेहि ॥९॥ असमज्जसप्पवित्तिं दट्टणं मन्तीणं सुमन्तीहि । रज्जविणासे अम्हं अयसो निस्संसयं होही ॥१०॥ तम्हा नरिन्दपुत्तं रज्जे ट्ठविऊण रज्जनीईए ।
वेरीण निग्गहेणं तिवग्गसंसाहणं कुणिमो ॥११॥ यत उक्तं
"यस्य त्रिवर्गशून्यस्य दिनान्यायान्ति यान्ति च । स लोहकारभस्त्रेव श्वसन्नपि न जीवति" ॥१२॥[ ] इय चिन्तिऊण [झत्ति] मन्तीहिं रायनन्दणो भणिओ । जणयं विसयपसत्तं उज्झिय पडिवज्ज नियरज्जं ॥१३॥ जेण तुहपायपायवच्छायाए विलियसव्वसन्तावा । सहलं माणुसजम्मं तुह प्पसाएणिमं कुणिमो ॥१४॥ रायसुएण वि एवं पडिवन्नं तयणु मन्तिबुद्धीए । पियरं मइरामत्तं सुत्तं जणणीए सह नाउं ॥१५।।
चेलञ्चलम्मि लेहं बन्धेत्ताऽरन्नमज्झयारम्मि । पच्चइयमणुस्सेहिं मिल्हावइ झत्ति रयणीए ॥१६॥ मज्जप्पमायनिद्दाविगमे भूमीगयं अरन्नम्मि । पिच्छन्तो अप्पाणं बहुसावयतरुवराइन्ने ॥१७॥ चिन्तइ अवन्तिनाहो किं एयं सुविणयं ति ? तरलच्छो । वत्थञ्चलम्मि पिच्छइ लेहं गंण्ठिट्ठियं तत्तो ॥१८॥ अवगच्छइ परमत्थं वाईय लेहं जहा अमच्चेहिं । रज्जे सुयं ठुवित्ता सकलत्तोऽहं इहं चत्तो ॥१९॥ कुद्धो अवन्तिनाहो उवरि मन्तीए चिन्तए एवं । सुपसायस्स वि मज्झं कह एए विहडिया पावा ? ॥२०॥
25