Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 426

३८९
जयन्तीप्रकरणवृत्तिः । गाथा २५।२६
इय बुद्धीए तं आणिओऽसि, जह तह पुणो वि रज्जसिरिं । संपाडिस्सइ भाया जाया जा एरिसावत्था ? ॥४७॥ इय विलवन्ती वुत्ता बन्धुमई कोलवयणेहिं । भद्दे ! मुञ्चसु सोगं वियाणमाणा भवसरूवं ॥४८॥ "एयम्मि भवे चउगइरूवे जीवाण कम्मवसगाण । जम्ममरणाण दुक्खं गरुयाण वि होइ किं चोज्जं ? ॥४९॥ जेणं चिय संसारो अणेगदुक्खाण एस भण्डारो । तेणं चिय सप्पुरिसा लग्गा परलोयमग्गम्मि ॥५०॥ भवसायरम्मि जीवा संजोगविओगबहलकल्लोले । मोहावत्तरउद्दे लहन्ति दुक्खाण रिच्छोलि ॥५१॥ वाहिजराखरदाढो वसणसयावायतिक्खहमहतालो । जिवयमयघायणरओ मरणमइन्दो भवारन्नो ॥५२॥ भमइ सया सच्छन्दं देविन्दनरवरिन्ददाणविन्देहिं ।
सक्को न निवारेउं ता सोयं बहिणि ! तं चयसु" ॥५३॥ अन्नं च
"धारिज्जइ इन्तो सायरो वि कल्लोलभिन्नकुललसो । न हु अन्नजम्मनिम्मियसुहासुहो दिव्वपरिणामो" ॥५४॥ सोयन्धयारससकरसगोत्तवयणेहिं एवमाईहि । अणुसासिया वि पइणो चिया पविट्ठा मया झत्ति ॥५५।। नरसुन्दरो वि राया तहाविहं मोहविलसियं दटुं । निन्दइ भवस्सरूवं संवेगपव्वसो धणियं ॥५६॥ "खणदिट्ठनट्ठविहवे खणपरियट्टन्तविविहसुहदुक्खे । खणसंजोगवियोगे संसारे कह सुहं होइ ? ॥५७॥ धी संसारसहावो जम्मि उ नेहाणुरायपडिबद्धा । जे पुव्वन्हे दिट्ठा अवरन्हे ते न दीसन्ति ॥५८॥ विसयविसमुच्छिएसुं जीवेसुं सायरि व्व अणवरयं । पडिकूलचारिणीओ महावया हुन्ति किं चोज्जं ? ॥५९॥
15
20
25